31 qantar kýni Aqtóbe oblysy Bәshenkól kenishindegi "AMK Múnay" júmysshylary ereuildi toqtatyp, taraptar kelisimge kelgen. Búl turaly Aqtóbe oblysy әkimdigi habarlady.

Ákimdikting mәlimetinshe, ereuil bastalghan 29 qantar kýni "AMK Múnay" kompaniyasynyng basshylary múnayshylar jalaqysyn 7 payyzgha kóbeytudi úsynghan. Ereuilshiler oghan kelispegen. Ereuilding ekinshi kýni, yaghny 30 qantarda múnayshylar mәselesi oblys әkimdiginde ótken arnayy shtab otyrysynda talqylanghan.

– Ákimdiktegi jiynnan keyin "AMK Múnay" kompaniyasy әr júmysshynyng jalaqysyna aqpan aiynan bastap 40 000 tengeden qosugha kelisti. Kompaniya Nauryz merekesi kezinde júmysshylaryna 50 payyz syiaqy beretin boldy. Mamyr aiynan bastap "AMK Múnay" kompaniyasynyng qyzmetkerlerimen jana enbek kelisimsharty jasalady. Jana kelisimshart jasaghan kezde oblystyng múnay salasyndaghy ortasha jalaqyny eskeriledi, – delingen әkimdik habarlamasynda.

Ákimdik habarlamasynda oblystyng múnay salasyndaghy ortasha jalaqy kólemin kórsetilmegen. Key mәlimetterge qaraghanda, júmysshylary ereuil ótkizip jatqan Temir audanyndaghy múnay mekemelerinde ortasha jalaqy 240-260 myng tenge aralyghynda.

Bәshenkóldegi kenish Ontýstik Koreyanyng memlekettik últtyq (Korea National Oil Corporation, KNOC) korporasiyasyna qarasty ADA Oil qazaq-kәris birlesken kәsipornyna tiyesili. ADA Oil Bәshenkóldegi múnay óndirisin merdiger kompaniya"AMK Múnaygha" tapsyrghan.

Bәshenkól kenishinde múnayshylar ereuilining toqtaghanyn Azattyqqa "AMK Múnay" kompaniyasynyng júmysshylary da rastady. Aty-jónin atamaudy ótingen múnayshynyng sózine qaraghanda, "AMK Múnay" men ADA Oil arasyndaghy alty jylgha jasalghan kontrakt somasy eldegi inflyasiyany eskeretindey etip jasalghan. Kelisimge say, byltyr Qazaqstandaghy inflyasiya dengeyi 7,5 payyz bolsa, "AMK Múnay" qyzmetkerlerining jalaqysy da 7,5 payyzgha ósken. Múnayshylar múnyng jetkiliksiz ekenin aitady.

Bәshenkóldegi kenish iyesi ADA Oil men merdiger "AMK Múnay" kompaniyasy arasynda 2024 jylgha deyin jasalghan kontrakt mamyr aiyna deyin búzylyp, qayta jasaluy kerek. "Sol kezde jalaqymyz taghy da ósedi. Qazir kenish basyndamyz. Júmysqa 31 qantar kýni 16:00 shamasynda kiristik" deydi múnayshy.

Ákimdik Kókjiyde kenishindegi "KMK Múnay" kompaniyasynyng 25 qantardan beri ereuildetip túrghan júmysshylarymen әli de kelissóz jýrgizilip jatqanyn habarlady.

Abai.kz