Mening osy ózderin oppozisiyada jýrmin dep esepteytin jigitterding keybir qylyqtaryna tang qalamyn. Bәri birdey emes, әriyne. Alayda olardyng ishinde ne ómirdi bilmeydi, ne sayasy kýresting qanday bolatyndyghyn mýldem týsinbeytinder de jetip artylady.

Ondaylar ýshin әlemjelige shyghyp, biylikti synaghan bolyp, aqyldy sózder aityp, kópshilikting kónilin audarsam boldy, bәrin de qalpaqpen úryp alam dep eepteydi.

Qalyng júrtshylyqtyng aldynda kósh bastau ýshin aldymen ózing taza bolyp, atqarghan isterinnen min shyqpauy kerek. Halyqtyng mún-mýddesimen birge ómir sýrseng ghana, múratqa jetesin. Al әlem jelide anda-sanda jylt etip, әdemi sóileu ýnemi abyroy әpere bermeydi.

Mәselen, bir kezderde әlemjelide asa belsendi Arman Shoraev degen jigit aghasy boldy. Ózekti mәselelerdi qozghap, sayasatta aldyna jan salmady. Parlament deputtyghyna saylau bastalghanda odan qatty ýmitker boldy. Búl nauqan ayaqtalysymen әlgi jigitimiz kózden búl-búl úshty. Qazir esh jerde de joq. Álemjeliden mýldem ghayyp boldy. Tek bir ókinishtisi, ózin shynymen syilaytyn myndaghan jankýierlerimen dúrystap qoshtasugha da jaramady. Múnysyn týsinbedik, әriyne.

Desek te, bizding topshylauymyzshy múnyng bir ghana sebebi bar. Ol deputttyqqa óte almauyna óz oqyrmandaryn kinәlaytyn sekildi. Múnysy ýlken qatelik, әriyne. Álemjelide otyrghan myndaghan dostarynyng barlyghy birdey saylaugha baryp, belsendi týrde dauys beredi deu ýlken adasqandyq.

Olardyng deni seni qúlay tyndaghanymen, kýni erteng divannan júmsaq jerin kóterip, saghan dauys beruge barmaydy. Olar sonday erekshe kontingent. Búlargha senu - basy artyq dýniye. Dúrysy, barlyq saylau uchaskelerin jayau aralap, halyqpen betpe-bet kezdesu. Sonda ghana bir nәtiyje beredi.

Rinat Zayytov pen Ermúrat Bapy dәl osylay istedi. Onyng ýstine búlardyng ómirbayandarynda eshbir kinarat joq. Biznesmen de emes. Al Armannyng bir kezderde Darighamen qoyan-qoltyq dúmys istegeni bar. Onyng partiyasynda boldy. Áriyne, múny oghan kinә qylyp taghu da artyq shyghar. Alayda qazir eski Qazaqstanda Nazarbaevtyng otbasyna jaqyn bolyp, mayly jilikting basyn ústaghandargha kópshiliktting qúlay sene qoyy qiyn.

Búl mening jeke basymnyng pikiri. Áytpese Armannan alty alasym, jeti berisim joq. Onyng myqty jurnalist bolghandyghyn da jaqsy bilemin. Halyqtyng qamyn oilaytyn azghantay azamattardyng qatarynan ekendigin de moyyndaymyn. Meniki tek sayasy kýresting qúityrqysy kóp bolatyndyghyn eske salyp ótu ghana. Bir ret qana sýringen Ámirjan Qosanovtyng taghdyry osynyng kuәsi.

Jaybergen Bolatov

Abai.kz