Nazarbaev jýiesin kezinde marqúm Altynbek Sәrsenbaev «Ýshtaghan» dep sipattaghan edi. Artynan sol «ýshtaghan» jýiening qúrbany boldy. Nazarbaevtyng ýlken kýieu balasy Rahat Áliyev eks-qayynatasyn «Krasnyy oteske» úqsatty.

Ýsh búty (dingegi) bar, onaylyqsha qúlamaytyn jýiege eki marqúm eki túrghydan: Biri – sayasi, endi biri – kirminaldy sipatta aina qatesiz anyqtama berip ketti. Tәuelsiz elding ekonomikalyq, sayasy taghdyryn halyqtan tys sheship kelgen «ýshtaghan» jýiening әr jyldary ýsh bútynyng kóteretin salmaghy auysqany bolmasa, syr bergen joq. Ony sayasattanushylar «klanaralyq qaqtyghys», «elitalyq bólinis» dep sipay qamshylaghanymen, shyndyghy osy.

Eski Qazaqstannyng erejesiz úrystarynyng atamany bir kezde marqúm Áliyev boldy. Biznes ókilderine qyrghiday tiygen ol «Núr bank isinen» keyin búrynghy orynyn joghaltty. «Ýshtaghannyn» serkeleri oiynnan shygharyp tastady.

Qasiretti «Qantar oqighasy» kórsetkendey, Áliyevting orynyn Qayrat Satabaldy basqangha úqsaydy. Isti bolghan oghan jәne búrynghy әieline memleketting jәne jekening mal-mýlkin zansyz iyelenu aiyptary taghyldy. Qayrat Satybaldy turaly sot barysynda jariya bolghan faktilerden bólek jaqynnan beri әleumettik jeli de onyng búrynghy sheneunik Sauat Mynbaevtyng arbagha tanyluyna qatysy bary jayyndaghy әngimeler jeldey esude. «Ýshtaghannyn» erejesiz úrystarynyng el ekonomikasynyng manyzdy salalaryna qatysty bank, temir jol, kommunikasiya salasynda órbiytini jasyryn emes. Qarsy kelgen bireuler ajal qúshsa, bireuler sottaldy, bireuler shetel asty. Qayrat Satybaldy da Áliyev siyaqty myzghymas «ýshtaghannyn» kezekti mat oiynshysy bolghany anyq...

Eldegi bir talay sayasy ózgeristerden keyin «Jana Qazaqstan» qúryldy. «Ýshtaghannyn» erejesiz oiyndary ayaqtaldy deuge әli erte siyaqty. Oghan dәlel retinde eldegi eng ýlken uran kenishining «Rosatomnyn» menshigine ýnsiz ótip ketkenin aitugha bolady. Qazaqtyng múnay men gazdan keyingi sýbeli baylyghy sanalatyn atom óndirisi salasynda da erejesiz úrystar óte kóp. Kompaniyany akyaqqa túrghyzghan Múhtar Jәkishov úzaq jylgha sottalsa, Núrlan Qapparov Reseyden Qytaygha úshyp barghan saparynda qaytys boldy. Resey kompaniyalarynyng elimizdegi ýlesining artuyn – «sanksiyadan qashu» dep týsindirilgenimen, myzghymas «ýshtaghannyn» bir bútynyng Reseyge auyp túrghanyn bayqaugha bolady. Oghan milliarder kýieu balasy bar, ÚQShÚ-nyng jana hatshysy Tasmaghanbetovtyng yqpaly bar ma, ol jaghy belgisiz.

Qazir әlemde kýrdeli geosayasy oiyndar oinalyp jatqany belgili. Resey jenilse, jaghday ózgeredi dep sanaytyndar bar. Putinning senimdi serigi bolghan Prigojinnyng ózi: «1917-jylghy tónkerister qaytalanuy mýmkin», - dep otyr. Qazaqstandaghy songhy ekonomikalyq jýrister, Orta Aziyadaghy geosayasy qadamdar dauyl aldyndaghy jantalasty eske salady.

Esbol Ýsenúly

Abai.kz