Búl turaly Mәjilis deputaty Qazybek Isa mәlimdedi, - dep habarlaydy «Qazaq ýni» aqparat agenttigi.

Ótken aptada parlamenttegi halyqtyng kóshi-qon salasyndaghy zannamany jetildiru mәseleleri boyynsha ózgerister men tolyqtyru turaly zang jobasynyng júmys tobynda elimizding Soltýstik ónirine baratyn qandastargha jer telimin beru mәselesi talqylandy.

2021 jyly QR Parlamenti Mәjilisi deputaty Qazybek Isa «Aq jol» fraksiyasy deputattyq saualyn jasaghanda da osy qandastargha jer telimin beru mәselesin kótergen bolatyn. Tayauda ótken Mәjilistegi júmys tobynda deputat Qazybek Isa búl mәsele turaly taghy da sóz sóiledi.

-  Elimizding Soltýstik ónirine qonystanatyn qandastargha jer telimin beru mәselesin bәrimiz qoldaghanymyz dúrys. Birinshiden, Soltýstik Qazaqstan oblysyn bilesizder ghoy, jeri ken, halqy kýnnen-kýnge azayyp bara jatyr. Ekinshiden, qandastar ýshin qoldauymyz kerek búl mәseleni. Qandastardyng jaghdayyn bilesizder, ótkende zandaghy 20 baptyng 5 tarmaghyn alyp tastaudy úsynghanda, «Búl baptyng eshqanday kedergisi joq ekeni anyqtaldy. Óitkeni osy mәselege baylanysty qandastar chatynda sóz bolghan tizim boyynsha azamattyq alugha qújat tapsyrghandardyng bәrin tekserip, әrqaysysymen jeke sóilesip, anyqtadyq. Sondyqtan Ýkimet búl úsynysty qoldamay jatyr»-deydi uәkiletti ministrlik ókili. Al, Soltýstikte adam azdyghynan auyldarymyz jabylyp qalyp jatyr. Óitkeni, Soltýstik Qazaqstan oblysynda 635 eldi meken bar eken, sonyng 125-ning halqynyng sany 50-den kem. Bizding ýkimetting qaulysy boyynsha jan sany 50-den kem auyldar jabylady. Jaqynda Jambyl audanyndaghy Suatkól men Amangeldi auyldaryn jabu turaly mәsele mәslihatqa shygharylmaq. Al, osy ónirdegi 125 auyldyng 35-inde 3-4 qana adamnan túrady.

Men 2021 jyly deputattyq saual jasaghanda da, osy ótkir mәselelerdi aitqanmyn. Sonda qandastargha jer telimin beru mәselesin de kótergen edik.

«Bos jatqan jer jau shaqyrady» deydi. Al, sol ónirge baryp jatqan qandastargha audan әkimi «Mal ústaytyn, egin egetin jer joq» dep qaytarady. Qandastarymyz jer telimin alu konkursyna qatysyp, onaylyqpen ala almaytyny belgili. Sondyqtan, qandastargha konkurstan tys jenildik jasalghanyn biz bәrimiz qoldaymyz. Kelip jatqan qandastargha konkurstan tys sharuashylyq jýrgizu ýshin jer telimderi berilui kerek.

Shybyq shanshysan, shynar ósetin jerge qandastarymyz ie bolyp, isterin jýrgizui tiyis, - dedi Qazybek Isa.

IYә, adam sany azdyqtan auyldary jabylyp jatqan Soltýstik ónirge qandastarymyzdy shaqyryp, jer telimin beru óte útymdy úsynys!

Búl strategiyalyq sayasatymyzgha say keledi.

Azamat Tasqaraúly

Abai.kz