10 qyrkýiek kýngi brifing kezinde densaulyq saqtau ministri Aleksey Soy elde epiydemiologiyalyq ahual jaqsarghanmen Europa, kórshi Ózbekstan, Reseyde jәne ózge elderde indetting órshui bayqalghandyqtan әzirge qashyqtan oqu formatyn saqtau dúrys degen baylamgha kelgen.
– Nauryz aiynan beri újymdardy taratyp, karantin engizilgenine qaramastan elde 2 418 balagha koronavirus júqqan. 98 payyzy jazylghan. 34-i emdelip jatyr. Yaghni, újymdar infeksiyanyng tarau yqtimaldyghyn kýsheyte týsedi. DDSÚ mәlimetinshe, 12 jasqa deyingi balalar koronavirus infeksiyasyn әlsiz bolsa da tarata alady. Al 12 jas jәne odan asqandar koronavirus infeksiyasyn óte jyldam taratady. Olar ýidegilerge, tәuekel toptargha virus júqtyruy mýmkin, –dedi Soy.
Bilim jәne ghylym ministri Ashat Aymaghambetovting aituynsha, jana oqu jyl bastalghaly beri oqushylardyng 24 payyzy nemese 800 myny dәstýrli formatta oqyp jatyr, 2,6 mln oqushy qashyqtan bilim alyp jatyr. Ol "sabaq jóndi ótpey jatyr" dep qoghamda aitylyp jatqan syndy joqqa shygharyp, týrli internet-platformalargha kirgen adamdar sanyn dәlel retinde keltirdi.
Onyng sózine qaraghanda kýn sayyn 2 mln sabaq ótkiziledi. Mysaly, Kundelik platformasyna kýn sayyn 1 mln tapsyrma jýktelinedi.
Bir kýn búryn auyldyq jerlerdegi internet sapasynyng túraqsyzdyghy, bilim salasyndaghy sifrlandyru prosesining bayau jýrui, kóp balaly otbasylardyng qúrylghylary joq bolghandyqtan balalaryn dúrys oqyta almay otyrghany jayly syn aitylghan edi. Mәjilis deputaty Daniya Espaeva "2016 jyldan beri bilim jýiesine respublikalyq budjetten shamamen 28 mlrd tenge bólindi, onyng bir bóligi mektepterdi internetpen qamtamasyz etui tiyis edi" dep ministrlikke qarjylyq tekseru qajettigin aitqan.
10 qyrkýiekte ministr Ashat Aymaghambetov "2016 jyldan beri 7 myng mektepti internetpen qamtamasyz etuge 12 mlrd tenge qarjy bólindi. Búl transfert retinde, yaghny әkimdikterge jiberildi, әri qaray bilim basqarmalary budjetten bólingen qarjyny internetke júmsauy tiyis bolghan" dep jauap berdi.
Qazaqstannyng mektepteri men joghary oqu oryndary 1 qyrkýiekten bastap qashyqtan oqy bastaghan. Indetke baylanysty tek bastauysh synyp oqushylary ghana ata-analary rúqsat bergen jaghdayda mektepke barghan. Shalghaydaghy keybir shaghyn mektep oqushylary da dәstýrli formatta oqyp jatyr.
Búghan deyin bilim jәne ghylym ministrligi elde jarty milliongha juyq balanyn internetke qosylmaghanyn, 185 mynnan astam oqushyda qajetti qúrylghy joq ekenin moyyndaghan.
Resmy mәlimet boyynsha, Qazaqstanda 3,4 mln oqushy bar.
Abai.kz
