Senbi, 19 Qırküyek 2020
COVID-19 QAZAQSTANDA. Jwqtırğandar — 107199. Jazılğandar — 101822. Qaytıs bolğandar — 1671
Alañ 1446 9 pikir 6 Tamız, 2020 sağat 14:58

Peruaşev: Jwrtqa jwmıs isteuge mümkindik beru kerek!

«Tötenşe jağday rejimimen salıstırğanda Prezident karantin kezinde şağın jäne orta biznesti jabudı emes, retteudi tapsırdı» - degen Mäjilis deputatı Azat Peruaşev jergilikti memlekettik organdardıñ bazar, kafe, şaştarazdardıñ jwmısına tıyım salğanın sınğa aldı jäne olardıñ bwl äreketin «sabotaj» dep bağaladı. 

«Aq jol» Demokratiyalıq partiyasınıñ keşe aymaqtardağı käsipkerlermen ötkizgen beyne konferenciyası kezinde partiya törağası Azat Peruaşev meyramhanalardı, bazarlardı,  şaştarazdardı jäne basqa da sauda, qızmet körsetu nısandarınıñ jwmısına tıyım salğan memlekettik organdardıñ äreketin sınğa aldı.

Karantin – tötenşe jağday emes 

«Densaulıq ministrligi koronavirustıñ qarqını basıldı dep habarlauda. Biz de auru jwqtırğandar edäuir tömendegenin körip otırmız. Auruhanalardıñ jwmısı jaqsardı. Alayda, adam ölimi jalğasuda, qaytıs bolğandar arasında bizdiñ de tuıstarımız ben dostarımız bar. Kürdeli jağday qayta oraluı mümkin. Tünek işinde alıstan sığırayıp jarıq köringenimen, äli de qıl wşında twrmız. Sondıqtan da biz karantindi qoldaymız.

Karantin – tötenşe jağday emes. Karantin kezinde bizneske tıyım salğannan göri, onıñ jwmısın retteu kerek. Keybir äkimdikter Prezident Q.Toqaevtıñ tapsırmasına keritartpa äreketter jasap, sauda nısandarın baqılau ornına olardıñ jwmısına tıyım saldı. Mıñdağan käsipkerler qalay kün köredi? Olar oligarhtar emes, bizdiñ qarapayım azamattar ğana. Olardıñ köpşiligine 42 500 teñge timedi, jwmıs isteuge bolmaydı, olar özderiniñ otbasın qalay asıraydı, balaların mektepke qalay äzirleydi? Olardıñ köpşiligi qiın kün künderdi bastan keşude. Soñğı aptada käsipkerler  Aqtöbe, Taraz, Öskemen, Kökşetau,Taldıqorğan qalarında, Nwr-Swltannıñ özinde mitingige şığuda.

Olardı tıñdañızdar! Biznestiñ jwmısına tıyım salğannan göri, olardıñ jwmısın retke keltiriñizder. Olarğa jwmıs jasauğa rwqsat etiñizder. Iä, maska, qolğap kiip, äleumettik qaşıqtıqtı qatañ saqtay otırıp, jwmıs isteuge rwqsat etiñizder. Sauda ortalıqtarında, bazarlarda, salondarda, barlıq jerde qaşıqtıq belgilerin qoyıp jäne qaşıqtıqtı qatañ saqtau, ünemi dezinfekciya jürgizip twruğa mindetteu arqılı jwmıs isteuge rwqsat etiñizder.  Adamdarğa jwmıs isteuge mümkindik beriñizder», - dedi Azat Peruaşev.

Beynekonferenciya kezinde barlıq oblıstardan şağın jäne orta biznestiñ jiırmadan astam ökili söz söyledi, jüzden astam habarlama kelip tüsti, eki sağattıq beynekonfereneciya qorıtındısı boyınşa «Aq jol» Demokratiyalıq partiyası Ükimetke Ündeu hat äzirlep jiberetin boldı.

Abai.kz

9 pikir