- Tanertengi [jeksenbi kýngi – red.] saghat 9:30 kezindegi mәlimet boyynsha "Aq-Tilek" ótkizu beketinde 410 jýk avtokóligi kezekte túr. Biraq keshe keshki saghat altydan bastap Qazaqstan jaghy olardy ótkizudi tezdetken. Tangha deyin 225 jýk kóligin ótkizgen. Búghan deyin saghatyna jeti-segiz ghana kólik ótse, qazir on bes-jiyrmadan ótip jatyr, - deydi Salqyn Abdykariyeva.

Onyng aituynsha, Qyrghyzstannyng Talas oblysyndaghy "Chon-Kapka" ótkizu beketinde kezekte túryp qalghan 70-ke juyq jýk kóligining barlyghy Qazaqstangha ótken.

Jeltoqsannyng 2-i kýni Astanada Qazaqstan men Qyrghyzstan ýkimetterining ókilderi kelissóz ótkizip, onyng qorytyndysy boyynsha ekijaqty ekonomikalyq әriptestik mәseleleri boyynsha "jol kartasyna" qol qoyghan. Qújatta shekaralyq, kólik, fitosanitarlyq jәne veterinarlyq baqylau, kedendik jәne salyq salalary tәrizdi ekijaqty әriptestikting ózekti mәselelerin keshendi týrde sheshudi kózdeytin 50 shara qamtylghan. Onyng ishinde jedel sipattaghy 16 shara, sonymen birge 5 qysqa merzimdi jәne 29 jýieli sharalar engizilgen.

Qazaqstan Qyrghyzstanmen shekaradaghy baqylaudy qazannyng 10-ynan bastap kýsheytilgen rejimge kóshirgennen keyin kórshi elden Qazaqstan aumaghyna ótu qiyndap ketken edi. Astana shekarada tekseruding kýsheytilgenin kontrabandamen kýres sharasy dep týsindirgen. Bishkek Qazaqstan jaghy shekarada "qoldan kedergi jasap otyr" dep mәlimdegen.

Key sarapshylar Astananyng múnday sharagha baruyn sol kezdegi Qyrghyzstan preziydenti Almazbek Atambaevtyng "Qyrghyzstannyng ishki isine aralasyp otyr" dep Qazaqstan basshylyghyn synaghan mәlimdemesimen baylanystyrghan.

Abai.kz