Erteng elimiz ýshin úlyq kýnderding biri. Qazaq tәuelsizdigining bastauy bolghan Respublika kýni.

13 jyldan beri merekeler qatarynan alynyp, toylanbay kelgen Respublika kýni byltyrdan beri qayta janghyrdy. Memleket basshysynyng jarlyghymen 25 qazan - Respublika kýni últtyq mereke qataryna kirdi.

1990 jyldyng 25 qazany kýni Qazaq KSR Jogharghy Kenesining sheshimimen «Qaz SSR-ning memlekettik egemendigi turaly» deklarasiya qabyldanghan edi. Sol kezden bastap Qazaqstan egemendi elge ainaluynyng alghyshartyn bastap ketti. Qazaq KSR-ning egemendigin jariyalanyp, Qazaqstannyng tәuelsiz memleket retindegi sayasiy-qúqyqtyq negizderi qalandy.

Býgin Aqordada elge enbegi singen birqatar azamatqa memlekettik marapattar tapsyryldy.

QAZAQSTANNYNG HALYQ ÁRTISIN KIMDER ALDY?

Biyldan bastap qayta berile bastaghan «Qazaqstannyng halyq әrtisi» ataghy biyl elimizding kórnekti mәdeniyet qayratkerleri, teatr jәne kino akterleri D.Ahimovqa, M.Tokarev pen D.Aqmoldagha, opera әnshileri Sh.Ábilov pen T.Kýzenbaevqa, ataqty әnshiler R.Stamghaziyevke, D.Qúdaybergenge jәne kýishi A.Ýlkenbaevagha berildi.

QAZAQSTANNYNG HALYQ JAZUShYSYN KIMDER ALDY?

«Qazaqstannyng halyq jazushysy» ataghyna belgili qalamgerler – Tólen Ábdikúly, Smaghúl Elubay, Beksúltan Núrjekeev, Sofy Smataev, Ahmetjan Ashirov, Lubovi Shashkova ie boldy.

PREZIYDENT TOQAEV NE DEDI?

«Elimizding eng basty meyramy – Respublika kýni qútty bolsyn!

Búl – qazaqtyng memlekettilik dәstýri qayta janghyrghan tarihy kýn. Kók týrikter dәuirinen, Altyn Orda, Qazaq handyghy zamanynan kele jatqan eldigimiz tamyryn tapqan kýn. Búl – Alash arystarynyng azattyq jolyndaghy arpalysy aqtalghan kýn.

Halqymyzda «Egemen bolmay, el bolmas» degen sóz bar. Osydan 33 jyl búryn tarihy әdildik ornady. Qazaqstannyng Memlekettik egemendigi turaly deklarasiya qabyldandy. Osy manyzdy qújat júrtymyzdyng azattyq aluyna jol ashty!»

***

«Shyn mәninde, egemendik deklarasiyasyn qabyldau onaygha soqqan joq. Elimizding últtyq qúramy birkelki emes edi. Sol kezdegi Parlamentte, yaghny Jogharghy Keneste jәne býkil qoghamymyzda úzaq pikirtalas, qyzu talqylau boldy. Qújattyng әr sózin, әr babyn qorghaugha tura keldi.

Álihan Bókeyhan «Bostandyqqa aparatyn jalghyz jol – últtyq yntymaq qana» degen. El aghalary halqymyzdyng ardaqty úlynyng búl ósiyetine adal boldy. Olar jauapty sәtte úiymshyldyqpen últ mýddesin qorghay bildi. Aqjoltay qújat júrtymyzdyng talap-tilegine say jazyldy, otanshyl azamattardyng aqyl-parasatynyng arqasynda qabyldandy. Olardyng syn saghattaghy batyldyghyn naghyz erlik dep baghalaugha bolady!»

BIZ QAZIR ÁDILETTI QAZAQSTANDY QÚRYP JATYRMYZ!

«Biz qazir Ádiletti Qazaqstandy qúryp jatyrmyz. Sondyqtan ótken zamannyng qayratkerlerine, olardyng enbegine layyqty, әdiletti bagha berip otyruymyz kerek.

