Jwma, 10 Säuir 2020
COVID-19 QAZAQSTANDA. Jwqtırğandar — 802. Jazılğandar — 63. Qaytıs bolğandar — 9
Jañalıqtar 2589 1 pikir 7 Mausım, 2017 sağat 15:42

«Memlekettik til jäne BAQ» bayqauı: jeñimpazdardı marapattau räsimi ötedi

Qazaqstan Respublikası Mädeniet jäne sport ministrliginiñ Tilderdi damıtu jäne qoğamdıq-sayasi jwmıs komiteti memlekettik til sayasatın bwqaralıq aqparat qwraldarında nasihattau belsendiligin arttıru maqsatında baylanıs jäne aqparat qızmetkerleri künine oray 2017 jıldıñ  16 mausımında «Memlekettik til jäne BAQ» respublikalıq konkursınıñ jeñimpazdarın saltanattı marapattau räsimin ötkizedi dep habarlaydı Abay-aqparat.

Konkurstıñ erejesine säykes, 2016 jılğı 10 mausım men 2017 jılğı
5 mausım aralığında jurnalisterdiñ el aumağındağı bwqaralıq aqparat qwraldarında jariyalanğan memlekettik tildiñ qızmet etu ayasın keñeytu, märtebesin köteru jäne qazirgi memlekettik tildiñ ahualı turalı maqalaları, efirge şıqqan habar men bağdarlamaları «Üzdik maqala», «Üzdik telebağdarlama», «Üzdik radiobağdarlama», «Üzdik sayt maqalası» nominaciyaları boyınşa bağalanağan.

Konkursqa kelip tüsken materialdardı elimizge belgili qalamger, jurnalisterden qwrılğan arnayı qazılar alqası saraptap, jeñimpazdardı anıqtaydı.

Ayta keteyik, ağımdağı jılı jurnalister tarapınan 100-den asa material wsınılıptı.

Marapattau räsimi Qazaqstan Respublikası Mädeniet jäne sport ministri Arıstanbek Mwhamediwlınıñ qwttıqtau sözimen aşıladı.
İs-şarağa Qazaqstan Respublikası Parlamentiniñ deputattarı, ziyalı qauım, bwqaralıq aqparat qwraldarı ökilderi, konkurstıñ jüldegerleri jäne t.b. qatısadı. Saltanattı şarada estrada jwldızdarı men dästürli änşiler öner körsetedi.

Konkurstıñ qortındısı Astana qalasınadğı Sığanaq köşesi, 27, «Pekin Palas Soluxe Hotel Astana» qonaqüyi,niñ «Silk Way» (Jibek jolı) zalında ötedi.

Abay-aqparat

1 pikir