سارسەنبى, 8 شىلدە 2020
COVID-19 قازاقستاندا. جۇقتىرعاندار — 41065. جازىلعاندار — 13614. قايتىس بولعاندار — 188
46 - ءسوز 2463 1 پىكىر 3 شىلدە, 2018 ساعات 12:34

پەدوفيلگە تۇرمەدە تاماق بەرىپ، حالىق اسىراپ وتىر

بالاسىنىڭ بولاشاعىنا الاڭدامايتىن اتا-انا جوق، تەك ىلۋدە ءبىر اقىلىن اراق پەن ەسىرتكى ءىشىپ، ساناسى ۋلانعان جان بولماسا باۋىر ەتى ءۇشىن وتقا دا، سۋعا دا تايىنباي تۇسۋگە، ءومىرىن سولار ءۇشىن بەرۋگە دە بار. ويتكەنى بالا ەرتەڭگى كۇن، ارتىڭدا قالار تۇياعىڭ، ءومىرىڭدى جالعاستىرۋشى، كوزىڭنىڭ قۋانىشى، كوڭىلىڭدى كول داريا ەتەر كەلەشەگىڭ.

جەكە پەندەلەر ءۇشىن بالاسى سونداي بولعاندا تۇتاس مەملەكەت ءۇشىن بالا كىم؟ ول - ەلدىڭ ەرتەڭى ەمەس پە؟ وكىنىشتىسى سول مەملەكەت جوعارىداعى ساناسىن اراق پەن ەسىرتكى ۋلاعان اتا-انا ءتارىزدى ەلىمىزدىڭ ەرتەڭىن قورعاي الماي وتىر. انا جەردەن، مىنا جەردەن پەدوفيلدىڭ ايۋان ارەكەتىنەن سورلاپ قالعان بالا، شاراسىز كۇيدەن جىلاعان اتا-انا. قوعام تىكسىنىپ، بالاپاندارىنىڭ ەرتەڭىنە الاڭداپ، دالاعا، ەسىك الدىنا ويناۋعا جالعىز جىبەرۋدەن دە قالىپ بارادى. ۇيدە بوس وتىرعان اتا-اجە بولسا جاقسى، ال ۇلكەنى جوق ءۇيدىڭ بالاسى ءتورت قابىرعاعا قامالىپ وتىرۋعا ءماجبۇر. ويتكەنى ءبىزدىڭ زاڭ گۋماننىي، بالانى قورلاعاندى تۇرمەگە سالىپ، حالىقتىڭ ەسەبىنەن تاماق بەرىپ اسىرايدى.

وسىندايدى وي ەلەگىنەن وتكىزىپ بالاسىن قورعاي الماعان ەل بولاشاعىنا بەكەم بە دەگەن ساۋال وزدىگىنەن تۋىندايدى ەكەن.

انار تولەۋحانقىزىنىڭ Facebook-تەگى پاراقشاسىنان

Abai.kz

1 پىكىر