Býgin Qazaqstan últtyq qúramasy UEFA Últtar Ligasy ayasynda Andorra futbolshylaryn qabyldady.

Europa futbol qauymdastyghynyng jana jobasy «Últtar ligasy» turniyri Qazaqstan futbolshylaryn jatyrqay qabyldady. Alghashqy ýsh match boyy jeniske jete almaghan bizding qúrama býgin bar ashuyn alaqanday Andorradan aldy. Osynyng aldynda óz alanynda Gruziyadan 0:2 esebimen jenilip, qonaqta Andorra jәne Latviyamen tek tarqasqan (1:1) Qazaqstan qúramasy tórtinshi oiynda 4:0 esebimen jeniske jetti.

Osynyng aldyndaghy oiyndarda elimizdegi eng maqtauly degen futbolshylardy alangha shygharsa da esh nәtiyje bolmaghan song bas bapker býgin birqansha jas qyrannyng tomaghasyn tartty. Stanimir Stoilov dúrys joldy endi tapqan eken, auyr qimyldaytyn Aleksey Shetkinnen qútylghan Qazaqstan qúramasynyng shabuyl shebi týlep sala berdi. Negizgi qúramda birinshi ret shyqqan Erkebúlan Seydahmet pen Bauyrjan Túrysbek mergendigimen kózge týsti. Búdan bólek, kapitandyq mindetin qaytaryp alghan Bauyrjan Islamhan da bauyryn jaza shapty.

Jeniske jetken jaqsy әriyne. Biraq, 80 myng ghana halqy bar shaghyn elding qúramasyn jengenimiz ýshin bórkimizdi aspangha atyp quanudyng jóni kelmey túr. Sebebi, búl turnirden bizding kýtkenimiz basqa bolatyn. Óz tobymyzda birinshi oryn alyp, 2020 jylghy Europa chempionatyna beriler joldamagha talasyp kóru edi. Alayda, toptaghy basty qarsylasymyz Gruziyadan baqanday jeti úpay qalyp qoyghan bizding quanugha esh mýmkindigimiz joq

Ekinshiden, býgingi qarsylasymyz Andorra qúramasynyng futbolshylary bizding eldegidey milliondap jalaqy almaydy.Tipti arasynda jartylay kәsiby futbolshylar da bar. Al elimiz futbolshylarynyng jaghdayy qanday ekeni bәrimizge belgili. Qarapayym halqy qonyrqalta kýn keshetin Qazaqstannyng futbolshylary aqshany kýrep tabady. Elimizde dop qualaghandargha tólenetin jalaqy ózimiz qatarly damushy elderding bәrinen joghary. Beyresmy derekterge sýiensek, qúramanyng bas bapkeri Stoilov myrza qazaq futbolshylaryna qalay dop tebudi ýiretkeni ýshin jylyna 2 mln euro jalaqy alatyn kórinedi.

Sonymen Qazaqstan qúramasy Últtar ligasyndaghy alghashqy jenisine qol jetkizdi. Biraq, bolgariyalyq maman bastaghan bizding futbolshylar sәl kesh qimyldaghan sekildi. Biz jyghylyp-sýrinip jýrgende Gruziya qúramasy alghashqy ýsh oiynda da jeniske jetip, bizden búryn mәrege jaqyndap qaldy. Endi bizge óz tobymyzda kósh bastau ýshin qalghan eki oiynda jeniske jetu jetkiliksiz. Ol ýshin oq boyy úzap ketken gruzinderding songhy ýsh matchta da sýrinuin tilep, mysyq tileu bolyp otyramyz (bir oiyn bizge qarsy).

Últtar Ligasy. D diviziony. 1 top

Qazaqstan - Andorra 4:0 (2:0)

Goldar: Seydahmet 21, Túrysbek 39, Jozep Gomes 61 (ag), Múrtazaev 74

Qazaqstan: Nenad Erich (Q) - Ghafurjan Sýiimbaev, Evgeniy Postnikov, Yuriy Logviynenko, Abzal Beysebekov, Georgiy Jukov, Bauyrjan Islamhan (K), Serikjan Mujikov, Baktiyer Zaynutdinov, Erkebúlan Seydahmet, Bauyrjan Túrysbek.

Andorra: Jozep Gomes (Q) - Chus Rubio, Ilidefons Lima (K), Maks Liovera, Moyses San-Nikolas - Mark Rebes, Mark Vales, Viktor Rodriyges, Joan Servos - Mark Puholi, Jordy Alaes.

Quanysh Qappas

Abai.kz