Jwma, 25 Qırküyek 2020
COVID-19 QAZAQSTANDA. Jwqtırğandar — 107590. Jazılğandar — 102360. Qaytıs bolğandar — 1699
Qoğam 4513 0 pikir 28 Säuir, 2014 sağat 16:09

"OTAN SATQINI" JOQ OTANBIZ

«Eñ qiını - bizde qwndılıqtar turalı wğımdarımızdıñ meylinşe şatasuı bolıp twr. Otanşıldıq degende özimiz onşa elige qoymaymız. «Qazaqstandıq otanşıldıq» degende basqalardı selt etkize almaymız. Köp sebepterdiñ biri äri biregeyi – biz satqındardı satqın dep bilmeymiz. Bizde «Otan satqını» degen atımen joq. Aynalañ antalağan jau, söyte twra, bir satqın şıqpağan netken tap-taza patriottar eli bwl özi?

Eger satqındar satqındığınıñ jazasın almasa, äşkerlenbese, olarğa halıqtıñ öşpendiligi oyanbasa, otanşıldıqtıñ qadir-qasietin qalay bağalap, nemen salıstırıp tüsine aladı?»

Marqwm Aytan Nüsipqan ağamız közi tirisinde osılay dep egilip jazıptı. Iä, bizde «Otan qorğauşılar» küni bar, «Wlı Otan soğısı» deytin wğım bar, «Nwr Otan» degen partiya bar, «Jas Otan» degen onıñ qanatı bar, «Otan» ordeni bar... Tek «Otan satqını» joq. Bolmağanı da jaqsı. Degenmen mına mäselelerge eriksiz nazar audarasıñ.

1)    Täuelsiz Qazaqstanda nan jep jatqanına 20 jıldan assada, ülkenderdiñ eşqaysısına memleketti tildi bilu mindet emes.

Biraq 6 jastağı qazaq balası mektep tabaldırığın attay sala, tipti balabaqşadan orıs tilin üyrenuge mäjbür.

2)    Marçenko jarıqtıq qazaqtıñ bükil qazınasın qolına wstap otırıp, «Qazaq tilin üyrenbeymin, keregi joq» dep şamırqanğan bolatın. Qazaq tilin biludi Prezidenttiñ özinen talap etetin bizdiñ zañ bankirge kelgende jaq aşpağan.

Al Kerekude twratın Ruza Beysenbaytegi avtobusta, dükende, bankte memlekettik tildi talap etkeni üşin Sottan köz aşpay jür.

3)    Aqılı tolısqan, köpti körgen qarağandılıq şal-kempir jiılıp, «de-fakto Sovet Odağı joq, de-yure ol äli ömir sürip keledi» dep daurıqtı. Olarğa bir pogondınıñ barıp, basu aytqanın estigen joqpız.

Sol uaqıtqa şamalas Astanada twratın qalıñ bala-şağa qol wstasqan küyinde qolında biligi bar ağa-äpekelerine barıp, baspanalarınıñ özderine qaluın swrağısı keldi. Olardı dittegen jerine jetpesten «Erekşe äskerlerimiz» tarpa bas saldı. Jılattı, eñiretti, qol-ayağın qayırıp, maşinağa tıqtı.

4)    Tarazda twratın Tayçibekov degen bireu «qazaqtıñ 80 payızı Reseyge qosıludı qalaydı, biz Reseydiñ guberniyası boluımız kerek» dep memleket qwruşı wlttıñ atınan söylep, el täuelsizdigine sızat tüsiretin qañquların barlıq jerde, belgili aqparat qwraldarında aytıp jür. Bizdiñ qwzırlı orındar bolsa tis jarğan joq.

Al elimizge tanımal jurnalist, özin özi aqtaytın twñğış qazaq baspasözin jasağan «Jwldızdar otbası» jurnalınıñ redaktorı Jarılqap Qalıbay: «Tarihta Gitler degen faşist bolğan. Onı bügingi wrpaq bilui kerek. HH ğasır qasiretin qaytalauğa tiisti emespiz» dep tayğa tañba basqanday jazıp edi. Qazaq biligi taylı-twyağı qalmay, Jarılqaptı «körge tığuğa» kirisip ketti.

5)    Söytip, Jirnovskiy men Liomnovqa «ne ottap otırsıñ?!» dep bir auız söz aytpağan, «Añız adam» jurnalı «Stalin» men «Goloşekindi» jazğanda, «Qazaqtı qınaday qırıp, qanın suday işken jauızdardı nege jazdıñ?!» dep til qatpağan, Tayçibekov deytin «el bwzardıñ» esin jiğıza almağan,  «Auğan soğısınıñ ardagerleri» panfilovşılar parkine jinaldı. Äskeriler Sovet odağınıñ kiimin kiip, alğaşqı sanın «Elbası – Nwrswltan Nazarbaevtan» bastağan «Añız adam» jurnalın mılqtıq dümine orap, qılıştıñ jüzine salıp, otqa jaqtı. Bir saqşı barıp, «qoy» degen joq.

Al «Proton» zımıranı toqtatılsın, «Geptil'ge qarsımız» dep qalıñ qazaqtıñ janayqayın jetkizgen Mwhtar Tayjan bastağan az sandı azamattar türmeniñ esigin «tozdırıp», sottıñ «ayıppwlın» töleumen keledi.

Sonda biz qay «Otanda» ömir sürip jatırmız? Memleketqwruşı wlttıñ - qazaqtıñ mäselesin kötergen adam «jau» boladı da, Täuelsizdikke «tükirgen» adam – kinäsiz bolatın bwl qanday el?

Siz ne deysiz?  

Eldos Esengeldiev

Abai.kz

0 pikir