Putinning Resey pasport ýlestiru nauqany biz ýshin ýlken qater!
Resey preziydenti Vladimir Putin Qazaqstan, Belarusi pen Moldova azamattaryna Resey azamattyghyn berudi jenildetetin búiryqqa qol qoydy.
Endigi jerde atalghan ýsh memleketting júrty eger «Resey pasportyn alamyn dese», Resey aumaghynda túrghylyqty túryp jatqanyn dәleldemeydi. Resey tarihy men memlekettik negizderinen emtihan tapsyrmaydy. Belarusiter orys tilinen emtihan tapsyrmaydy. Al Qazaqstan men Moldova azamattary orys tilinen synaq tapsyruy mindet.
«RF preziydenti Vladimir Putin Qazaqstan, Belarusi pen Moldava azamattary ýshin Resey azamattyghyn jenil týrde alugha mýmkindik beretin Jarlyqqa qol qoydy», - delingen dýisenbidegi habarlamada.
Qújat 18 jeltoqsannan bastap kýshine endi.
Ayta keteyik, Qazaqstan zannamasy boyynsha qos azamattyqqa tyiym salynady, al QR azamaty basqa elding azamattyghyn alghan son, Qazaqstan azamattyghynan avtomatty týrde aiyrylady.
Beybit jatqan Ukrainagha soghys ashyp, qalalarynda qanqasap jasap jatqan Resey men onyng sayasy hәm әskery elitasy 2024 jyldyng nauryzynda qatarynan ýsh kýndi arnap, prezidshenttik saylau ótkizudi josparlap otyrghany belgili.
Resey preziydentining búl Jarlyghyn eki sipatta baghalaugha bolar. Áueli, Ukraina maydanynda aitarlyqtay jetistik kórsete almaghan Reseyding saylau aldynda ishki auditoriyasynyng kónilin aulau ýshin jasalghan qadam bolsa, ekinshisi alysty kózdeui. Kez kelgen soghys erte me, kesh pe, ayaqtalady.
Al Kremliding qazirgi rejiymining týp maqsaty kelmeske ketken KSRO-ny qayta tiriltu ekeni búl kýnde әmbege ayan bolghan. Ony Resey preziydenti Putinning ózi bastap, sala-qúlash tildi sayasatshylary qostap, ashyqtan-ashyq aityp ta jýr.
Osy eseppen, Putinning «azamattyq berudi jenildetu» degen әngimesine alandaugha negiz bar. Sebebi, bizding Soltýstik Qazaqstan jaqtarda qazirgi kýnning ózinde qos azamattyghy bar adamdar turaly aqparattar shyghyp jatyr. Eki elding zeynetaqysyn alyp otyrghan adamdar da bar. Sondyqtan, Qazaqstannyng Syrtqy ister ministrligi Reseyding Qazaqstandaghy elshisin shaqyryp, narazylyq notasyn tapsyru kerek. Múnyng artynda ýlken qauip bar.
Abai.kz
