سەنبى, 26 قىركۇيەك 2020
COVID-19 قازاقستاندا. جۇقتىرعاندار — 107659. جازىلعاندار — 102360. قايتىس بولعاندار — 1699
جانايقاي 2668 0 پىكىر 31 قازان, 2016 ساعات 10:22

اشىتقى زاۋىتىنىڭ اششى زارى

  • الماتى اشىتقى زاۋىتى 40 جىلدان بەرى جۇمىس ىستەپ كەلەدى.
  • بىراق، بەلگىسىز سەبەپتەرمەن، اتالعان زاۋىت 70% دەيىن ازايتىلعان ارنايى سالىق رەجيمىنە كىرەتىن اۋىلشارۋاشىلىق ونىمدەرىن وڭدەۋشىلەردىڭ قاتارىنا كىرمەي قالدى. 
  • وسى كۇندەرى «اشىتقى نارىعىن» رەسەي مەن بەلورۋسسيانىڭ ونىمدەرى جاۋلاپ الدى.
  • الماتى اشىتقى زاۋىتىن ولار نارىقتان ىعىستىرىپ، شىعارىپ بارادى.

...........................................................

وسى جىلدىڭ 23-ءشى ماۋسىمىندا ماجىلىستەگى اقجول فراكتسياسى تاعامدىق اشىتقى ءوندىرۋ سالاسىنداعى جالعىز وتاندىق ءوندىرۋشى – الماتى اشىتقى زاۋىتىنىڭ «جەتىم بالانىڭ كۇيىن كەشكەن» جاعدايىنا بايلانىستى دەپۋتاتتىق ساۋال جولداعان ەدى. جاۋابى «سيىرقۇيمىشاقتانىپ» كەتكەن وسى ماسەلەگە بايلانىستى ءماجىلىستىڭ سوڭعى پلەنارلىق وتىرىسىندا دەپۋتات بەرىك دۇيسەنبينوۆ (سۋرەتتە سول جاقتا) تاعى اڭگىمە كوتەردى.   

 «اتالعان كومپانيا 40 جىلدىق تاريحى بار اۋىلشارۋاشىلىق وڭدەۋشىسى بولىپ تابىلادى،-دەدى ول، - ويتكەنى شيكىزات رەتىندە قانت قىزىلشاسىنىڭ قالدىقتارىن قولدانىپ،  نان، توقاش پىسىرۋگە قولدانىلاتىن اشىتقى جاسايدى.وسى اشىتقىمەن پىسكەن نان ءار قازاقستاندىقتىڭ داستارحانىندا تۇر دەسەك ارتىق ايتپايمىز

بىراق، بەلگىسىز سەبەپتەرمەن، اتالعان زاۋىت 70% دەيىن ازايتىلعان ارنايى سالىق رەجيمىنە كىرەتىن اۋىلشارۋاشىلىق ونىمدەرىن وڭدەۋشىلەردىڭ قاتارىنا كىرمەي قالدى. 
بەلورۋسسيا مەن رەسەيدىڭ وسىنداي ۇقساس ءونىم ءوندىرۋشى كومپانيالارى بازالىق 18%ستاۆكادان جەڭىلدەتىلگەن ستاۆكامەن قوسىمشا قۇن سالىعىن 10% تولەپ وتىرعان كەزدە، ااز تولىق كولەمدە 12%  تولەۋدە. سونىڭ سالدارىنان وتاندىق اشىتقى سىرتتان كەلگەن بəسەكەلەستەردىڭ ارزان اشىتقىسىنا توتەپ بەرە الماي،  ىشكى نارىقتان ىعىستىرىلۋدا. 

«اق جول» فراكتسياسى ءۇشىن ءəربىر وتاندىق ءوندىرۋشى قىمبات! ونىڭ ۇستىنە الماتى اشىتقى زاۋىتى وتاندىق وندىرىستەگى بۇكىل ءبىر سەكتورداعى جالعىز تۇرعان مەكەمە! وسى ورايدا تاعامدىق اشىتقى ءوندىرۋدى قر سالىق كودەكسىنىڭ 267-بابى، 2- تارماعى بويىنشا جەڭىلدەتىلگەن  باعىتتارىنىڭ  قاتارىنا قوسۋدى ۇسىنعانبىز. الايدا، ۇكىمەت ءوزىنىڭ جاۋابىندا الەمدىك ساۋدا ۇيىمىنىڭ تالاپتارىنا سۇيەنە وتىرىپ، جوعارىداعى مەكەمەنى قولداۋدان باس تارتقان ەدى. ال، الەمدىك ساۋدا ۇيىمىنا مۇشە مەملەكەتتەر مۇنداي جاعدايعا تۇسكەن وزدەرىنىڭ كəسىپورىندارىن قولداۋدىڭ امالىن ويلاپ تابۋدا.

سوناۋ 2012 جىلى ەلباسىمىز ۇكىمەتكە حالىقارالىق تəجىربيەنى زەرتتەپ، وتاندىق وندىرۋشىلەردى قولداۋ شارالارىن ويلاستىرۋدى تاپسىرعان. ءالى كۇنگە دەيىن باسقا تاپسىرمالارىندا دا وسىنى قاداپ ايتۋدا.

سۇراق: ۇكىمەت سالىقتىق ىنتالاندىرۋدىڭ ورنىنا قانداي قولداۋ شارالارىن جاساپ شىعاردى جəنە وسى سالانى قولداۋ ءۇشىن نە ىستەمەك ويلارى بار؟»

ۇكىمەت ازىرگە ءۇنسىز. قازاقستاندىقتار بولسا، رەسەي مەن بەلورۋسسيادان كەلگەن ارزان اشىتقىمەن باۋىرساق ءپىسىرىپ، «جەتى نان» تاراتۋدا. ال، وتاندىق اشىتقى زاۋىتىنىڭ جاعدايى قيىنداپ بارادى.

Abai.kz

0 پىكىر