جۇما, 29 ناۋرىز 2024
ولەڭ 9920 0 پىكىر 27 ناۋرىز, 2014 ساعات 10:35

رۋح پاتشاسى (مۇحتار شاحانوۆقا)

1-2 سۋرەت: جۇمابەك تاشەنوۆ

3-سۋرەت: مۇحتار شاحانوۆ

 

شىنجىرلى جولبارىس

(الاشتىڭ الىبى جۇمابەك تاشەنەۆتىڭ تۋىلعان كۇنىنە ارناۋ)

 

قاتىگەز تاعدىردىڭ جىبىنە بايلانعان،

قايمانا قازاقتىڭ باعىنا اينالعان.

شىنجىرلى جولبارىس اتانعان ارىسىم

اتا جاۋ سەسكەنىپ، پاتشا دا ويلانعان.

 

ءبىر ۇلى پەرزەنتى قايمانا قازاقتىڭ،

تاريحى تابىلعان ىشىنەن توزاقتىڭ.

شۇبار ءتوس ءباھادۇر جۇمابەك تاشەنەۆ

وزىڭە قارىزدار قايىرلى ازات كۇن!

 

ار-ۇجدان الدىندا ۇمىتقان بارلىعىن،

جەرى مەن ەلى ءۇشىن قۇربان عىپ تاعدىرىن.

بيلىك پەن بايلىققا ساتىلماي اتىلعان

وزىڭدەي باتىرعا ماڭگىلىك تاعىزىم!

 

قادىردى بىلمەدىك باتىرىم بارىڭدا،

بايلانعان كەز ەدى وتارلى تاعدىرعا.

بوستاندىق  جولىندا ەسەلى ەڭبەگىڭ

ماڭگىلىك ساقتالار ۇرپاقتىڭ جادىندا.

 

تاۋەلسىز ەلىم بار، كوك تۋى جايناعان،

ايبارلى استانام جەرىڭدە قورعاعان.

تاشەنوۆ مەكتەبى، ءبىلىم اپ ءار بالاڭ

تاشەنوۆ كوشەسى بويىندا ويناعان!

 

تاشەنوۆ ەسكەرتكىش-مۋزەيىن ارالاپ،

بارادى ۇل-قىزدار تاريحي ساباق اپ.

جاسايدى ماڭگىلىك الاشتىڭ ۇلدارى

قورعايمىز وتاندى – ماڭگىلىك امانات!

12.02.14

رۋح  پاتشاسى

(مۇحتار شاحانوۆقا)

 

مۇحتار اعا،

مەن ساعان قارىزدارمىن،

باسىمىزعا ورتاق عوي جازىلعان مۇڭ.

ۇلىلىعىڭ ەمەس پە سىن ساعاتتا

بەيكۇنا ەلدىڭ قاسىنان تابىلعانىڭ.

 

بىرەۋلەرشە قالمادىڭ بۇعىپ ۇيدە،

شىرىلدادىڭ قاناتىڭ كۇيىپ كۇنگە.

ار-ۇجداننىڭ ۇرانى ولەڭدەرىڭ

وزگەنىڭ ەۆرەستەتىنەن دە بيىك مۇلدە.

 

ءانىڭدى ەستىپ الاشتىڭ بالاسىنان،

سەنى كورەم قازاقتىڭ دالاسىنان.

ءحانتاڭىردىڭ شىڭىنداي جارقىرايسىڭ

ەكى ءجۇزدى ادامدار اراسىنان.

 

كورە الماسا دۇشپانىڭ كورە الماسىن،

بىلەدى ولار وزىڭدەي بولا الماسىن.

عايباتتايدى، سىرتىڭنان تابالايدى

كورسەقىزار، تار بولىپ جارالعاسىن.

 

ار-ۇجدان مەن رۋحىڭدى سۇيەم ىزگى،

الاشىم دەپ سوعاتىن جۇرەگىڭدى.

