Seysenbi, 26 Mamır 2020
COVID-19 QAZAQSTANDA. Jwqtırğandar — 8531. Jazılğandar — 4515. Qaytıs bolğandar — 35
1714 0 pikir 25 Şilde, 2018 sağat 13:30

Qoğamdıq keñes müşeleri Almatı qalasınıñ qauipsizdigin talqıladı

Foto Azattıq

Keşe Almatı äkimdigi janınan qwrılğan qalalıq qoğamdıq keñes sportşı Denis Tenniñ qazasınan keyin kezekten tıs jiın ötkizdi. Jinalğandar qalanıñ qauipsizdigin talqıladı.

Qoğamdıq keñes müşeleri Qalalıq işki ister departamentiniñ jwmısın jaqsartuğa qatıstı qala twrğındarınıñ birqatar wsınıstarın atap ayttı.

Bügin Qoğamdıq keñes alañında qalalıq belsendilerdiñ, ükimettik emes wyımdar men qala twrğındarınıñ qatısuımen Almatı qalasında qoğamdıq qauipsizdikti qamtamasız etu boyınşa ötken tıñdalımda Qoğamdıq keñes törağası Rahman Alşanov:

"Jwrtşılıq tarapınan ärtürli qauipsizdik jwmıstarına qatıstı köptegen wsınıstar kelip tüsti. Mısalı, 102 koll-ortalığınıñ jwmısın jaqsartu qajet. Bwl ortalıq qızmetkerleriniñ sanın köbeytu qajet, sebebi, köp jağdayda adamdar qoñırau şalıp, habarlasa almay jatadı. Sonımen qatar, twrğındar amnistiya jäne probaciya jüyesi arqılı bosatılğan sottalğan azamattardı beyimdeu men oñaltuğa qatıstı jağdayğa alañdauşılıq bildirdi. Qalalıq işki ister departamenti men audandıq policiya bölimşeleriniñ basşılarına KPI engizu qajettigi turalı mäsele belsendi talqılandı. Sonday-aq, jalaqı turalı, käsibi kadrlardı irikteu mäseleleri de bar", - dedi.

Öz kezeginde Qoğamdıq keñestiñ müşesi Marat Şibutov azamattar men policiyanıñ wsaq qwqıq bwzuşılıqtarğa tözimsizdik mäselesin köterdi.

"Äleumettik jelilerde twrğındar wsaq qwqıq bwzuşılıqtardıñ köp jağdayda ayaqsız qalatının jazadı. Sol sebepti adamdardıñ policiyağa degen senimi joğaladı. Eger joğalğan käriz lyugi nemese telefondı uaqıtılı taba almasa, onda olardıñ eleuli wrlıq nemese qaraqşılıqqa qatıstı isti aşa alatınına senu qiın. Sondıqtan policiya bwl mäselege nazar audaruı kerek", - degen pikirimen bölisti Marat Şibutov.

Bügingi ötken tıñdalımnıñ qorıtındısı boyınşa aytılğan barlıq wsınıstardı Qoğamdıq keñes zañdı twrğıdan Qazaqstan Respublikasınıñ Ükimeti men Parlamentine joldaytın boladı.

Jalpı aytıp öter bolsaq, jwrtşılıq qwqıq qorğau organdarınıñ basşılığınan atalğan wsınıstar boyınşa naqsı is-äreketter kütedi.

Abai.kz

0 pikir