لوزاننا – حالىقارالىق بوكس قاۋىمداستىعىنىڭ (اIBA) ۆيتسە-پرەزيدەنتى سەرىك قوناقباەۆتىڭ سپورتتىق اربيتراجدى سوتقا (CAS) جىبەرگەن شاعىمى قاناعاتتاندىرىلىپ، ول رەسمي تۇردە پرەزيدەنتتىككە ۇمىتكەر اتاندى.

بۇل تۋرالى قر ۇلتتىق وليمپيادالىق كوميتەتتىڭ ءباسپاسوز قىزمەتى حابارلادى.

«CAS پەن بۇل ىسكە قاتىسۋشىلارعا مەنىڭ شاعىمىم بويىنشا ءادىل شەشىم شىعارعانى ءۇشىن العىس ايتامىن. ءبىز كەلتىرگەن دالەلدەردى CAS-ءتىڭ وڭ قابىلداعانىنا ريزامىن. مەن ءۇشىن ايبا پرەزيدەنتتىگىنە ۇمىتكەر اتانۋ ۇلكەن قۇرمەت. ەندى باسشىلىقتى مىندەتتى قولعا الىپ، ءبىزدىڭ ۇيىمىمىز بەن سپورتىمىزدى ۇلتتىق فەدەراتسيالارمەن بىرلەسە وتىرىپ قايتا جانداندىراتىن مۇمكىندىگىمىز بار»، - دەدى قوناقباەۆ.

«ماعان پرەزيدەنتتىككە ۇمىتكەر اتانۋعا مۇمكىندىك بەردى. ءارى قاراي پرەزيديۋمدى ۇتىپ الۋ ءۇشىن بار كۇشىمدى سالامىن. مۇنى ءوزىم ءۇشىن ەمەس، ءبىزدىڭ بوكسشىلاردىڭ قۇقىعىن، ولاردىڭ وليمپياداداعى ارمانى مەن ءۇمىتىن قورعاۋ ءۇشىن ىستەگىم كەلەدى. بۇل مىندەتكە ۇلكەن جاۋاپكەرشىلىكپەن قاراي وتىرىپ، 3 قاراشا كۇنى ماسكەۋدە وتەتىن سايلاۋدى اسىعا كۇتەمىن. ايبا-نىڭ جارقىن بولاشاعى ءۇشىن قاۋىمداستىقتىڭ بارلىق مۇشەلەرىنەن مەنىڭ كانديداتۋرامدى قولداۋدى وتىنەمىن»، - دەيدى ول.

Abai.kz