Osy kýnderi Brusselde birqatar últ janashyrlarynyng kezdesui ótti. Búghan qatysty BAQ-ta, әleumettik jelilerde kóptegen alypqashpa әngimiler men aiyp taghular kórinis tapty. Áriyne, әrkim týrli mәseleni ózdiginshe payymdaugha haqyly. Dese de, atalghan jaghdayat aqparattyq tapshylyqtan tuyndaghanyn eskere otyryp, key tústaryna týsinik bergen jón.

Nege Brusseli?

Birinshiden, osynday auqym men dengeyde býgingi Qazaqstanda onday jiyn ótkizu mýmkin emes ekenin barlyghyghynyz bilesiz (meken qojayynyn jaldau kelisiminen bas tartqyzu, elektrdi óshirip tastau, arandatushylardy jiberip tóbeles úiymdastaru, qatysushylargha aldyn ala ses kórsetip búghattau men tútqyndau, t.b.).

Ekinshiden, búl jobagha Qazaq elinen tysqary jýruge mәjbýrlengen "Elim-Jerim" degen azamattar qatysugha múrsat aldy.

Ýshinshiden, Brusseli – 28 europalyq el basyn qosqan Ortalyq. Tiyisinshe onyng sheshushi úiymdary - Europa Parlamenti, Europa Komissiyasy, Europa Kenesimen kelissózder jýrgizuge mýmkindik tudy. Bas qosu Qazaqty tolghandyrghan kóptegen mәselelerge den qoyyp olardyng últtyq qana emes, aimaqtaqtyq hәm ghalamdyq manyzgha ie ekendigin aiqyndady. Búny atalmysh halyqaralyq úiymdar da moyyndady.

Alayda Brusselidegi kezdesuding basty janalyghy – patriottar birigip sózden iske kóshkendigi. Kónilge tiygeni – “qogham belsendileri nege úiqyda jatyr”, “oyansa boldy qoldar edik” degendirding birqatary ainalyp shygha kelgeni. Atap aitqanda, jana ghana tughan birlestikti jamandap, oghan aiyp taqqany. Áriyne onday synshylardyng arasynda jaldanghan trollider qújynaghany belgili. Áytse de jóni dúrys aqyl men esi ong adamdargha Memleket pen Últ mәselesine kelgende sonday salghyrttyq tanytu jaraspas. Maghan dese qoryqsan, qoldamay-aq qoy, eng bolmasa bóget jasamasash, aramzany aqtap. Úyat. Bizge Jana Qazaqstan auaday kerek. Tәuelsiz, әdil, jemkorlyqtan ada, óskeleng úrpaghy ór Qazaq eli. Onsyz demimiz tarylyp qúldyq sana-sezim men ómir saltynan arylmaymyz.

Rasul Júmalynyng Facebook-tegi paraqshasynan

Abai.kz