Qaraghandyda jolaushylar avtobustary jýrgizushilerining ereuili jalghasuda dep habarlaydy «QazAqparat».

Qaraghandyda býgin tanertennen beri №3 avtobus parkining jýrgizushileri men konduktorlary ereuilge shyqty, olar júmys sharty boyynsha birqatar talaptardy algha tartty, dep habarlady agenttikting tilshisi. Avtopark basshylyghynyng mәlimetteri boyynsha, júmysqa 4 jolaushylar baghyty boyynsha 50-ge juyq avtobus shyqpaghan.

Búdan keyin avtopark qyzmetkerlerimen kәsiporyn basshylyghy, Qaraghandy әkimdiginin, oblystyq prokuratura, enbek boyynsha memlekettik inspeksiya ókilderi kezdesti. «Bizding talabymyz - jospardy tómendetu, benzin beru normasyn kóteru, kontrolerlar salatyn zansyz aiyppúldardy alyp tastau», - delingen avtopark júmysshylarynyng narazylyghynyng sebepteri ataldy.

Alayda kәsiporyn basshylyghy qyzmetkerlerining búl әreketterin mәdeniyetsizdik dep sanady.

«Tanerteng olar jinalyp, dauys kótere bastady. Men olargha: mashinalaryndy qoyyp, jolgha shyghyndar dedim. Búl mening sózderim. Tarifti kótergenmen, qyzmet kórsetu mәdeniyeti ózgergen joq. Zanbúzyshylyqtardy biz aktige tirkep, jazalaymyz. Tәrtip bar!», - dep mәlimdedi №3 avtoparkting bas diyrektory Arutun Manukyan.

Qala biyligi aksiyagha qatysushylardy kelissózge shyqardy. «Bastamashy top qúrynyzdar. Talaptarynyzdy resmy týrde qaghazgha jazyp, әkimdikke joldanyzdar. Bir tәulikting ishinde qarastyryp, jauabyn beremiz», - dedi avtoparkting kóterilgen júmysshylaryna qarata aitqan sózinde Qaraghandy әkimining orynbasary Qayrat Begimov.

Kezdesude bolghan Qaraghandy oblysy prkuraturasynyng basqarma basshysy Rinat Aqparov resmy mәlimdeme týskennen keyin búl mәselening zandy týrde qaralatynyn aityp, sendirdi.

«Múnda qazir óz ústanamyn bildiretin kәsipodaq úiymy, ne bastamashy top joq. Adamdar ә degennen shygha salghan», - dedi Qaraghandy oblysy ishki sayasat basqarmasy basshysynyng orynbasary Núrlan Biykenov.

Jýrgizushiler sonyna deyin óz talaptarynyng oryndaluyn kýtenin mәlimdedi. «Jalghastyramyz. Býgin jolgha shyqpaymyz», - dedi jýrgizushiler újymynyng atynan Daniyar Dosov.

Abay-aqparat