Azattyq jylnamasynda Salyq Zimanov, Serikbolsyn Ábdildiyn, Qaratay Túrysov, Zinaida Fedotova, Erik Asanbaev, Ábish Kekilbaev, Ghayrat Saparghaliyev, Súltan Sartaev, Ózbekәli Jәnibekov, Oljas Sýleymenov, Aleksandr Knyaginiyn, Myrzatay Joldasbekov, Ómirbek Baygeldi, Quanysh Súltanov, Sergey Tereshenko jәne taghy basqa kóptegen túlghanyng esimin qúrmetpen atap ótu kerek.

Elin sýigen erlerding otanshyldyghy jәne olardyng últ mýddesine adaldyghy әrdayym keyingi úrpaqqa ýlgi-ónege bolugha tiyis.

Biz tarihy әdildik jolyn berik ústanuymyz kerek. Osy orayda túnghysh preziydent Núrsúltan Ábishúly Nazarbaevtyng tarihy rólin atap ótken jón. Sebebi ol elimizding Tәuelsiz memleket atanyp, túghyryn bekemdeuge orasan zor enbek sinirdi!»

***

«Qazaqta «Egemen elding ensesi biyik» degen sóz bar. Azattyqpen birge últtyng ruhy kóterildi. Halqymyz kóptegen tabysqa jetti.

Tәuelsizdik jyldaryn bizding halqymyz abyroymen jýrip ótken dara jol deuge bolady. Osy kezende biz quatty әri jauapty memleket retinde qalyptastyq, eldigimizding túghyryn nyghayttyq. Kók tuymyz Birikken Últtar Úiymynyng tórinde túr.

Kórshi eldermen syndarly kelissóz jýrgizip, shekaramyzdy birjola shegendedik. Sonyng arqasynda shynayy dostyq shekarasy qalyptasty, sonday-aq últtyq qauipsizdigimizdi qamtamasyz ettik.

Memleketimizding jetistikterin qaperden shygharmay, ýnemi aityp jýru kerek. Óitkeni, onyng bәri – Qazaqstannyng shynayy egemendigining jemisi. Sonymen birge, әriyne, qatelikter de boldy. Ony úmytpaghan jón. Qazaqstannyng túraqty damuyn qamtamasyz etu ýshin odan qorytyndy jasalugha tiyis!»

***

«Elimiz songhy jyldary týbegeyli janghyrdy. Biz auqymdy, biregey konstitusiyalyq reforma jasadyq. Búl manyzdy qadam bizding geosayasy ortamyzdy alyp qarasaq, tendessiz reforma boldy.

Jalpyúlttyq referendumda halqymyz búl ózgeristerge barynsha qoldau bildirdi. Azamattardyng sayasy ýderiske qatysu mýmkindigi aitarlyqtay artty. Memleket pen qoghamnyng qarym-qatynasy jana sipatqa ie boldy. Yaghni, jalpyúlttyq dialogtyng auqymy keneydi.

Preziydent jeti jylgha bir ret qana saylanatyn boldy. Aralas saylau jýiesi engizildi. Múnyng bәrin sayasy reformanyng basty mazmúny deuge bolady!»

***

«Osydan tura bir jyl búryn men auqymdy saylau kezeni bastalatynyn aitqan edim. Qysqa merzim ishinde Preziydent, Senat pen Mәjilis, barlyq dengeydegi mәslihattar saylauy kezen-kezenimen ótti. Onyng bәri jana әri әdil erejemen jýrgizildi. Búl saylaular azamattarymyzdyng sayasy jәne saylau mәdeniyetining dengeyi óskenin kórsetti.

Auyl әkimderin tikeley saylaudyng engizilui sayasy reformadaghy asa manyzdy qadamnyng biri boldy. Qazirge deyin 1900-den astam auyl okrugynda saylau ótti. Auyl әkimderining 60 payyzgha juyghy janardy.

Jaqynda audan jәne oblystyq manyzy bar qala әkimderin azamattarymyz tikeley saylaytyn bolady. Ázirge jana tәsilding tiyimdiligin bayqap kóremiz. Adam qúqyghyn qorghau jýiesi jetile týsti. Konstitusiyalyq Sot qayta qúryldy. Ombudsmenderding mәrtebesi kóterilip, qúzyreti keneydi. Túrmystyq zorlyq-zombylyq jasaghan adamdargha jaza kýsheytildi.»

