Memleket qarjysyn sýliktey soryp kele jatsa da, Almaty qalasy joldarynyng jyry biter emes. Taqtayday tegis joldy aitpaghanda, oi-shúnqyry joq jolgha bir jete almay-aq qoydyq. Nege ekenin qaydam, biyl jasalghan jol kelesi jyly jóndeudi kerek etip túrady. Al qala basshylarynyng payymdauynsha, búghan klimat kinәli eken.

Memleket qarjysyn sýliktey soryp kele jatsa da, Almaty qalasy joldarynyng jyry biter emes. Taqtayday tegis joldy aitpaghanda, oi-shúnqyry joq jolgha bir jete almay-aq qoydyq. Nege ekenin qaydam, biyl jasalghan jol kelesi jyly jóndeudi kerek etip túrady. Al qala basshylarynyng payymdauynsha, búghan klimat kinәli eken.

Almaty qalasyndaghy 393 kósheni qosa sanaghanda joldardyng jalpy úzyndyghy 2 myng shaqyrymdy qúraydy. Biraq sol joldardyng jónge keler týri joq. Jylda milliardtaghan qarjymen qanjyghalaryn maylap jatqan jol jóndeushi kәsiporyn­dardyng júmysyn qadaghalaytyn birde-bir organ joq siyaqty. Sebebi ótken jyly ghana 55 milliardqa jóndelgen joldardyng bý­gingi siqy adam shoshyrlyq. «Shúrq-tesik joldar kóligimizdi qiratyp, qaltamyzdy qaghyp jatyr» degen jýrgizushilerding kóz jasyn kórer bir jan joq. Sapasyz jol­dardyng jyldan-jylgha kóbeyip kele jat­qan jol-kólik oqighalaryna sebin tiygizip jat­qany haq. Endi biyl 97 kóshening shúnqyryn jabu ýshin taghy 40 mlrd tenge júmsalyp, ýsh jolayyryqtyng qúrylysyn ayaqtap, 57,7 shaqyrym joldy jóndeu kózdelgen. Mamandardyng sózine sensek, jyl ayaghyna deyin byltyrghyday 200 shaqyrym jol qalpyna keltirilui tiyis. Demek, 40 mlrd tenge - biylghy jol jón­deuge ketetin somanyng bastamasy ghana. Sanauly ghana jýk kóligi ótse, sanylau payda bolatyn tas joldardyng tesik-shú­ry­ghyn jamaugha mún­sha qomaqty qarjyny ýiip-tóguden ózge amalyn tap­paghan atqa­minerler «aqsha bar, shýkir, endi jylda jol jyr­tyghyn jamay beremiz» dep otyr.

Bolat SAURANBAEV, Almaty qalasy әkimining orynbasary:

-  Qazaqta «aqshang bolsa qaltanda, tal­tandasang taltanda» degen sóz bar. Qazir aqsha bar, biraq shúnqyrlardy jóndeuden bas tarta almaymyz.Sebebi joldardyng barlyghyna jyl sayyn ortasha jóndeu júmystaryn jýrgize beruge kóp qarjy kerek. Shynymdy aitsam, múnday júmys­tar maghan da únamaydy, biraq basqa amal joq, tas joldardy jylda jamaugha mәj­býrmiz.

Sauranbaev myrzanyng oiynsha, jol­dar­dyng az merzimning ishinde tozyp ketuine Almatynyng klimaty kinәli. Al Kólik joldary basqarmasynyng basshysy Vla­dimir Merenkov bolsa, «joldardyng jyl­­da jóndeu júmystaryna jabylyp qaluyna jylu qúbyrlaryn jýrgizetin mekemeler jauap bersin» dep siltep sala­dy. Biraq «kórgen kózde kinә joq» demekshi, qúrylystan habary joq adamnyng ózi tas joldardyng neden tesilip jatqanyn jaqsy týsinedi. Kýn ótken sayyn ontýstik astanagha kelushi kólikterding qatary ósip jatsa da, tas joldardyng beriktigi úlghayar emes. Júqalap tóselgen asfalittyng beti jamau-jamau. Al әkimdik qyzmetkerleri joldy tósekke tenep, qarq bolady.

