جۇما, 29 ناۋرىز 2024
46 - ءسوز 4555 5 پىكىر 30 ءساۋىر, 2018 ساعات 09:06

"جاڭا قازاقستان" تۋراسىندا...

وسى كۇندەرى بريۋسسەلدە بىرقاتار ۇلت جاناشىرلارىنىڭ كەزدەسۋى ءوتتى. بۇعان قاتىستى باق-تا، الەۋمەتتىك جەلىلەردە كوپتەگەن الىپقاشپا اڭگىمىلەر مەن ايىپ تاعۋلار كورىنىس تاپتى. ارينە، اركىم ءتۇرلى ماسەلەنى وزدىگىنشە پايىمداۋعا حاقىلى. دەسە دە، اتالعان جاعدايات اقپاراتتىق تاپشىلىقتان تۋىنداعانىن ەسكەرە وتىرىپ، كەي تۇستارىنا تۇسىنىك بەرگەن ءجون.

نەگە بريۋسسەل؟

بىرىنشىدەن، وسىنداي اۋقىم مەن دەڭگەيدە بۇگىنگى قازاقستاندا ونداي جيىن وتكىزۋ مۇمكىن ەمەس ەكەنىن بارلىعىعىڭىز بىلەسىز (مەكەن قوجايىنىن جالداۋ كەلىسىمىنەن باس تارتقىزۋ، ەلەكتردى ءوشىرىپ تاستاۋ، ارانداتۋشىلاردى جىبەرىپ توبەلەس ۇيىمداستارۋ، قاتىسۋشىلارعا الدىن الا سەس كورسەتىپ بۇعاتتاۋ مەن تۇتقىنداۋ، ت.ب.).

ەكىنشىدەن، بۇل جوباعا قازاق ەلىنەن تىسقارى جۇرۋگە ماجبۇرلەنگەن "ەلىم-جەرىم" دەگەن ازاماتتار قاتىسۋعا مۇرسات الدى.

ۇشىنشىدەن، بريۋسسەل – 28 ەۋروپالىق ەل باسىن قوسقان ورتالىق. تيىسىنشە ونىڭ شەشۋشى ۇيىمدارى - ەۋروپا پارلامەنتى، ەۋروپا كوميسسياسى، ەۋروپا كەڭەسىمەن كەلىسسوزدەر جۇرگىزۋگە مۇمكىندىك تۋدى. باس قوسۋ قازاقتى تولعاندىرعان كوپتەگەن ماسەلەلەرگە دەن قويىپ ولاردىڭ ۇلتتىق قانا ەمەس، ايماقتاقتىق ءھام عالامدىق ماڭىزعا يە ەكەندىگىن ايقىندادى. بۇنى اتالمىش حالىقارالىق ۇيىمدار دا مويىندادى.

الايدا بريۋسسەلدەگى كەزدەسۋدىڭ باستى جاڭالىعى – پاتريوتتار بىرىگىپ سوزدەن ىسكە كوشكەندىگى. كوڭىلگە تيگەنى – “قوعام بەلسەندىلەرى نەگە ۇيقىدا جاتىر”، “ويانسا بولدى قولدار ەدىك” دەگەندىردىڭ بىرقاتارى اينالىپ شىعا كەلگەنى. اتاپ ايتقاندا، جاڭا عانا تۋعان بىرلەستىكتى جامانداپ، وعان ايىپ تاققانى. ارينە ونداي سىنشىلاردىڭ اراسىندا جالدانعان تروللدەر قۇجىناعانى بەلگىلى. ايتسە دە ءجونى دۇرىس اقىل مەن ەسى وڭ ادامدارعا مەملەكەت پەن ۇلت ماسەلەسىنە كەلگەندە سونداي سالعىرتتىق تانىتۋ جاراسپاس. ماعان دەسە قورىقساڭ، قولداماي-اق قوي، ەڭ بولماسا بوگەت جاساماساش، ارامزانى اقتاپ. ۇيات. بىزگە جاڭا قازاقستان اۋاداي كەرەك. تاۋەلسىز، ءادىل، جەمكورلىقتان ادا، وسكەلەڭ ۇرپاعى ءور قازاق ەلى. ونسىز دەمىمىز تارىلىپ قۇلدىق سانا-سەزىم مەن ءومىر سالتىنان ارىلمايمىز.

راسۋل جۇمالىنىڭ Facebook-تەگى پاراقشاسىنان

Abai.kz

5 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1569
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2265
عيبىرات

قايسار رۋحتى عازيز جان

مۇحتار قۇل-مۇحاممەد 3563