***

«Qazaqstan әleumettik salada aitarlyqtay tabysqa qol jetkizdi. Halyqtyng densaulyghyn jaqsartu ýshin qomaqty qarjy bólinip jatyr. Sonyng nәtiyjesinde azamattardyng ortasha jasy 74,4 jasqa jetti. Búl – el tarihyndaghy rekordtyq kórsetkish.

Qiyndyghy kóp bolghan toqsanynshy jyldarda halyq sany kýrt azaydy. Biz qazirgi tanda osy demografiyalyq qúldyraudy enserdik. Kóp úzamay halqymyzdyng sany 20 milliongha jetedi. Búl elimizding túraqty damuynyng aiqyn kórinisi deuge bolady. Bir sózben aitqanda, azamattarymyz óz úrpaghynyng jarqyn bolashaghyna jәne elimizding ertenine senimmen qaraydy.

«Últtyq qor – balalargha» bastamasyn jýzege asyru ýshin tiyisti zang qabyldandy. Nebәri eki aidan keyin balalarymyzdyng esep-shotyna qarjy týse bastaydy.»

***

«Memlekettik sayasattaghy manyzdy baghyttyng biri – aimaqtardy jan-jaqty damytu. «Quatty aimaqtar – quatty memleket» degenimiz – jalang úran emes. Búl – Ádiletti Qazaqstandy qúrugha qajetti eng basty qaghidat.

Biz byltyr elimizding әkimshilik-aumaqtyq qúrylymyna birqatar ózgeris engizdik. Sol arqyly keybir oblystyng damuyna tyng serpin berdik.

Mening tapsyrmammen auyl-aymaqty damytu tújyrymdamasy qabyldandy. Búl qújattyng mәn-manyzy zor. Aymaqtarda әleumettik, injenerlik jәne kólik infraqúrylymyn qúru – basty mindet.

«Auylda densaulyq saqtaudy janghyrtu» últtyq jobasy bastaldy. Osy jobanyng ayasynda 655 ambulatoriya jәne felidsherlik-akusherlik nysan salynady, qúral-jabdyqpen tolyq qamtamasyz etiledi. Búghan qosa, 20 audanaralyq kópbeyindi emhana ashylady, al 12 emhana zaman talabyna say janarady. Yaghni, tórt millionnan astam auyl azamatyna sapaly dәrigerlik qyzmet kórsetiledi.

Elimizde «Jayly mektep» jobasy qolgha alyndy. 2026 jylgha deyin barlyq aimaqta jýzdegen jana mektep boy kóteredi. Auyldarda 100 sport ortalyghy ashylady. Sonday-aq, 650 mәdeniyet oshaghy salynady jәne jóndeledi.»

***

«Barshanyzgha mәlim, men biylghy Joldauymda elimizding jana ekonomikalyq baghdaryn úsyndym. Basty qaghidattarymyz әdildik, ashyqtyq jәne shynayy bәseke bolmaq. Yaghni, biz qazir Jana ekonomikalyq sayasatqa jol ashyp otyrmyz.

Negizgi maqsat – últ baylyghyn әdil bólu, infraqúrylymdy jedel janghyrtu, kәsipkerlikke qoldau kórsetu jәne elimizge auqymdy investisiya tartu.

Ýkimet pen әkimder Memleket basshysynyng tiyisti núsqaularyn, tapsyrmalaryn mýltiksiz oryndaugha mindetti. Búl júmys Parlamentting jiti baqylauynda boluy kerek. Bir sózben aitqanda, ekonomikalyq ózgeristerding iygiligin jaqyn arada elimizding barlyq azamaty kóruge tiyis!»

EGEMENDIKKE QOL JETKIZU ONAY EMES, AL ONY SAQTAP TÚRU TIPTI QIYN!

