Düysenbi, 10 Tamız 2020
COVID-19 QAZAQSTANDA. Jwqtırğandar — 99442. Jazılğandar — 72523. Qaytıs bolğandar — 1058
46 - söz 2500 1 pikir 3 Şilde, 2018 sağat 12:34

Pedofilge türmede tamaq berip, halıq asırap otır

Balasınıñ bolaşağına alañdamaytın ata-ana joq, tek ilude bir aqılın araq pen esirtki işip, sanası ulanğan jan bolmasa bauır eti üşin otqa da, suğa da tayınbay tüsuge, ömirin solar üşin beruge de bar. Öytkeni bala erteñgi kün, artıñda qalar twyağıñ, ömiriñdi jalğastıruşı, köziñniñ quanışı, köñiliñdi köl dariya eter keleşegiñ.

Jeke pendeler üşin balası sonday bolğanda twtas memleket üşin bala kim? Ol - eldiñ erteñi emes pe? Ökiniştisi sol memleket joğarıdağı sanasın araq pen esirtki ulağan ata-ana tärizdi elimizdiñ erteñin qorğay almay otır. Ana jerden, mına jerden pedofildiñ ayuan äreketinen sorlap qalğan bala, şarasız küyden jılağan ata-ana. Qoğam tiksinip, balapandarınıñ erteñine alañdap, dalağa, esik aldına oynauğa jalğız jiberuden de qalıp baradı. Üyde bos otırğan ata-äje bolsa jaqsı, al ülkeni joq üydiñ balası tört qabırğağa qamalıp otıruğa mäjbür. Öytkeni bizdiñ zañ gumannıy, balanı qorlağandı türmege salıp, halıqtıñ esebinen tamaq berip asıraydı.

Osındaydı oy eleginen ötkizip balasın qorğay almağan el bolaşağına bekem be degen saual özdiginen tuındaydı eken.

Anar Töleuhanqızınıñ Facebook-tegi paraqşasınan

Abai.kz

1 pikir