Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Öleñ 7051 0 pikir 27 Naurız, 2014 sağat 10:35

RUH PATŞASI (MWHTAR ŞAHANOVQA)

1-2 suret: Jwmabek Täşenov

3-suret: Mwhtar Şahanov

 

Şınjırlı jolbarıs

(Alaştıñ alıbı Jwmabek Täşenevtiñ tuılğan künine arnau)

 

Qatıgez tağdırdıñ jibine baylanğan,

Qaymana qazaqtıñ bağına aynalğan.

Şınjırlı jolbarıs atanğan arısım

Ata jau seskenip, patşa da oylanğan.

 

Bir wlı perzenti qaymana qazaqtıñ,

Tarihı tabılğan işinen tozaqtıñ.

Şwbar tös bahadür Jwmabek Täşenev

Öziñe qarızdar qayırlı azat kün!

 

Ar-wjdan aldında wmıtqan barlığın,

Jeri men eli üşin qwrban ğıp tağdırın.

Bilik pen baylıqqa satılmay atılğan

Öziñdey batırğa mäñgilik tağızım!

 

Qadirdi bilmedik batırım barıñda,

Baylanğan kez edi otarlı tağdırğa.

Bostandıq  jolında eseli eñbegiñ

Mäñgilik saqtalar wrpaqtıñ jadında.

 

Täuelsiz elim bar, kök tuı jaynağan,

Aybarlı Astanam jeriñde qorğağan.

Täşenov mektebi, bilim ap är balañ

Täşenov köşesi boyında oynağan!

 

Täşenov eskertkiş-muzeyin aralap,

Baradı wl-qızdar tarihi sabaq ap.

Jasaydı mäñgilik Alaştıñ wldarı

Qorğaymız otandı – mäñgilik amanat!

12.02.14

Ruh  patşası

(Mwhtar Şahanovqa)

 

Mwhtar ağa,

Men sağan qarızdarmın,

Basımızğa ortaq ğoy jazılğan mwñ.

Wlılığıñ emes pe sın sağatta

Beykünä eldiñ qasınan tabılğanıñ.

 

Bireulerşe qalmadıñ bwğıp üyde,

Şırıldadıñ qanatıñ küyip künge.

Ar-wjdannıñ wranı öleñderiñ

Özgeniñ Evrestetinen de biik mülde.

 

Äniñdi estip Alaştıñ balasınan,

Seni körem qazaqtıñ dalasınan.

Hantäñirdiñ şıñınday jarqıraysıñ

Eki jüzdi adamdar arasınan.

 

Köre almasa dwşpanıñ köre almasın,

Biledi olar öziñdey bola almasın.

Ğaybattaydı, sırtıñnan tabalaydı

Körseqızar, tar bolıp jaralğasın.

 

Ar-wjdan men ruhıñdı süyem izgi,

Alaşım dep soğatın jüregiñdi.

Beyuaz eldi qorğaytın periştedey

Täñirim sıyğa bergen-di  bir öziñdi.

 

Renjip tirligine qwl balanıñ,

Nesine bireulerşe bwldanamın.

Şındıqtıñ şırıldağan şıñırauı

Tiriñde öziñe arnap jır jazamın!

 

Pendelik, küpirlikten arılğanbız,

Qasqayıp qasıñızdan tabılğanbız.

Eli üşin etken erlik mineziñe

Mına biz, ömir baqi qarızdarmız!

 

Öleñiñ ar-namıstıñ asqaq äni,

Erligiñ dastan bolıp jattaladı.

Älemde är qazaqtıñ keudesinde

Esimiñ twmar bolıp saqtaladı.

 

Mwhtar ağa,

Aytatın sırım qalıñ,

Bile jür ruhtı wlıñ barın!

Är küni sizdi körem jauğa attanğan

Şüberekke tüyip ap şıbın janın!

 

Jwrtıña quat bolğanm abız ediñ,

Jauıñdı talay basqa qağıp ediñ.

Jüre ber aramızda asqar tau bop

Tiride añız bolğan alıp erim!!

 

Qazaqı otar men orıs otar

Aq mamıqqa aynalıptı aq qarım, 

Aq qarıma mwñımdı aytıp jatqamın...

Esime aldım ötken ömir örnegin

Qoñıraulı otar köştiñ soqpağın.

 

Ğasırlarğa jaulatpağan sanasın,

Qazaqtarda otar basqa bolatın.

Köktem tua oralğanda otardan

Naurızdıñ duman toyı bolatın.

 

Otarlatqan qoy, jılqısın, tabının,

Sağındım-au babalardıñ däuirin.

Qazaqı otar – qajılıqqa wqsaytın,

Er jigitter orındağan parızın.

 

Qazirgi otar basqaşalau älemde,

Malı jwtap oraladı äreñge.

Oralmaytın otarlar köp ätteñ ay,

Qwlap ketken şıñıraulı tereñge.

 

Täuelsizdik zorğa tiip älemde,

Bizde qayttıq bir otardan äreñge.

Jwtağan el ornı tolmay jatır-au

Tili kelmey, dili tolmay kemelge!

 

Qazaqı otar –jaqsılıqqa jar edi,

Orıs otar – basqa mingen päle edi.

Qwl bop ketken sanası da, janı da,

Satqındardıñ qiın bop twr älegi.

 

Qayran qazaq otarıñdı añsadım,

Olja salğan qazanına barşanıñ.

Jwtqa berip, ayırılğan ärinen

Orıs otar – apatınan şarşadım.

 

Beysen Ahmetwlı

Abai.kz

0 pikir