«Qazaqstan egemen memleket retinde әrdayym últtyq mýddesine say keletin salmaqty әri syndarly syrtqy sayasat jýrgizedi. Halyqaralyq qauipsizdikti qamtamasyz etudi kózdeytin aimaqtyq jәne jahandyq ýderisterde manyzdy ról atqarady. Biz әlemdik dinderding bir birimen jaqyndasyp, syndarly dialog ornatuyna kýsh salamyz.

Qazirgi zamanda memleketterding újymdasyp kýsh júmyldyruy jәne diplomatiyany danalyqpen әri joghary kәsibiylikpen jýrgizui әlemde úzaq uaqyt boyy túraqtylyq ornauyna, elderding jappay damuyna, BÚÚ-nyng Jarghysyna negizdelgen әdiletti halyqaralyq qatynastar jýiesi qúryluyna jol ashady.

Qazaqstan «elding ishinde de, ainalasynda da beybitshilik», «әraluandyq arqyly – birlikke» degen qaghidattardy әrdayym berik ústanady!»

***

«Qazaqstannyng aldynda búryn-sondy bolmaghan jana syn-qaterler túr. Osy kýrdeli kezende memleketimizding ornyqty damuy óte manyzdy. Biz bolashaqqa senimmen qaraghan birtútas Qazaq elin kýlli әlemge tanytuymyz kerek.

Egemendikke qol jetkizu onay emes, al ony saqtap túru tipti qiyn. Shyn mәninde, Tәuelsizdik – bәrinen qymbat. Tәuelsizdikti saqtau búl – eng aldymen, tútas últtyng jauapkershiligi.

Biz egemendikti tynymsyz enbekpen, myzghymas birlikpen kýn sayyn qorghauymyz kerek. Eng bastysy, elimizdegi túraqtylyqty saqtauymyz qajet. Sebebi, tynyshtyq bolmasa, basqanyng bәri beker!»

***

«Álemdegi ahualdyng qanday kýrdeli ekenin kórip otyrsyzdar. Bedeldi halyqaralyq sarapshylar Qazaqstandy beybitshilikting besigi dep ataydy.

Qazir biz aimaqtyng mәdeniy-ruhany ortalyghyna ainaldyq. Biyl shetelding óner újymdary elimizde 200-den astam mәdeny is-shara ótkizdi. Búl – túraqtylyqtyn, tynyshtyqtyng aiqyn kórinisi. Múny basqalargha ýlgi-ónege deuge bolady. Al túraqsyzdyq jaylaghan elge eshkim úmtyla qoymasy anyq.

Beybitshilik – bizding basty baylyghymyz. Onyng qadirine jetip, baghalay bilu – bәrimizge ortaq paryz. Múny elimizding әrbir azamaty, әsirese, óskeleng úrpaq tereng týsinui qajet!»

***

«Qazaqstan damudyng jana kezenine qadam basty. Sayasy jәne әleumettik-ekonomikalyq reforma qoghamdyq sananyng týbegeyli ózgerisine úlasuy kerek.

Men Týrkistanda ótken Qúryltayda sóilegen sózimde jana qoghamdyq etika turaly aittym. Alqaly jiynnan song Qúryltaydyng keybir mýsheleri maghan óz úsynystaryn joldady. Olar elimizde qúndylyqtar jýiesin qalyptastyru qajettigine nazar audaruda. Shyn mәninde, múny óte manyzdy bastama dep oilaymyn. Ony jan-jaqty talqylap, qarastyruymyz kerek.

Men búghan deyin Adal azamat úghymyn úsyndym. Osy orayda jastarymyzgha arnayy Ýndeu joldaghym keledi. Elimizde jýzege asyrylyp jatqan әrbir bastama, eng aldymen, Sizderge arnalady. Qazirgi reformalardyng iygiligin kóretin de, eldik isterdi jalghastyratyn da – sizder.

Býgingi jastardy Qazaqstannyng kelbeti deuge bolady. Shyn mәninde, kez kelgen memleketti túrghyndaryna qarap baghalaydy. Yaghni, bizding qanday el bolarymyz óskeleng úrpaqqa baylanysty. Sondyqtan jastarymyz otanshyl, bilimpaz, enbekqor, ýnemshil, әdil әri janashyr boluy qajet. Jastar sportpen, dene shynyqtyrumen ainalysuy kerek. Men múny ýnemi aityp jýrmin. Osy qúndylyqtardy barynsha nasihattap, taratu qajet. Sonda jeke adamnyng qasiyeti tútas últtyng qasiyetine ainalady!»