Sergey KUYaNOV, Almaty qalasy әkimining baspasóz qyzmetining jetekshisi:

- Qala joldaryna týsetin salmaq normadan 11 esege artyq. Mysaly, jatyn bólmesindegi tósekke eki adam emes, 22 adam jatsa ne bolady? Synyp qalady ghoy, dәl sol siyaqty.

Tósek demekshi, rasymen-aq, arzanqol, qytaylyq kereuet te bir jylgha jeter-jetpeste synyp qalyp jatady. Al qymbat, sheteldik brendilerding ónimderi qashanda 15-20 jylgha shydas beredi. Kuyanov ait­paqshy, demek, jol da dәl sonday. Arzan qúrylys materialyn paydalanyp, aqsha ýnemdep betin sylap-sipap jasalghan jolda qaybir sapa bolar deysiz?! Damyghan elderding taqtayday joldary 10-15 jylgha shydas beredi. Olarda da kólik kóp. Tek joldar standartqa say, sapaly jasalady. Bizde aqsha, tehnika, júmys kýshi, joba - bәri de bar. Biraq ashyqtyq, qarjyny maqsatty júmsau, sapa joq. Demek, qyruar qarjy júmsala túra, sapaly júmystyng atqarylmauyna sebepti sybaylas jem­qorlyqtan izdeu kerek-au, shamasy. Múny qarapayym halyq ta, baqylaushy qúzyrly organdar da biledi. Qarapayym halyqtyng qolynan keleri joq, al baqylaushy organ­dardyng qayda qaraytyny belgisiz. My­saly, ótken jyly jol salasynda qyzmet etken 31 kәsiporynnyng alayaq­tyqpen aina­lys­qany anyqtala túra, tek tórteuining ghana isi sotqa jiberilip, sot ýsheuin aqtap, bi­reuining ghana liysenziyasyn alyp, jazalaghan eken. Demek, qalghan 30-y әli de bizding jol­dardy jóndeu júmystarymen ainaly­sa beredi. Demek, «bayaghy jartas - sol jar­tas» kýiinde qala bermek.

Júmajan JANBYROV, Mashina jasau jәne kólik institutynyng rektory, tehnika ghylymynyng doktory, professor:

- Memleketten jyl sayyn jol jóndeu júmystaryna qyruar qarjy bólinedi. Biraq ol qadaghalanbaydy, jauabyn súray­tyn adam da joq. Otyryp qalghan asfalit­tyng ýstine jol sala beruge bolmaydy. Býgingi tanda joldy jóndep jýrgen jeke­menshik kәsiporyndardyng qyzmeti jol sala­symen ýsh qaynasa sor­pasy qosyl­maytyndar, bizge tek jol salu­men aina­lysatyn memlekettik ortalyq qajet.  Jol ekonomikanyng kýretamyry bolghandyqtan, oghan halyqtyng aqshasy júm­salyp jatyr emes pe!

Atamúrat ShÁMEN, ekonomist:

- Jylda jol jóndep, memleketting qazynasynan bólinip jatqan halyqtyng aqshasyn qymqyryp jýrgen kәsipker de, sheneunik te kóp jәne ol is jýzinde de dә­lel­dengen. Tenderdi de eng tómengi mól­sherdegi qarjygha júmys isteymin degen kәsiporyn útyp alatyndyqtan, sәikesinshe jolgha da sapasyz, eng arzan materialdar tóseledi. Sondyqtan jolgha berilgen mem­leketting qarjysyn qymqyrghandardy qa­tang jazalau kerek. Olardy týrmege qamau­dyng qajeti joq. Sebebi halyq ony týrmede taghy asyraugha mindetti emes. Kerek bolsa joldyng shúryq-tesigin kisendelgen qolymen tegistesin.

Sandughash ÁLIMJANOVA

"Alash ainasy" gazeti