Pavlodar oblysyndaghy Ekibastúz qalasy kesheden beri qaqaghan ayazda jylusyz otyr. 27 qarashanyng týninde jylu elektr ortalyghynda apat bolyp, ýsh qazandyqtyng isten shyqqany habarlandy.

«Saghat 01:30-da jelilik sudy kóp tútynugha baylanysty №13, 14, 15 qazandyq agregattary toqtap qaldy. Qazirgi uaqytta №8 jәne №14 qazandyq qondyrghylary iske qosyluda. Jóndeu brigadalary úiymdastyryldy. Jaqyn arada parametrler qalpyna keltiriledi», - dep habarlaghan bolatyn jylu elektr ortalyghy.

Biraq jaghday ushyqqan song ónirde oblys әkimi bastaghan jedel shtab qúryldy. Ekibastúzdyng bilim nysandary qashyqtan oqytu formatyna auystyryldy. Balabaqshalar júmysyn toqtatty.

«Qalada evakuasiyamen 123 adam Pavlodar qalasyna kóshirildi. Emdeu mekemelerinde temperatura sanitarlyq normagha say, qalalyq auruhanada 269 pasiyent (onyng ishinde 92 bala), al perzenthanada 37 pasiyet (onyng ishinde 19 bala) bar. Shúghyl kómek uaqtyly kórsetiledi. Temperatura rejiymi saghat sayyn baqylanady. Avariyalyq jóndeu júmysyna 138 adam jәne 35 tehnika júmyldyryldy. Kýnning birinshi jartysynda 20 kóppәterli túrghyn ýige qatysty mәseleni tolyq sheshu josparlanghan», - delingen әkimdik habarlamasynda.

28 qarashada qalada tótenshe jaghday jariyalandy. Vedomstvo mәlimetinshe, 17 kópqabatty túrghyn ýi, bes әleumettik jәne 21 zandy nysan әli de jylusyz otyr.

Býgin Memleket basshysy Qasym-Jomart Toqaev Ýkimetke jәne oblys әkimdigine tayau kýnderi Ekibastúzdaghy jaghdaydy qalypqa keltiru, qaladaghy auyr ahualgha jol bergen adamdardy jauapqa tartu jóninde tapsyrma berdi.

«Sonday-aq Premier-Ministr Álihan Smaylovqa elimizding qalalaryndaghy problema jii tuyndaytyn energetikalyq aktivterdi memleket menshigine qaytaru mәselesin qarastyrudy tapsyrdy. Sebebi atalmysh aktivterdi sapasyz basqaru saldarynan jylu elektr stansalary apatqa jii úshyrap, tútynushylardy elektr quatymen ýzdiksiz qamtamasyz ete almay otyr. Ekibastúzda ortalyq jylu beruding toqtap qaluynan habardar bolghan Preziydent qala túrghyndarynyng jaghdayyna alandaushylyq bildirdi. Túrghyndargha tiyisti kómek beriledi. Memleket basshysynyng pikirinshe, azamattardyng túrmys-tirshiligine qiyndyq tudyrugha jәne olardyng qúqyn ayaqasty etuge jol beruge bolmaydy», - dep jazdy Preziydentting baspasóz hatshysy Ruslan Jeldibay әleumettik jelidegi paraqshasynda.

Qazirgi uaqytta QR Ýkimeti men Bas prokuraturanyng birqatar JEO-ny memleket menshigine qaytaru boyynsha aldyn ala júmys jýrgizip jatqany habarlandy.

«Ekibastúzdaghy jaghdaygha qatysty. Jeksenbi, 27 qarashada, jylu jelilerindegi jelilik sudy kóp tútynugha baylanysty qalalyq JEO-da qazandyq agregattary toqtady. Oqigha saldaryn joi boyynsha shúghyl týrde shtab qúryldy, apattyq-qalpyna keltiru júmystary bastalyp, jedel jeli ashyldy.

28 qarasha, saghat 11:00-degi jaghday boyynsha JEO-da 6 qazandyq júmys istep túr. 129 kópqabatty jәne 114 jeke ýidi, 11 әleumettik nysandy jylumen jabdyqtau qalpyna keltirildi.

Problemalyq energetikalyq nysandardyng qyzmeti mәseleleri boyynsha júmys osy jyldyng nauryz aiynda qúrylghan Ekonomikany demonopolizasiyalau jónindegi komissiya shenberinde de jalghasatyn bolady», - dep jazylghan Ýkimet saytynda.

Jergilikti túrghyndar apattyng boluyna sebepker: Biylikting mәselege jýrdim-bardym kónil bóluinen ekenin aitady. JEO-na tolyqtay jóndeu júmysy jýrgizilu kerektigine qaramastan, basshylyq ókilderi mәselege mәn bermegen. Qystyng ayazdy kýnderinde JEO-da ýlken apat boluy mýmkin ekeni jazda habarlanghan bolatyn.

Búl Qazaqstandyq oligarh Aleksandr Klebanovtyng menshigindegi Ekibastúz JEO-da bolyp túrghan ekinshi apatty oqigha.

Ekibastúz TES-ine qojalyq etip otyrghan adam – Aleksandr Klebanov degen tereng qaltaly, dónsheke oligarh. Ekibastúz JEO-yn «Ekibastúzjyluenergo» JShS basqarady. Búl JShS «Pavlodarenergo» AQ-nyng enshiles qúrylymy. Al «Pavlodarenergo» Klebanovqa tiyesili «SATEK» AQ-nyng qúramyna kiredi.

Biyl 20 nauryzda «Petropavl» JEO-2-de ýsh múrjanyng bireui qúlap, qyzmetkerlerining biri ýiindilerdi astynda qalyp, qaza tapty. Oqighagha baylanysty qylmystyq is qozghaldy. 16 mausymda «Petropavl «JEO-2 júmysyn qalypqa keltiru ýshin 17, 5 mlrd. tenge júmsalatyny aityldy.

11 tamyzda «Ekibastúzjyluenergo» JShS jylu elektr ortalyqtary men Ekibastúzdyng jylu jelileri júmysyn qamtamasyz ete almaytynyn mәlimdegen. Klebanovtyng basqaruyndaghy Ekibastúz jylu jelilerining 70 payyzdan astamy әbden tozghan.

Ayta keteyik, Aleksandr Klebanov – Qazaqstannyng eng bay 50 kәsipkerining qataryna kiredi. 2022 jyldyng kókteminde onyng baylyghy 580 million dollargha jetken. Qazirgi tenge baghamy boyynsha 270 milliard tenge. Klebanovtyng eks-preziydent Núrsúltan Nazarbaevtyng tughan inisi Bolat Nazarbaevtyng otbasymen tyghyz qarym-qatynasta ekeni aitylyp jýr. Onyng Bolat Nazarbaevtyng senimdi ókili ekeni aitylady.

Ayjan Temirhan

Abai.kz