Kýni keshe әleumettik jelide «Qazaqstannyng memlekettigi joq» degen jazba qaldyrghan Qazaqstandyq taekvondist Gleb Lymari artynan óz sózine týsinik berdi. Oghan sensek akkaunty әlde kimder jaghynan búzylghandyqtan, búghattalghan. Jogharydaghy pikir «mening azamat әri sportshy retindegi bedelime qatty núqsan keltirdi», - depti ol ýndeuinde.

Qazaq tarihyna qatysty múnday úshqary pikirding birinshi ret aitylyp túrmaghany, teristik kórshimizding BAQ-tary júmyla kirisip qúlaghymyzgha sinire bastaghany júrtqa ayan. Qazaq handyghynyng 550 jyldyq mereytoyy qarsanynda Resey preziydenti Putin studenttermen kezdesuinde: «Qazaqta memleket bolmaghan», - dep senimmen aitqan edi. Onyng zóngilesi Medvedev te soltýstiktegi oblystarymyzdy «orys jeri», - dep jazba jariyalap, sonynan «akkauntym búzyldy, pikir meniki emes», - dep aqtalghan.

Endi sol Medvedev Resey qauipsizdik kenesi tóraghasy salauatymen aqparattyq bombasyn Amerika men Europagha qaratyp otyr. Ótken aptada orystyng qaptaghan basylymdaryna atyshuly súhbattar berip, auyzben oraq oryp, Batysqa dóng aibat kórsetti. Gaaga sotynyng «Putindi soghys qylmyskeri» dep tanyp, qúramyndaghy elderge tútqyndaugha order bergeni belgili. Oghan iri elder qoldau bildire bastady. Birinshi bolyp Germaniyanyng zang salasynyng basshysy Putin Germaniyagha attap bassa, birden tútqyndaytynyn mәlimdedi. Angliya halqaralyq sotqa mýshe 42 elding ókilderin Londongha jinap, Putindi qúryqtau ýshin birlese qimyldau kerektigin aqyldasty. Ukrainagha saparlay kelip, «Soghystyng әkelgen qasiretin óz kózimmen kórdim, әlemde tәrtip ornatpasa bolmaytynyna kózim jetti», - degen Japon basshysy da sottyng ýkimin mýltiksiz oryndaytynyn aitty. Jazda Ontýstik Afrikada altyn óndirushi bes elding (Resey, Qytay, Ýndistan, Braziliya, Ontýstik Afrika) sammiyti ótetini belgili. Qara qúrlyq elining biyligi de Gaaga sotynyng ýkimin eskerusiz qaldyrmaytynyn qadap aitty. Osynyng bәrine shamdanghan Medvedov aqparattyq qúqayyn Germaniya men Niyderlandqa baghyttady. «Tóbelerinnen Qúday men Orystyng yadrolyq oq túmsyghy tónip túr», - dep qorqytpaq boldy.

Nauryzdyng 20 men 22 aralyghynda Qytay basshysynyng Mәskeude saparda bolyp, Putinmen birlesken mәlimdeme jasaghany belgili. Shy tóraghanyng Reseyge saparyn qortyndylaghan sayasy sarapshylar «Resey – Qytaydyng shiykizat bazasyna, energetikalyq otaryna ainaldy», - dep bagha bergen. Medvedevting onday pikirlerge de shamdanghany súhbatynan anyq kórindi. Qytaydyng Amerikany әlde qashan basyp ozyp, әlemning birinshi ekonomikasyna ainalghanyn algha tartyp, aqtalumen boldy. Amerika sarapshylarynyng «2038 jylgha qaray Resey ydyraydy», - degen boljamynyng ónin ainaldyryp «Reseyden búryn Amerika ydyraydy», - dep kósildi. «Ukraina Qyrymgha shabuyl jasasa, atom qaruyn qoldanamyz», - dep baryp, tizginin әreng irikti.

Medvedevting aitqandarynyng qúr bos sóz emes ekenin dәleldegisi kelgendey Putin de Belarusike taktikalyq yadrolyq qarulardy ornalastyratynyn jetkizdi. Ótinish Lukashenko tarabynan týsken eken. Lukashenkonyng onymen kimdi qorqytqysy kelgeni belgisiz. Ukraina taraby ony «Belarusi Reseyding yadrolyq barymtasyna týsti», - dep baghalady. Oghan jauap retinde NATO 300 myng әskerin Polisha, Estoniya, Latviya qatarly elderge ornalastyratyn boldy. Resey jaqtan әlde bir oghash qimyl bayqasa, jermen jeksen etpek.

Esbol Ýsenúly

Abai.kz