Aldaghy uaqyttarda Qazaqstan eksportqa shygharatyn kóptegen mal sharuashylyghy ónimderining týrlerin damyta bereri sózsiz. Sonyng biri – eshki ónimderi.

«Esing ketse, eshki jiy» degendi qazaq ejelden aityp keledi. Eshki týligin ósiru el ekonomikasyn kóteruge edәuir ýles qosady. Mәselen, eshki maly bayaghydan qazaq túrmysynda erekshe baghalanghan. Ony kóp jaghdayda týlikti kóbeytu maqsatynda ósiredi. Sebebi, eshki – óte ósimtal januar. Búl jóninde «Ontýstik Qazaqstan» gazetinde jariyalanyp kele jatqan seriyaly maqalalardy qadaghalap oqyp kelemiz. Qazaqpyz degenmen, eshkining biz bilmeytin erekshelikteri mol eken.

Qalay degende de mal sharuashylyghy damyghan oblysymyzda eshki fermalary úiymdastyrylghany jón. Búl ýshin osy salany damytugha baylanysty birqatar jenildikter qarastyrylghany dúrys dep sanaymyz. Memlekettik baghdarlama boyynsha beriletin jenildikter men subsidiya aluda onaylatatyn jol izdestirgen abzal bolar edi. Osy orayda biznes ókilderi men kәsipkerlerding qúlaqtaryna altyn syrgha, olar osy salany damytugha qol úshtaryn berse degen de oy bar. Aynalyp kelgende olar múny ózderi ýshin de jasaydy. Sәbii ýshin manyzdy әri qauipsiz sýt olar ýshin de kerek emes pe?

Sodan keyin bir aitarymyz, barlyq dýkenderden demey-aq qoyalyq, tandaulylarynan nemese tútynushylar kóp baratyndarynan eshki sýtine arnalghan arnayy búrysh ashylsa. Sonda ony túrghyndar basqa jerlerden izdep әure bolmay-aq, belgili jerlerden onay tauyp alar edi.

Biylik ókilderi de búl sharuadan tys qala almas degen oidamyz. Oblystyq auyl sharuashylyghy basqarmasynyn, kәsipkerlikti qoldau ortalyghynyn, «Maksimum» aimaqtyq innovasiyalyq ortalyghynyng qyzmetkerleri búl salany jan-jaqty zerttep, tiyisti úsynystar aitsa, núr ýstine núr bolar edi. Ónirimizde óristi jerler óte kóp. Solardy tiyimdi paydalana bilsek, eshki týligining paydasyn kóretin kýn de alys emes. Endeshe, ónirimizding ózgeshelikterin eskere otyryp, qolgha alar endigi bir sharua – eshki fermalaryn úiymdastyru dep bilemiz.

Jandar KERIMÚLY, «Jylybúlaq» sharua qojalyghynyng tóraghasy. Sozaq audany.

Abai.kz