Aqtóbede mektepte oqityn qyzdar jappay jezókshelikke tartylyp jatyr-mys degen aqparattyng taraghanyna biraz boldy. Biraq ony qúzyrly organdar rastaghan joq. Áytse de, el arasynda taraghan sózding anyq-qanyghyn bilmekke tyrysqanbyz. Biraq túrghyndardyng ózinen syr suyrtpaqtau qiyngha týsti.

Qyzdyng minezi qatty ózgerdi

- Oqighadan habardar bolarsyzdar. Bizderge bolghan jaydy eshkimge tis jaryp aitpanyzdar degen edi. Ári balalardyng qylyqtaryn basylymgha jariyalau da ynghaysyz. Men bilgenimdi ghana aityp bereyin, - dep bastady әngimesin Klara (aty ózgertilgen - avt.) esimdi keyipkerimiz. - Aghamnyng qyzy Ayym (aty ózgertilgen - avt.) biyl 10-synypty bitirdi. Ájesining qolynda óskendikten, tym erke ekeni ras. Biraq ol - aqyldy tentek. Sabaghyn ýzdik bitirdi. Alayda songhy kezde Ayymnyng minezi qatty ózgerdi. Ýiden «mektepke kettim» dep shyghyp ketkenimen, key kýnderi sabaqqa da qatyspaytyn bolghan. Múny bizge múghalimderi habarlap jýrdi. Ótpeli kezeng bolghan song shyghar dep biz elemep edik, alayda onyng qylyghy shekten shyghyp ketti. Anasy kiyimderin juar kezde qaltasynan qomaqty aqshalar ta tauyp jýrgen. Súrasa, týrli syltaular aitady eken.
Klaranyng aituynsha, Ayymnyng bógde adamdarmen aralasyp, jol baghytyn mektepten basqa arnagha búryp jýrgenin bauyrlary bayqapty. Olar dereu ata-anasyna habarlap, bolghan jaydy eskertken. Ayymnan qansha úrsyp súraghanymen, ol basynan ótkizgen jaylaryn tis jaryp aitpaydy. Balasynyng kelesheginen qoryqqan ata-anasy ony mektepke aparyp, alyp kelip jýrgen. Sonymen qatar әldebireulerding arbauyna erip, bir qatelikke úrynyp qaluy mýmkin degen oimen polisiya qyzmetkerlerine shaghymdanypty.

«Jengetay» Sholpan

Osy tústa Aqtóbe oblysy ishki ister departamentining mamandary kәmelet jasyna tolmaghan qyzdardy da jezókshe bolugha mәjbýrlegen 33 jastaghy Sholpan esimdi azamatshany qolgha týsirdi. Polisiya qyzmetkerleri kýdiktini 19 jastaghy boyjetkendi 30 myng tengege «satu» ýstinde ústapty. Jedel tergeu nәtiyjesinde Sholpannyng songhy ýsh aida 16-20 jas aralyghyndaghy qyzdardy jezókshelikpen ainalysugha iytermelep kelgeni anyqtaldy.
Osy uaqytqa deyin ónirdegi ishki ister departamentine jәbirlengen qyzdardan 14 aryz kelip týsken. Jinaqtalghan barlyq derekter boyynsha is qozghaldy.
Polisiya qyzmetkerleri Sholpannyng ýsh sybaylasy bar ekenin anyqtapty. Eki әiel men bir jigitten túratyn kómekshileri búryn polisiya esebinde bolmaghan. Qazirgi kýni kýdikti «jengetaydyn» ýstinen qylmystyq is qozghalyp, eshqayda shyqpau turaly qolhatpen ýiine jiberildi.
Aqtóbe oblystyq ishki ister departamenti baspasóz qyzmetining bastyghy Almat Imanghaliyev búl oqigha turasynda bylay deydi: «Polisiya qyzmetkerlerine kәmelettik jasqa tolmaghan qyzdardyng jezókshelikpen ainalysatyny turaly aqparattyng týskeni ras. Biraq keybir basylymdar búl mәseleni tym ushyqtyryp jazypty. «Tәn saudasyna 5 myng oqushy qyzdyng satylghandyghy» turaly aqparat jalghan. Is әli de tergelip jatyr. Sonymen qatar qalamyzda almatylyq jәne qaraghandylyq qylmystyq top is-әreket etude degen aqparat ta shyndyqqa sәikes kelmeydi».
Derekke sýiensek, atalmysh departament qyzmetkerleri búl isten bólek, biyl kәmelettik jasqa tolmaghan 13 qyzdy izdestiru júmystarymen ainalysqan. Biraq búl boyjetkenderding «jaman ispen» ainalyspaghandyghy anyqtalyp, ýilerine jetkizilipti.
Jergilikti jәne respublikalyq basylymdarda jariyalanyp ketken kәmelet jasyna tolmaghan myndaghan qyzdyng jezókshelik jolgha tartylghany, tipti solardyng arasynda ólgender, iz-týssiz joghalghandar da bar ekeni turaly mәlimetti elimizding Ishki ister ministrligi de teriske shyghardy.

Aygýl BÁYTIBIQYZY,
Aqtóbe

«Jas qazaq» gazeti