***

«Jastar kez kelgen ózgeriske beyim bolady. Ár nәrseni boyyna tez siniredi. Men sizderdi jaqsydan ýirenuge, jamannan jiyrenuge shaqyramyn. Úly Abay aitqan bes nәrseden qashyq, bes nәrsege asyq bolynyzdar.

Sizder dәriptegen qúndylyqtar qoghamda tez ornyghady. Sizder qoldaghan ózgerister jyldam jýzege asady. Bәrimizding tilegimiz – bir, búl – qoghamymyzda jappay әdilettik ornatu. Endeshe, maqsatymyzgha birge jeteyik.

Men jas úrpaqtyng jasampazdyq quatyna senemin. Ózderiniz siyaqty sanaly úl-qyzdary bar Qazaqstan órkeniyet kóshining basynda bolary sózsiz.

Memlekettilik túghyryn nyghayta týsu ýshin zang ýstemdigin ornyqtyru óte manyzdy. Tәrtipke baghynghan qogham órkeniyetti bolady. Búl – zandylyq. Ár azamat elimizding zanyn qúrmettese, bereke-birlik te, baquatty túrmys ta bolady.

Ádiletti Qazaqstandy qúru ýshin qúqyqtyq mәdeniyetti damytu qajet. Zansyzdyq, tәrtipsizdik, mәdeniyetsizdik eldi jargha jyghady. Múnday jaghymsyz ýrdisterge býkil qogham bolyp qarsy túruymyz kerek. Osyny sanagha myqtap sinirgen jón!»

***

«Biz birtindep qoghamdy ózgertu jәne demokratiya qaghidattaryn engizu jolynan ainymaymyz. Álemde sayasy jәne ekonomikalyq ahual qúbylyp túrghan zamanda zang jәne qúqyq ýstemdigin qamtamasyz etu óte manyzdy.

Memleket radikalizmnin, ekstremizmnin, qúqyqtyq nigilizmning jәne túrmystyq vandalizmning kez kelgen kórinisine mýldem tózbeushilik sayasatyn ústanatyn bolady. Elimiz óktemdik pen óshpendilikke, qoghamdyq tәrtipti ayaq asty etuge, zorlyq-zombylyqqa shaqyrugha, azamattardyng ar-namysyn taptaytyn әreketter jasaugha jol bermeydi.

Zangha qayshy keletin, azamattardyng arasyna iritki salatyn jәne túraqtylyqqa syna qaghatyn kez kelgen sóz ben әreketke qatang tosqauyl qoyady. Búl talapqa baghynbau memleketke de, qoghamgha da qarsy shyghu dep baghalanady. Múny bәrin, әsirese, el aldynda jýrgen jәne halyqqa sózi ótimdi azamattar tereng týsinui kerek!»

***

«Eki jylgha da jetpeytin az uaqytta elimizde iske asyrylghan reformalar halyqtyng sayasy sana-sezimin edәuir ózgertti. Endi júrtymyz memleketti basqarudyng búrynghy tәsilin qaytarugha jol bermeytinine senimim mol.

Reformalardan keyin ótkenge qayta oralmaymyz. Ózgerister әli jalghasady jәne memleketimizding sipatyn tolyq ózgertedi. Biraq biz reformany jýzege asyrghanda, eng aldymen, ishki sayasy túraqtylyqtyng manyzdylyghyn esten shygharmauymyz kerek. Áytpese Qazaqstannyng memlekettiligine zor qauip-qater tónui jәne onyng saldary últ bolashaghy ýshin óte auyr boluy mýmkin. Sondyqtan men әrbir azamat zang men tәrtipti saqtauy kerek dep ýnemi aityp jýrmin.

