LRT-nyng qúrylysyn toqtatsaq, shyghyn odan da kóp bolady. Búl turaly Memleket basshysy Qasym-Jomart Toqaevtyng tóraghalyghymen elordany damytu mәseleleri jónindegi kenes aitty, dep habarlaydy Aqorda.

«Kelesi mәsele – qoghamdyq kólik jýiesin damytu. Men qala ishinde adam kóp jýretin baghyttardy anyqtap, avtobustyng jii qatynauyn qamtamasyz etu jóninde naqty tapsyrma berdim. Biraq túrghyndar әli kýnge deyin ayaldamada jarty saghat boyy túrugha mәjbýr. Tipti, keyde jolaushylar avtobusqa syimay jatady. Qazir Astanagha 400-den astam avtobus jetispeydi. Aldaghy 5 jylda búl tapshylyq 2 ese artuy mýmkin. 400 ayaldamada avtobus toqtaytyn arnayy oryn qarastyrylmaghan. Al 300 ayaldamada jabyq pavilion joq. Búl mәsele, әsirese, qys kezinde óte ózekti. LRT-gha qatysty júmysty meylinshe tezdetip ayaqtau kerek. Men búryn da aittym, LRT jobasy negizinen qate boldy. Biraq qazirgi tanda basqa amalymyz joq, búl jobany jýzege asyruymyz kerek. LRT-nyng qúrylysyn toqtatsaq, shyghyn odan da kóp bolady. Al, balama jobalar joq. Jalpy, әkimdikke Ýkimetpen birlesip, Astananyng kólik jýiesin damytugha arnalghan keshendi baghdarlama әzirleudi tapsyramyn», - dedi QR Preziydenti.

Eske salsaq, elordadaghy LRT-nyng qúrylysy 2019 jyly sәuirde toqtatylghan edi. 2020 jyldyng qantarynda LRT qúrylysyna qatysty isti tergeu sharalary ayaqtaldy. Sol jyly qazanda «Astana LRT» kompaniyasy boyynsha is sot qarauyna joldandy.

Sonday-aq, biyl 13 tamyzda Núr-Súltan qalasynyng prokuraturasy elorda әkimining búrynghy orynbasary Qanat Súltanbekov pen «Astana LRT» JShS Basqarma tóraghasy Talghat Ardangha qatysty qylmystyq isti sotqa joldanghany turaly habarlady. Biraq, atalghan eki kýdikti qazirgi uaqytta qylmystyq qudalaudan boy tasalap jýr.

Ayta ketsek, Memleket basshysy Qasym-Jomart Toqaev biyl 11 qantarda ótken Mәjilis otyrysynda elordadaghy LRT qúrylysy turaly pikir bildirdi.

Abai.kz