Qazaqstan halqynyng 2,7%-y býkilәlemdik ghalamtorgha qoljetkize almay otyr. Búl 1813 eldi mekenning túrghyndary. Qalghandary «ADSL, FTTx, 3G jәne 4G tehnologiyalarymen keng jolaqty Internetke kiru» mýmkindigine iye. Búl QR Sifrlyq damu, innovasiyalar jәne aerogharysh ónerkәsibi ministrligi Telekommunikasiyalar komiytetining tóraghasy Vitaliy Yaroshenko mәlimdedi.

Onyng aituynsha, qazirgi kezde qatarynan eki auqymdy joba jýzege asyryluda, olardy jyl sonyna deyin ayaqtau kózdelgen. Bireui memlekettik-jeke menshik әriptestik shenberinde «TOBJ tehnologiyasy boyynsha auyldyq eldi mekenderdi kenjolaqty interpentpen qamtu» jobasy.

«Jobanyng mәni mynada, memleket mektepter, auruhanalar men әkimdikter ýshin kenjolaqty internetke kiru qyzmetin satyp alady. Osylaysha, osy eldi mekenderde TOBJ jelilerining qúrylysyn yntalandyrady. Jobagha sәikes, 1257 auylgha jyl sonyna deyin talshyqty-optikalyq baylanys jelisi salynady, 230 auylgha tartu ghana qaldy. Joba 3718 memlekettik organdar men budjettik úiymdardy qamtidy», - dedi Yaroshenko.

Ekinshi joba halyq sany 250-den artyq auyldyq eldi mekenderdi mobilidi kenjolaqty internetpen qamtu jobasy.

«Jyl basynda operatorlar men bizding ministrlik arasynda tiyisti memorandumgha qol qoyyldy. Úyaly baylanys operatorlary jyl sonyna deyin jobany ayaqtaugha jәne 250-den astam adam túratyn barlyq auyldardy 3G nemese 4G qyzmetterimen qamtamasyz etuge mindetteme aldy, yaghny kenjolaqty internet jelisin tartugha. Býgingi tanda 46 auyl mobilidi keng jolaqty internetke qoljetkizdi, qalghan 882 auyl jyl sonyna deyin qosylady», - dep sendirdi vedomstvo ókili.

Atalghan jobalar jýzege asyrylghannan keyin halyqty «sapaly internetpen» qamtu kórsetkishi 99,3%-dy qúraydy. Aldaghy eki jylda 250-den az adam túratyn 243 eldi mekende baylanys jelileri salynady.

Abai.kz