Senbi, 19 Qırküyek 2020
COVID-19 QAZAQSTANDA. Jwqtırğandar — 107199. Jazılğandar — 101822. Qaytıs bolğandar — 1671
Janayqay 2658 0 pikir 31 Qazan, 2016 sağat 10:22

AŞITQI ZAUITINIÑ AŞI ZARI

  • Almatı aşıtqı zauıtı 40 jıldan beri jwmıs istep keledi.
  • Biraq, belgisiz sebeptermen, atalğan zauıt 70% deyin azaytılğan arnayı salıq rejimine kiretin auılşaruaşılıq önimderin öñdeuşilerdiñ qatarına kirmey qaldı. 
  • Osı künderi «aşıtqı narığın» Resey men Belorussiyanıñ önimderi jaulap aldı.
  • Almatı aşıtqı zauıtın olar narıqtan ığıstırıp, şığarıp baradı.

...........................................................

Osı jıldıñ 23-şi mausımında Mäjilistegi Aqjol frakciyası tağamdıq aşıtqı öndiru salasındağı jalğız otandıq öndiruşi – Almatı aşıtqı zauıtınıñ «jetim balanıñ küyin keşken» jağdayına baylanıstı deputattıq saual joldağan edi. Jauabı «siırqwymışaqtanıp» ketken osı mäselege baylanıstı Mäjilistiñ soñğı Plenarlıq otırısında deputat Berik Düysenbinov (surette sol jaqta) tağı äñgime köterdi.   

 «Atalğan kompaniya 40 jıldıq tarihı bar auılşaruaşılıq öñdeuşisi bolıp tabıladı,-dedi ol, - öytkeni şikizat retinde qant qızılşasınıñ qaldıqtarın qoldanıp,  nan, toqaş pisiruge qoldanılatın aşıtqı jasaydı.Osı aşıtqımen pisken nan är qazaqstandıqtıñ dastarhanında twr desek artıq aytpaymız

Biraq, belgisiz sebeptermen, atalğan zauıt 70% deyin azaytılğan arnayı salıq rejimine kiretin auılşaruaşılıq önimderin öñdeuşilerdiñ qatarına kirmey qaldı. 
Belorussiya men Reseydiñ osınday wqsas önim öndiruşi kompaniyaları bazalıq 18%stavkadan jeñildetilgen stavkamen qosımşa qwn salığın 10% tölep otırğan kezde, AAZ tolıq kölemde 12%  töleude. Sonıñ saldarınan otandıq aşıtqı sırttan kelgen bəsekelesterdiñ arzan aşıtqısına tötep bere almay,  işki narıqtan ığıstırıluda. 

«Aq jol» frakciyası üşin ərbir otandıq öndiruşi qımbat! Onıñ üstine Almatı Aşıtqı Zauıtı otandıq öndiristegi bükil bir sektordağı jalğız twrğan mekeme! Osı orayda tağamdıq aşıtqı öndirudi QR Salıq kodeksiniñ 267-babı, 2- tarmağı boyınşa jeñildetilgen  bağıttarınıñ  qatarına qosudı wsınğanbız. Alayda, Ükimet öziniñ jauabında Älemdik Sauda Wyımınıñ talaptarına süyene otırıp, joğarıdağı mekemeni qoldaudan bas tartqan edi. Al, Älemdik Sauda Wyımına müşe memleketter mwnday jağdayğa tüsken özderiniñ kəsiporındarın qoldaudıñ amalın oylap tabuda.

Sonau 2012 jılı Elbasımız Ükimetke halıqaralıq təjirbieni zerttep, otandıq öndiruşilerdi qoldau şaraların oylastırudı tapsırğan. Äli künge deyin basqa tapsırmalarında da osını qadap aytuda.

Swraq: Ükimet salıqtıq ıntalandırudıñ ornına qanday qoldau şaraların jasap şığardı jəne osı salanı qoldau üşin ne istemek oyları bar?»

Ükimet äzirge ünsiz. Qazaqstandıqtar bolsa, Resey men Belorussiyadan kelgen arzan aşıtqımen bauırsaq pisirip, «jeti nan» taratuda. Al, otandıq aşıtqı zauıtınıñ jağdayı qiındap baradı.

Abai.kz

0 pikir