بەيۋاز ەلدى قورعايتىن پەرىشتەدەي

ءتاڭىرىم سىيعا بەرگەن-ءدى  ءبىر ءوزىڭدى.

 

رەنجىپ تىرلىگىنە قۇل بالانىڭ،

نەسىنە بىرەۋلەرشە بۇلدانامىن.

شىندىقتىڭ شىرىلداعان شىڭىراۋى

تىرىڭدە وزىڭە ارناپ جىر جازامىن!

 

پەندەلىك، كۇپىرلىكتەن ارىلعانبىز،

قاسقايىپ قاسىڭىزدان تابىلعانبىز.

ەلى ءۇشىن ەتكەن ەرلىك مىنەزىڭە

مىنا ءبىز، ءومىر باقي قارىزدارمىز!

 

ولەڭىڭ ار-نامىستىڭ اسقاق ءانى،

ەرلىگىڭ داستان بولىپ جاتتالادى.

الەمدە ءار قازاقتىڭ كەۋدەسىندە

ەسىمىڭ تۇمار بولىپ ساقتالادى.

 

مۇحتار اعا،

ايتاتىن سىرىم قالىڭ،

بىلە ءجۇر رۋحتى ۇلىڭ بارىن!

ءار كۇنى ءسىزدى كورەم جاۋعا اتتانعان

شۇبەرەككە ءتۇيىپ اپ شىبىن جانىن!

 

جۇرتىڭا قۋات بولعانم ابىز ەدىڭ،

جاۋىڭدى تالاي باسقا قاعىپ ەدىڭ.

جۇرە بەر ارامىزدا اسقار تاۋ بوپ

تىرىدە اڭىز بولعان الىپ ەرىم!!

 

قازاقى وتار مەن ورىس وتار

اق مامىققا اينالىپتى اق قارىم، 

اق قارىما مۇڭىمدى ايتىپ جاتقامىن...

ەسىمە الدىم وتكەن ءومىر ورنەگىن

قوڭىراۋلى وتار كوشتىڭ سوقپاعىن.

 

عاسىرلارعا جاۋلاتپاعان ساناسىن،

قازاقتاردا وتار باسقا بولاتىن.

كوكتەم تۋا ورالعاندا وتاردان

ناۋرىزدىڭ دۋمان تويى بولاتىن.

 

وتارلاتقان قوي، جىلقىسىن، تابىنىن،

ساعىندىم-اۋ بابالاردىڭ ءداۋىرىن.

قازاقى وتار – قاجىلىققا ۇقسايتىن،

ەر جىگىتتەر ورىنداعان پارىزىن.

 

قازىرگى وتار باسقاشالاۋ الەمدە،

مالى جۇتاپ ورالادى ارەڭگە.

ورالمايتىن وتارلار كوپ اتتەڭ اي،

قۇلاپ كەتكەن شىڭىراۋلى تەرەڭگە.

 

تاۋەلسىزدىك زورعا ءتيىپ الەمدە،

بىزدە قايتتىق ءبىر وتاردان ارەڭگە.

جۇتاعان ەل ورنى تولماي جاتىر-اۋ

ءتىلى كەلمەي، ءدىلى تولماي كەمەلگە!

 

قازاقى وتار –جاقسىلىققا جار ەدى،

ورىس وتار – باسقا مىنگەن پالە ەدى.

قۇل بوپ كەتكەن ساناسى دا، جانى دا،

ساتقىنداردىڭ قيىن بوپ تۇر الەگى.

 

قايران قازاق وتارىڭدى اڭسادىم،

ولجا سالعان قازانىنا بارشانىڭ.

جۇتقا بەرىپ، ايىرىلعان ارىنەن

ورىس وتار – اپاتىنان شارشادىم.

 

بەيسەن احمەتۇلى

Abai.kz

0 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1575
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2269
عيبىرات

قايسار رۋحتى عازيز جان

مۇحتار قۇل-مۇحاممەد 3580