Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4746. Qaytıs bolğandar — 37
Şınnıñ jüzi 3756 0 pikir 27 Säuir, 2016 sağat 08:42

ADASQAN BAUIRIMA HAT

Adasqan bauırım! Sözimdi ayağına deyin män berip oqıp şıq. Biz seni jek körip qaralamaymız. Qateleskeniñdi  betiñe baspaymız. Seni öziñniñ dwrıs dep tapqan jolıñnan taydırıp adastırmaymız. Qwday meyirimdi, biz bilemiz sen bilmestikpen adastıñ. Islamda negizgi män beretin närsege emes wsaq-tüyekke zeyin qoyıp qoğamnan bölindiñ. Wltıñnıñ wlttıq qwndılıqtarın ayaqqa taptap, ata-anaña qarsı şıqtıñ. Öziñniñ tuğan bauırlarıñnan jerinip, otanıñdı tastap belgisiz jihadqa attandıñ.

Qasietti dinimiz Islamda otan süygiştikke erekşe män beredi ğoy. Bir sahaba payğambarımızdan (s.ğ.s.): «Iä, Rasulallah, eñ abzal amal ne?», – dep swrağanda Alla elşisi: «Şekaranı, Otandı qorğau üşin bir kün, bir tün küzette twru, bir ay näpil oraza wstap, tünde namaz oqudan qayırlı», – degenin estimep pe ediñ?. Estiseñ nege osı hadisti tärk ettiñ. Sen hadisterdi türli toptarğa bölip keybir hadisterdi joqqa şığarasıñ. Sağan qwrannan ayat keltireyin. Nahıl süresiniñ 90-şı ayatında «Negizinde Alla ädiletti, igilikti jäne ağayın-tuısqanğa qaraylasudı bwyıradı», – dep aşıq äri tüsinikti etip jazılğan. Bwl ayattı sen tüsinu üşkin ülken hikmettiñ qajeti joq şığar.

"Biz qwran hadispen jüremiz, mazhab pen jüru bidğat" dep qoğam arasında bülik tudırıp jürsiñ. Nätijesinde türli aytıs-tartıs pen mwsılmandar arasına iritki salıp türli toptarğa böldiñ. Sondağı maqsatıñ ne? Mwsılmandardı jikke bölip älsiretu me, älde qazaq qoğamın bir birine aydap salıp eldiñ berekesin alu ma? Eger islamnan habarıñ bolsa, adam öltiruden de jaman närse mwsılmandar arasında fitnä tudıru ekenin biler ediñ. Jwrt nazarınan erekşelenip jarasımsız saqal qoyıp, balağıñdı aq şwlığıñ ayqın körinetin jerge deyin qısqarttıñ. Biz mwsılmandar atınan seniñ saqal qoyğanıña qarsı emespiz. Özge din ökilderi men islam dinine bet bwrğan niettilerdi şoşıtıp almay öskenin qırqıp, retke keltirgeniñdi qalaymız. Şariğatqa salsañ saqal qoyu sünnet bolsa, ata-anaña qwrmet körseteu parız ekenin wmıtqanıñ ba? Sünnetiñ sauabın alamın dep jürip parızdı orındamay Alla aldında qaharğa wşıramaqpısıñ? Qoğamda körip jürmiz: saqal qoyğan jas jigitterdiñ köbisiniñ ata-anası balasınıñ saqal qoyuğanına qarsı. Sebebi, qazaqtıñ şariğatqa qarsı kelmegen dästüri boyınşa äkesi tiri kisi eşqaşan saqal qoymağan. Sen keybir ağalarımızdıñ aytqan sözderine elitip saqalıñdı orıstıñ şirkeu qızmetşisine wqsatıp keudeñe tüsirmeksiñ. Sen sözine elitip jürgen ağalarımız qırıqtıñ qırqa beline şığıp el ağası jasına jetken kisiler. Atalğan azamattarımızdıñ qay qaysısın alsañ da  saqaldarı keşegi Abay, Isatay, Mahambet, Kenesarı sekildi qaba saqal, şoqşa saqaldan äri aspaydı. YAğni saqalı keudesine tüsip, yaki eşki saqaldanıp seldirep twrğanı joq. Biri batırdıñ jüzine aybat bitirip twrsa, biri oyşıldıñ kemeñgerligin twspaldaydı. Al seniki qay saqal, kimdikine wqsaydı? Orıstıñ şirkeuindegi patriarh pen radikaldı-ekstremistik toptarğa wqsamay ma? Adasuşılardıñ jolında jürip qazaqtıñ dästürin qor sanadıñ, atañdı müşirik, bauırıñdı bidğatşıl dediñ. Taza islamdı wstaytın arab halqı, Mekke twrğındarı dep sanap arab dästürin islam şarttarı etip qabıldadıñ. Eger raconaldı türde  Saud korol'deri Abdalla, Faysal, Saudtardıñ beynesine qarap şıqsañ senikine wqsağan seldiregen teke saqal emes ekenin körgen bolar ediñ. Korol'deriniñ wstanımı seniñ wstap jürgen jolıñnan göri qazaqtıñ dästürli wstanımı hanafi mazhabına qattı wqsaytının körer ediñ.

Seniñ öziñ tektes bauırlarıña aytamın! "Erkektiñ saqal qoyuuı tabiği şart, tipti eşki malınıñ tekesinde de saqal boladı" dep saqaldı qırmaq tügili wşında qırıqpaysıñdar. Tabiğattıñ mısalı osı bolsa tört tülik maldıñ işinde eñ tazası häm bağalısı jılqı malınıñ erkeginde saqal bolmaytının bilmeysizder me? Oylanıp körşi öziñ.

 Öziñdi taza islam jolında jürmin dep özge mwsılman bauırıñnan (hanafilerden) öziñdi  üstem wstaysıñ. Bauırım, sen mına närseni bil: sen nağız mwsılmandar arasına iritki saluşılardıñ jolında jürsiñ. Sebebi sen jürgen joldıñ wstanımı islam älemi moyındağan jüyeli tört mazhab ielerin moyındamaydı. Şariğatqa qarsı kelmegen qazaq dästürin joq etip arab halqınıñ dästürin din etkisi keledi. Bwl seniñ wlttıq namısıñ men erekşeligiñe nwqsan keltiredi dep oylamaysıñ ba?

Sonımen sen kim boldıñ? Qanday mwsılmansıñ? Oylan, bauırım, sırtqı sipatıña qara, jan dünieñe qara. Ata-anaña qarsı şıqpa. «Adauşınıñ ayıbı joq, eger özi bilmese» deydi qazaq. Ata baba jolına tüs, dästürli hanafi mazhabına qayta oral. Sen üşin, qazaqtıñ birligi üşin tura jol osı.

Oylan!

Marat Qayratwlı

Abai.kz

0 pikir