(Ballada)

Aqboz at mening túlparym

Samghaghan kónil súnqarym

Sәken Seyfuliyn

1

Eli ýshin sheyt bolghan jampoz aqyn,

Peyishte jolyqtyrdy aqboz atyn...

Taqymy tiyse ystyq sauyryna,

Kóktegi aqsha búltqa qol sozatyn.

 

Tynystap týnning qonyr samalymen,

Ánimen janghyrtatyn dalany ken.

Tyndaytyn súlu aru, núrlandyryp

Manayyn aiday appaq jamalymen.

 

Qonghanday sәulesinen núr jalyna,

Aqboz at asyghatyn syrghalygha.

Jorghalap keyde ayandap, keyde jelip,

Jýrisin týzep әnning yrghaghyna.

 

Ánge elitken túyaghynyng dabysyna,

Ýn qosqan qyzdyng jýrek qaghysy da,

Jýirik at, kerbez qalqa, er jigittin

Bolama odan asqan baghy sirә?!

 

Sәnimen ayaldatqan peri kóshin,

Kórkine say-salanyng berilesin...

Arghymaq erttep minip, qyzylgha erip,

Qúrmasa sauyq-sayran serige – syn.

 

Osqyryp boz túlpary mayda jelgen,

Arudy alghash ret sayda kórgen.

Araygha toghytqanday sekildendi,

Tolghan ay kóterilip aina kólden.

 

Sol edi jýregining kóksegeni,

Jaylaudyng qúbyladan jetse lebi,

Kónilin oqyghanday tyqyrshidy,

Aqboz at jan serigi – bek seneri.

 

Inkәrlik erikti alyp, damyldatbay,

Tizginin qoya bergen betin qaqpay,

Qymtanyp shaghy kórpe oyau jatty,

Asyqqan asyly da senimdi aqtay...

 

Terbelip auylynyng shi, qúraghy,

Sәbiydey shalyqtaydy úiqydaghy.

Túr әne dóngelenip kóz úshynda,

Synaptan qúiylghanday ýy – túraghy.

 

...Arudyng súlulyghyn ay qyzghanyp,

Jaqynnan súnqyldady bayghyz gharyp...

 

Tirshilik túra bermey solay nege?!

Qar jaudy qazan kirip boray nege?!

 

2

 

Qyrtysyn qaq aiyryp jotalardyn,

Tirsegin dirildetip botalardyn,

Ýrkitip tirshilikti ýrey shyqty,

Dausy edi ozandaghan ot arbanyn.

 

Qarqyldap qaumalaghan qargha ghana,

Qauypty qangha bókpey angharama?!

Jeti bas aidaharday jalyn býrkip,

Ot arba keledi enip sary dalagha...

 

Jelkeni nart qyzyl tu – qandy jalau,

Dýrlikti búla tirlik tanghy narau,

Balasyn bir atanyng jikke bólip,

Múraty joqty esirkep, bardy talau.

 

Búlbúldyng yryzdyghyn tonap qargha,

Qashaldy tau men tasqa oraq, balgha.

Topshysyn sher-qúsadan jartasqa úrdy,

Qyrandar túghyr tappay qonaqtargha.

 

Aumaydy búlttar da balqymadan,

Kenis joq qyzyl jalqyn sharpymaghan,

Seri aqyn talyqsuda aua jetpey,

Ter aghyp samayynan alty taram.

 

Auytqyp shyndyghynan, ghasyr tayyp,

Taqtyda qyzyl tobyr, basyndy, aiyp.

Qaralap mahabbatty, súlulyqty,

Arudyng aryn taptap, shashyn jayyp…

 

Moynynda qyzyl túzaq balanyng da,

Túlparlar úzay almas nar adym da,

Aqiqat qúlyptanyp, desi jýrdi

Domalaq aryz, kýndes jalanyng da.

 

Azaptap san aiypty tizdi kýnde,

Úqsatty aq qúbasha jýzdi kimge?!

Týskenbe qyzyl siqyr arbauyna,

Ózi otyr ot arbanyng tizgininde.

 

Qan qatyp aqboz attyng tobyghyna,

Artynda jete almay zoryghuda...

Qomsynyp qyzyq kýnin, tәrki etip,

Qosyldyma qyzyldar joryghyna?!

 

Shoshynyp oyandy aqyn: týrmede eken...

Taghdyry nege múnsha kýndedi eken?!

Taypaltyp aqboz atty, әn salushy ed,

Sol kezde naghyz ómir sýrgen eken.

 

Eli ýshin sheyt bolghan jampoz aqyn,

Peyishte jolyqtyrdy aqboz atyn...

Esbol Ýsenúly

Abai.kz