Aqtóbe oblysynyng Yrghyz audanynda 15 jastaghy oqushy Móldir Júbaeva ýsh jyldyng ishinde týrik tilin jetik mengerip alghan. Sonyng arqasynda oqushy qyz halyqaralyq bayqauda aqyn Qadyr Myrzaliyevting shygharmashylyghy jayynda ghylymy joba qorghap, 150 myng dollar kólemindegi memlekettik oqu grantyn útyp aldy.

Búl turaly «Diapazon» habarlady.

Móldir birinshi synyptan bastap Yrghyzdaghy mektep-gimnaziyasynda bilim alady. Býginde ol 11-synyp oqushysy. Búl qyz jastayynan týrli olimpiadalargha, qazaq tili men әdebiyeti pәninen týrli bayqaulargha qatysqan. Móldir shyghys әdebiyetin sýiip oqidy. Osydan ýsh jyl búryn ol ghalamtor arqyly týrik tilin mengere bastady. Álipbiyin, odan keyin kýndelikti qoldanatyn sóz tirkesterin jattap alghan ol juyrda Qadyr Myrzaliyevting shygharmashylyghyna arnalghan jobany týrik tilinde qorghap shyqty. Bos uaqytynda Móldir týrik telehikayalaryn kórip, audarumen ainalysqan. Oqushy qyz bolashaqta qazaq jazushylarynyng kitaptaryn týrik tiline audarudy armandaydy.

«Ghalamtordan ózdigimnen әrtýrli bayqaulardy qarap jýrdim. Bir kýni joba turaly bayqaudy kózim shalyp qaldy. Ol kezde men jetinshi synyp oqushysy edim, birneshe bayqaugha qatysyp ta ýlgergenmin. Uaqytymnyng kóp bóligin ghalamtorda ótkizetinim ata-anama únamaytyn edi. Biraq dәl osy ghalamtordan men juyrda ótken halyqaralyq bayqau turaly habardar boldym. Bayqaugha әlemning 50 elinen kelgen oqushylar qatysty. Shynymdy aitsam, bas jýldeni jenip alamyn dep oilamadym, sebebi qarsylastarym myqty boldy, biraq mening qolymnan keldi. Jeniske jetkenimdi habarlaghan kezde men sengen joqpyn. Endi ÚBT tapsyrmaymyn», – dedi jenimpaz.

Móldirding aituynsha, onyng búl jenisi synyp jetekshisine Taylandqa, mektep diyrektoryna Dubaygha, al onyng ózine Parijge joldama syilady. Odan bólek, Móldir Týrkiyanyng kez kelgen oqu ornyna grantqa týse alady. Býginde onyng qolynda 150 myng dollardyng sertifikaty bar. Jurnalist mamandyghyn tandaghan Móldir bolashaqta óz telearnasyn ashudy armandaydy.

Mektep-gimnaziyasynyng diyrektorynyng orynbasary Sayrankýl Ábdikәrimova Móldirding kópbalaly otbasynan shyqqanyn aityp berdi. Júbaevtar otbasy Móldirden bólek tórt perzent tәrbiyelep otyr. Al qyzdyng anasy Maydagýl 25 jyldan beri bastauysh mektepte múghalim bolyp qyzmet atqaruda. Ákesi Kenjeqara Júbayúly bolsa zeynetke shyqqangha deyin Yrghyzdaghy bilim bóliminde qyzmet atqarghan.

Abai.kz