Resey әskeri qantar aiynda Ukraina aumaghyna basyp kiredi. Múnday boljamdy «Washington Post» AQSh barlau qyzmetining qúpiya qújattaryna sýiene otyryp jazdy. Bylay deydi әigili basylym: «2022 jyldyng qantarynda Resey 175 myng әskermen Ukrainagha basyp kiredi, oghan 100-den astam batalion dayyndaluda. Ukrainagha shabuyl artilleriyalyq soqqy jasaumen bastalyp, desant tastaumen jalghasyn tabady».

Ukrainagha Resey әskeri basyp kiruining yqtimaldyghyn nemis basylymdary da jarysa jazuda. «Bild» basylymy tómendegi kartany jariyalap, Resey Ukrainagha eki ssenariy boyynsha basyp kirui mýmkin deydi. Birinshi ssenariy boyynsha shabuyl birneshe baghytta ótedi jәne Resey әskeri Qyrym, separatister qolyndaghy Shyghys Ukraina men Belarusi aumaghy arqyly san tarapty shabuylgha shyghady. Ekinshi ssenariy boyynsha Ukrainanyng ontýstigi men soltýstik-shyghys baghytta shabuylgha shyghyp, tez arada Kiyevke kirudi kózdeydi. Maqala avtorlary Resey tez arada Ukrainanyng ýshten eki bóligin basyp aluy mýmkin dep boljaydy. Resey biyligi búl maqalany «basylymnyng dengeyine say emes sandyraq» dep atasa, Kiyev «búl shyndyqqa say» dep mәlimdedi.

AQSh Memhatshysy Entony Blinken 5 jeltoqsanda shved arnasyna súhbat berip, bylay dedi: «Qauip rasymen orasan, óitkeni biz Ukraina aumaghyna toptasqan óte kóp әskerdi kórip otyrmyz. Biz Ukraina ishin býlikke bastap, el arasyna iritki salu júmystaryn, әleumettik jelidegi jalghan aqparattyng ondaghan ese artqanyn angharudamyz.  Al eng basty mәsele biz dәl osynday әreketti búryn kórgen edik. 2014 jyly tura osylay bolghan edi. Aqyry biz Reseyding Ukrainagha basyp kirgenin kórdik». 

«Bloomberg» basylymynyng jazuynsha Resey Ukrainagha qantar aiynda kiredi, sebebi búl aqaghan qys jәne atalmysh uaqytta Europa elderining Resey gazyna tәueldiligi eselep artady. Resey gazdy sayasy rychag retinde paydalanatyn bolady.

Degenmen Reseyge qarsy Europa elderi men AQSh búryn-sondy salynbaghan sanksiyalar paketin dayyndap otyr. Eger Mәskeu әskery әreketke barsa, onda sanksiyalar salynbaq. Búl joly ekonomikany qúldyratumen qatar, Reseydi ghalamdyq internetten óshiru de kózdelgen. Úlybritaniya, Kanada men AQSh Ukrainagha әskery kómek kórsetu jaghyn oilastyruda. Kómek retinde qosymsha «Djaveliyn» men «Stingerler» berilmek. Sonymen qatar әue kýshterine qarsy qorghanys jýiesin beru de talqylanuda. Aughanstan әskerine arnalghan tikúshaqtardy Kiyevke beru mәselesi de kóterilip otyr.

Sarapshy Mihail Pritulanyng oiynsha Resey Ukrainagha basyp kire almaydy.

«Qazir Ukrainagha Batys berip jatqan qarular Resey aldynda basymdy beredi. Mysaly shabuylgha tankter kirisse, biz «Djavelinder» alamyz, sóitip shabuyl bastalmay jatyp bitedi. Osylaysha Resey shabuyly bolmay qalady», - deydi ol.

Carapshylar Resey әskeri qanshalyqty quatty bolsa da, olardyng Ukraina aumaghynda ýlken kedergilerge tap boluy mýmkin ekenin aitady. Mysaly әskery jeke kompaniya ókilderi Ukraina ýshin soghysuy mýmkin, alayda olar Ukraina sarbazdarynyng formasynda bolmaq deydi olar.

Europa elderi Resey Ukrainagha basyp kirse, onda Reseyding ýmit artqan «Soltýstik aghym – 2» jobasyn toqtatyp tastau kerektigin úsyndy. Qazir Ukraina ýshin soghysugha niyetti eriktiler jasaqtary da ýndeu tastauda. Olardyng ishinde Litva, Estoniya, Latviya, Polisha, Finlyandiya ókilderi bar.

Ukrainagha Reseyding shabuyly 2014 jyly bastaldy. Resey agressiyalyq sayasatpen Qyrymdy tartyp alyp, otarlady. Al el shyghysynda soghys otyn jaqty. Osylaysha eki el arasyndaghy qaqtyghysqa jeti jyl boldy. 2021 jyldyng 7 jeltoqsanynda Resey basshysy Putin men AQSh basshysy Bayden kezdesui tiyis. Atalmysh kezdesuden keyin Kiyev taghdyry da sheshiledi deydi mamandar.

Qazir Ukraina shekarasy manynda Reseyding 95-115 myng әskeri toptastyryldy. Sonymen birge artilleriya, janarmay tasu kólikteri de shekara manynda túr. Búl «shabuyl jasaluy mýmkin» degen kýdikti qonlata týsedi.

Ashat Qasenghaliy

Abai.kz