Ishki ister ministri Qalmúhanbet Qasymov Ortalyq kommunikasiyalar qyzmetinde ótken «Qúqyqtyq tәrtip jәne qauipsizdikti nyghaytu» taqyrybyndaghy baspasóz mәslihatyna qatysty.

Jinalysta sóz alghan ministr ózining qazirgi qyzmetinde qalu-qalmauyn preziydent sheshetinin aitty. Mәnerlep syrghanaushy Denis Ten qazasynan keyin qogham qúqyq qorghau organdarynyng qyzmetin syngha alyp, Qalmúhanbet Qasymov bastaghan basshylardyng otstavkagha ketuin talap etken edi.

— Biz әskery adambyz, preziydent qalay sheshedi, soghan baghynamyz. Búiryq berilgen jerde isteymiz",- dep qysqa qayyrdy ministr jurnalisterding otstavka turaly súraghyna.

Sonymen qatar Qasymov ózi basqaryp otyrghan ministrlik pen poliyseyler tarapyna aitylyp jatqan qatang syndarmen kelisetinin aitty.

— Ókinishke qaray, songhy uaqytta IID, sonday-aq polisiya qatang syngha qalyp otyr. Kóp jaghdayda syn oryndy aitylady. Rasynda, polisiya qyzmetinde sheshilmegen mәseleler kóp. Ministrlik BAQ-taghy syny materialdargha monitoring jasap otyrady. Árbir aqparat boyynsha tәrtip pen zannyng óreskel búzylghany anyqtalghan jaghdayda júmystan shygharugha deyingi qatang sharalar qoldanylady. Aghymdaghy jyly jaghymsyz sebeptermen IIO-dan 600 qyzmetker júmystan shygharyldy, - dedi Qasymov.

Ministrding aituynsha, songhy jyldary IIM jýiesi qogham aldynda jariya júmys istey bastaghan.

— Internette IIM resmy sayty bar. Ishki ister ministrining blogy júmys isteydi, sonday-aq azamattar qyzmetkerlerding әreketine qatysty aryzdanyp, IIO bólimshelerining qyzmetin jetildiru boyynsha úsynys engizuge arnalghan IIM Birynghay senim telefony iske qosyldy. IIO qyzmetindegi mәseleler boyynsha ýkimettik emes úiymdarmen, IID janyndaghy konsulitativti-kenesshi organdarymen baylanysa Qoghamdyq kenes júmys isteydi. Kenes halyqpen jii esep beru jiyndaryn ótkizedi. Ministr, territorialdy organ basshylary men uchaskelik polisiya inspektorlary, búdan bólek ministrlik jylyna eki ret Parlament Mәjilisindegi Ýkimet saghatynda ministrlik qyzmetining jeke baghyttary boyynsha júmystardyng nәtiyjeleri turaly esep beredi. Ministrlik basshylyghy, aimaqtyq departament basshylary azamattardyng jeke mәseleleri boyynsha túraqty týrde qabyldaular jýrgizedi, - dedi ministr.

Biraq, attan týsse de ýzengiden týskisi kelmegen ministr sonsha kóp syngha qalghanyna qaramastan ózderining jetistikteri jayly aitudy da úmytqan joq. Ministrding aituynsha, ótken jyldarmen salystyrghanda eldegi qylmys sany kóbeymegen. Kerisinshe, auyr jәne asa auyr qylmys sany 17 payyzgha, orta dәrejeli qylmys 10 payyzgha tómendegen. Tipti qoghamdyq oryndarda bolatyn qaraqshylyq, úrlyq faktileri men búryn sotty bolghan azamattar qylmysy da edәuir azayypty.

— Qazir búrynghysynsha kóp oryn alatyn qylmys týri - úrlyq bolyp otyr. Barlyq qylmystyq әreketterding shamamen 70 payyzy sonymen baylanysty. Mәselen Almatyda 74 payyz, Almaty men Aqtóbe oblystarynda 72 payyz, - dedi Qasymov.

Ministrding aituynsha, eldegi qúqyq búzushylyqqa teris әser etip jatqan kriminogendik faktorlar - nashaqorlyq, alkogolige qúmarlyq, júmyssyzdyq, oqu oqymau jәne otbasyndaghy kelensiz jaghdaylar eken.

Ministrding búl sózderinen qúqyq qorghaushylardyng qyzmetine ong bagha berip otyrghanyn angharu qiyn emes. Barsha aqparat qúraldarynda elde qylmystyng kóbeygeni jayly aitylyp, jazylyp jatsa da jauapty qyzmetkerler «jaghdaymyz jaqsy» degen jattandy uәjderinen tanar emes. Eger ministr aitqanday qylmys jyldan-jylgha azayyp bara jatsa, býkil el bolyp onyng otstavkagha ketuin talap etpes edi ghoy.

Abai.kz