Býgin Qoghamdyq kenes alanynda qalalyq belsendilerdin, ýkimettik emes úiymdar men qala túrghyndarynyng qatysuymen Almaty qalasynda qoghamdyq qauipsizdikti qamtamasyz etu boyynsha ótken tyndalymda Qoghamdyq kenes tóraghasy Rahman Alshanov:

"Júrtshylyq tarapynan әrtýrli qauipsizdik júmystaryna qatysty kóptegen úsynystar kelip týsti. Mysaly, 102 koll-ortalyghynyng júmysyn jaqsartu qajet. Búl ortalyq qyzmetkerlerining sanyn kóbeytu qajet, sebebi, kóp jaghdayda adamdar qonyrau shalyp, habarlasa almay jatady. Sonymen qatar, túrghyndar amnistiya jәne probasiya jýiesi arqyly bosatylghan sottalghan azamattardy beyimdeu men onaltugha qatysty jaghdaygha alandaushylyq bildirdi. Qalalyq ishki ister departamenti men audandyq polisiya bólimshelerining basshylaryna KPI engizu qajettigi turaly mәsele belsendi talqylandy. Sonday-aq, jalaqy turaly, kәsiby kadrlardy irikteu mәseleleri de bar", - dedi.

Óz kezeginde Qoghamdyq kenesting mýshesi Marat Shibutov azamattar men polisiyanyng úsaq qúqyq búzushylyqtargha tózimsizdik mәselesin kóterdi.

"Áleumettik jelilerde túrghyndar úsaq qúqyq búzushylyqtardyng kóp jaghdayda ayaqsyz qalatynyn jazady. Sol sebepti adamdardyng polisiyagha degen senimi joghalady. Eger joghalghan kәriz lugi nemese telefondy uaqytyly taba almasa, onda olardyng eleuli úrlyq nemese qaraqshylyqqa qatysty isti asha alatynyna senu qiyn. Sondyqtan polisiya búl mәselege nazar audaruy kerek", - degen pikirimen bólisti Marat Shibutov.

Býgingi ótken tyndalymnyng qorytyndysy boyynsha aitylghan barlyq úsynystardy Qoghamdyq kenes zandy túrghydan Qazaqstan Respublikasynyng Ýkimeti men Parlamentine joldaytyn bolady.

Jalpy aityp óter bolsaq, júrtshylyq qúqyq qorghau organdarynyng basshylyghynan atalghan úsynystar boyynsha naqsy is-әreketter kýtedi.

Abai.kz