Biz sózben de, ispen de qoghamdy ortaq maqsatqa júmyldyrugha jәne jalpyúlttyq birlikti nyghayta beruge tiyispiz. Halqymyz azat el bolyp, myqty әri әdiletti memleket qúru turaly armanyn bereke-birligining arqasynda ghasyrlar tezinen aman alyp shyghyp, aqiqatqa ainaldyrdy!»

***

«Býginde bizding memlekettiligimiz qarqyndy damyghan egemen respublikanyng órkeniyetti әri qúqyqtyq sipatyna ie boldy. Qasterli Tәuelsizdigimizdi qorghap, jan-jaqty nyghaytu – bәrimizding ortaq mindetimiz, qazirgi jәne bolashaq úrpaq aldyndaghy perzenttik paryzymyz.

Biz Respublika kýnining mәn-manyzyn, onyng myqty memleket jәne kózi ashyq, kókiregi oyau últ qalyptastyrugha baghyttalghan auqymdy ózgeristerding simvoly retindegi tereng maghynasyn jastargha týsindiruimiz kerek!»

***

«Respublika kýni halyqtyng bolashaqqa senimin nyghaytatyn erekshe meyram boluy kerek. Patriottyq, qayyrymdylyq jәne volonterlik is-sharalardy kóptep úiymdastyrghan jón.

Egemendik kýni últty úiystyratyn naghyz eldikting meyramyna ainalugha tiyis. Yaghni, osy qasterli merekede Otangha degen shynayy sýiispenshilikti dәripteuimiz kerek. Búl – barshamyzgha ortaq is. Sondyqtan bәrimiz bir el bolyp atsalysayyq!»

***

«Tәuelsiz elding tabysyn arttyrugha azamattarymyz manday terimen ýles qosyp jýr. Shyn mәninde, tabandy enbek zor tabysqa jetkizedi. Barlyq salany, әsirese, óndiristi bilikti mamandar damytady. Sondyqtan biz bir el bolyp qoghamda enbekqorlyqty dәripteymiz.

Adal enbek pen jauapkershilik jana qoghamdyq etikanyng ózegi boluy kerek. «Enbegine qaray – qúrmeti» degen. Enbegimen daralanyp, kópshilikting qúrmetine ie bolghan azamattyng biri – kórnekti memleket jәne qogham qayratkeri Baqtyqoja Izmúhambetov. Ol múnay-gaz salasynda, óndiriste jәne memlekettik qyzmette úzaq jyl boyy tabysty júmys istedi. Onyng ómir joly óskeleng úrpaqqa ónege bolary sózsiz.

Býgin men elimizge orasan zor enbek sinirgen qayratker Baqtyqoja Salahatdiynúlyna «Qazaqstannyng Enbek Eri» ataghyn beru turaly sheshim qabyldadym!»

***

«Basqa da salada, sonyng ishinde auyl sharuashylyghynda ónimdi enbek etip jýrgen azamattar az emes. Osynday naghyz enbek adamynyng biri – Syr elining azamaty Imamzada Shaghyrtaev. Onyng auyly da, sharuasy da kópshilikke ýlgi bolyp otyr. Tabysqa jetken әrbir jan óz auylyna dәl osylay qamqor bolsa, núr ýstine núr bolar edi.

Aymaqty damytugha orasan zor ýles qosqan Imamzada Quanyshbayúly býgin «Qazaqstannyng Enbek Eri» ataghyna ie boldy. Men enbek adamyna erekshe qúrmet kórsetilui kerek dep údayy aityp jýrmin.»

QAZIR – BILIMNING DÁUIRI. BILIMI OZYQ JÚRT DAMU KÓShINING ALDYNA ShYGhADY!

«Biyl Joldauymdy jariyalaghan kezde Parlamentke enbek adamdaryn arnayy shaqyrdym. Olardyng qatarynda ústazdar da boldy. Qazir – bilimning dәuiri. Bilimi ozyq júrt damu kóshining aldyna shyghady. Búl zamanda bilimpazdyq eng basty qasiyetting birine ainalugha tiyis. Sondyqtan, bilim salasyn damytugha basa mәn beremiz.

Múghalimning mәrtebesin kóterip, jaghdayyn jaqsartu óte manyzdy. Astanada ótken Ústazdar sezinde búl mәselege arnayy toqtaldym. Óitkeni ústazdar qauymy últtyng jana sapasyn qalyptastyrady.

