"Qazaq qyzdary shet el azamattaryna túrmysqa shyqpasyn!"-dep baybalam salu qazir dәstýrge ainalghan. Tipti Múhtar Shahanov aghamyz "onday qyzdardy qazaqstan azamattyghynan aiyru kerek" dep biraq úrdy. IYә, men de qarsymyn, maghan da únamaydy. Sonda bizding kýieu jetpegen qyzdarymyzdy Ertiske toghytyp jibereyik pe? Shyqpa dep aitugha onay. Al, terenirek ýnilsek búghan kim kinәli?
Eng birinshi memleket kinәli. Qazirgi qazaq jastaryn qaryzgha batyryp qoyghan ekonomikalyq sayasat kinәli. Qaltaly jigitterding bәri basqa últtar. Qazaqtyng kózi ashylatyn týri joq. Kez kelgen qalamyzda basqa últtardan pәter jaldap túryp jatqan auyldan kelgen qazaq jigitteri. Songhy jariyalanghan ipotekalyq baghdarlamamen jay júmysker pәter ala almaytyny mәlim bolyp jatyr.

Demek qazaq jastaryna kónil bólmey eshteme ónbeydi. Zandar әlsiz. Kez kelgen shet el azamaty kelip qyzdardy әkete beruine bolady. Eshqanday shyghyn shygharmay aq. Mýmkin uaqytsha, demografiyalyq ahual jóndelgenshe eki әiel aludy zandastyru kerek te shyghar. Jastar joghary bilim alghannan keyin ne isterin bilmeydi! Óitkeni júmys joq. Júmys oryndary qaghaz jýzinde ghana ashylyp jatyr. Preziydent óndiristerdi ashyp, ketkennen keyin qayta jabylyp jatqanyn bilemiz. Salynyp jatqan zauyt-fabrikalar óte az, úsaq, auyz toltyryp aitugha kelmeydi.

Osynday mәselelermen ainalysyp jatqan memleket joq. Ár basshy óz qaltasyn ghana oilauda. Sondyqtan er-azamattar, qyzdargha - "Sender shet elding jigitine kýieuge shyqpandar",- dep bet-jýzimizdi jasyryp, kóp aiqaygha qosylyp qana aita alamyz.

Óitkeni múnyng bәrine ózimiz kinәlimiz. Ýndemey otyra bersek, әli kórmegendi kóremiz!

Shashubay Shaymerdenúlynyng facebook paraqshasynan

Abai.kz