Jwma, 5 Mausım 2020
COVID-19 QAZAQSTANDA. Jwqtırğandar — 12067. Jazılğandar — 6606. Qaytıs bolğandar — 52
Dep jatır 3402 0 pikir 30 Mamır, 2017 sağat 10:34

Qazaqstan advokattıq korpustı keñeytedi

Qazaqstannıñ ädilet ministrligi advokattıq wjımğa kiru jarnasın qısqartudı közdep otır, dep habarladı ädilet ministri Marat Beketaev. Bwl pikirin ol Astanada deputattarmen kezdesuinde ayttı.

Ministrlik mälimeti boyınşa, Qazaqstanda bir advokatqa ortaşa eseppen şamamen 3 900 azamat keledi. "Qazirgi tañda Qazaqstanda advokattar jetispeydi. Olardıñ qazirgi sanı azamattarğa tolıqtay zañ kömegin beruge jetispeydi", - dep mälimdedi Beketaev parlament mäjilisiniñ ükimet sağatında.

Beketaevtıñ aytuınşa, qazir advokat bolğısı keletin jas zañgerler advokattar alqasında altı ay boyı aqılı täjiribeden ötip, attestaciyadan ötken soñ ğana advokattar wjımına qabıldanadı. "Advokat märtebesine ie bolu üşin olar kürdeli sınaqtardan ötip, şamamen million teñge töleydi", - dedi ministr.

Onıñ aytuınşa, ädilet ministrligi respublikalıq adkovattar alqasımen birge alğaşqı jarna kölemi men sınaq merzimin azaytu mäselesin talqılap jatır. Beketaevtıñ pikirinşe, jaña özgerister azamattarğa sapalı zañ kömegin aluğa kömektesedi.

Abay-aqparat

0 pikir