Múghalim bolyp, úrpaq tәrbiyeleu – qasiyetti missiya. Elimizde myndaghan adam osy mindetin adal atqaryp jýr. Olar kýndelikti enbegimen Qazaqstandy damytugha zor ýles qosuda. Sol sebepti múghalimderding qoghamdaghy orny erekshe bolugha tiyis. Ústazgha barlyq jerde qúrmet kórsetilui kerek!»

***

«Birneshe jyl búryn mening tapsyrmammen «Qazaqstannyng enbek sinirgen ústazy» ataghy belgilendi. Jaqynda bir top pedagogti ózim arnayy marapattadym. Býgin de osy iygi ýrdis jalghasyn tappaq.

Semey qalasyndaghy №7 mektep-liyseyding matematika pәni múghalimi Alma Shýkejanova elu jyl boyy úrpaqqa bilim men tәrbiyeni qatar berip keledi. Býgin Alma Saydahmetqyzyn «Qazaqstannyng Enbek Eri» ataghymen marapattau turaly sheshim qabyldadym.

Sonday-aq býgin basqa da birqatar múghalim joghary memlekettik marapatqa ie boldy. Osy arqyly men barsha ústazdar qauymyna erekshe iltipatymdy bildiremin!»

***

«Últtyng ruhaniyatyn damytyp, ruhyn kóteruge qalamgerlerimiz erekshe yqpal etedi. Búghan deyin «Qazaqstannyng Halyq jazushysy» ataghyn qaytaru turaly bastama kóterildi. Men Týrkistanda ótken Últtyq Qúryltaydyng otyrysynda osy úsynysqa qoldau bildirdim.

Qúrmetti ataq shiyrek ghasyrdan song jazushylarymyzgha qayta berile bastaydy. Tól әdebiyetimizdi damytugha zor ýles qosqan bir top kórnekti qalamger býgin «Qazaqstannyng Halyq jazushysy» atandy.

Mening tapsyrmammen «Qazaqstannyng Halyq әrtisi» ataghy da qaytaryldy. Búl ataq búrynghyday teatr, kino, muzyka jәne taghy basqa óner salasynyng elimizge tanymal tarlandaryna beriledi.

Men kóktemde ótken Qazaqstan halqy Assambleyasynyng HHHII sessiyasynda el birligin jәne qoghamdyq kelisimdi nyghaytugha kóp jylghy qajyrly enbegimen ýles qosqan azamattardy arnauly ordenmen marapattau turaly tapsyrma berdim. Tiyisti zandargha ózgerister engizilgen son, «El birligi» ordeni bekitildi. Nagradalar qatarynan layyqty oryn alghan búl marapat býgin alghash ret tapsyrylady!»

***

«Memleket elimizding ghylym salasyn damytugha, ghalymdarymyzdyng jetistikteri men enbegin baghalaugha airyqsha mәn beredi. Biyl әl-Faraby atyndaghy ghylym men tehnika salasyndaghy memlekettik syilyq Qazaqstannyng Últtyq yadrolyq ortalyghynyng ghalymdar újymyna berildi. Ortalyq atom-energetikasy salasynda tendessiz zertteuler jýrgizip, әlemdik dengeydegi ozyq әzirlemeler jasady.

Qauip-qaterden qaymyqpay, ózgening ómirin qútqaru – naghyz erlik. Múnday adamdar shynayy qúrmetke layyq. Býgin osynday birneshe azamatty marapattaymyn.

Jalpy elimizding damuyna әr aimaqtyng túrghyndary, әr salanyng mamandary zor ýles qosyp jýr. Biz olargha әrdayym qúrmet kórsetemiz. Memlekettik marapatty, eng aldymen, halyqtyng alghysy dep týsingen jón.

Shyn mәninde, tughan elding yqylasynan artyq eshtene joq. Endeshe júrttyng rizashylyghyn alyp, tabysty enbek ete berinizder!

Qasterli Otanymyz órkendey bersin!

Respublika kýni qútty bolsyn!»

Abai.kz