Osy aptada Shy Jinpiynning Reseyge sapary, Resey-Qytay qarym-qatynasy, jalpy Qytay turaly kóp aityldy. Tóragha Shiyding Mәskeuge saparyna bagha beru men aqparattyq shu aralasyp ketti.

Sondyqtan Qytay kóshbasshysy men Resey preziydenti arasyndaghy kezdesuding nәtiyjelerine taghy da baysaldy әri syny túrghydan bagha bergen jón.

Ár minut sayyn «Shy Jinping anaumen qol alysty, mynaghan sóiledi,  Putin birdene dedi, oghan Qytay Halyq Respublikasynyng tóraghasy eki ret basyn iyzedi» degen janalyqtar tarady. Biraq negizgi súraq basqada. Tóragha Shy Reseyge әskery kómek beremin dedi me? Joq.

Reseyding Ukraina aumaqtaryn anneksiyalap alghanyn qoldap bir auyz sóz aitty ma? Joq.

Ol qazir sanksiyalargha baylanysty Reseyge jetpey jatqan chipter men basqa da joghary tehnologiyalyq tauarlardy jetkizuge uәde berdi me? Taghy da joq.

Onyng ornyna Resey ýkimeti men Qytay ýkimeti arasyndaghy telebaghdarlamalardy birlesip shygharu salasyndaghy yntymaqtastyq turaly kelisim men Industriya jәne sauda ministrligi arasyndaghy ózara týsinistik turaly memorandumdy qosa alghanda, barlyghy 14 dana kýmәndi qújattargha qol qoyyldy. Resey men Qytaydyng Sauda ministrligi kórme-jәrmenke qyzmeti salasyndaghy yntymaqtastyqty terendetu turaly kelisti.

Reseylik gaz endi Qytaygha kedergisiz, Beyjing ýshin eng qolayly baghamen jetkiziledi. Tipti, Vladimir Putin Qytay tóraghasy Shy Jinpiynge Aziya, Afrika jәne Latyn Amerikasynyng basqa elderimen saudada yuanigha auysqysy keletinin jetkizdi.

Tóragha Shy sypayy kýlimsirep, Putinning búl úsynysyn tyndady, biraq Beyjinning Mәskeu ýshin ne istey alatynyn aitpady. Ol Resey preziydentine ne beretinin naqty aiqyndamay, orys-qytay dostyghynyng «altyn dәuiri» bastalghanyn jariyalap, óz eline ketti.

Qytay Reseyding Beyjinge «kishi seriktes» boluyna rúhsat berdi. Sonymen birge Mәskeudi halyqaralyq arenada qoldaugha eleuli mindetteme almady.

Búqaralyq aqparat qúraldarynyng resmy habaryna qaraghanda, búl qazir Kremli ýshin erekshe maqtanysh jәne Resey basshylyghynyng syrtqy sayasattaghy keremet tabysynyng biri. Degenmen Shy tóragha aitqan «altyn dәuir» tek Qytay ýshin ornamaq. Ol jerde Reseyge oryn joq.

Kerimsal Júbatqanov

Abai.kz