«Auyl» Halyqtyq-demokratiyalyq patriottyq partiyasy aldaghy Mәjilis saylauyna qatysady. Búl turaly partiyanyng sayasy kenesining otyrysynda aytyldy. 

«QR Preziydenti Qasym-Jomart Toqaev Qazaqstanda 10 qantar kýni QR Parlamenti mәjilisi men mәslihat deputattarynyng saylauy ótetini turaly jarlyq shyghardy. Búl - biz ýshin ýlken sayasy oqigha. Biz Qazaqstanda júmys istep kele jatqan sayasy partiyanyng biri retinde osy sayasy nauqangha qatysugha tolyq qúqylymyz. Partiyamyz qúrylghaly jiyrma jylda maqsatymyz, júmysymyzdyng mazmúny, sayasy platformamyz ózgergen joq. Songhy bes jylda 52 mynnan astam Qazaqstan azamaty partiya qatarynan kórindi. Partiyamyzdyng iydeyasyn qoldaushylar jyldan jylgha ósip kele jatyr. Aldaghy saylaugha «Auyl» halyqtyq-demokratiyalyq patriottyq partiyasynyng qatysuy turaly úsynys engizemin», - dedi «Auyl» Halyqtyq-demokratiyalyq patriottyq partiyasynyng tóraghasy Ály Bektaev.

Sayasy keneske qatysushylar qazir elimizde bolyp jatqan sayasi, әleumettik-túrmystyq jaghdaygha toqtalyp, óz oilaryn bildirdi.

«Tughannan auylda túramyn. Bar ýmitim auylmen baylanysty. Auyl halqy «Auyl» partiyasyna ýlken ýmit artyp otyr. Auyldaghy aghayynnyng ýmitin ýzbey, amanatyn arqalap sayasy dodagha qatysqanymyz dúrys degen oidamyn», dedi «Auyl» partiyasynyng mýshesi, «Shopan Ata» qoy ósirushiler qoghamynyng basshysy Almazbek Sadyrbaev.

Sayasy kenes otyrysynda partiya tóraghasy Ály Bektaev «Auyl» Halyqtyq-demokratiyalyq patriottyq partiyasy QR Parlamenti mәjilisi men mәslihat deputattarynyng kezekti saylauyna qatysuyn dauysqa salyp, kenes mýsheleri birauyzdan qoldady. Sayasy Kenes mýsheleri 18.11.2020 jyly partiyanyng kezekten tys XVII Sezin ótkizuin bekitti. Sonymen qatar Sezde partiyalyq tizim men saylaualdy baghadarlama qabyldanady.

Abai.kz