جۇما, 29 ناۋرىز 2024
الاڭ 3629 9 پىكىر 6 تامىز, 2020 ساعات 14:58

پەرۋاشەۆ: جۇرتقا جۇمىس ىستەۋگە مۇمكىندىك بەرۋ كەرەك!

«توتەنشە جاعداي رەجيمىمەن سالىستىرعاندا پرەزيدەنت كارانتين كەزىندە شاعىن جانە ورتا بيزنەستى جابۋدى ەمەس، رەتتەۋدى تاپسىردى» - دەگەن ءماجىلىس دەپۋتاتى ازات پەرۋاشەۆ جەرگىلىكتى مەملەكەتتىك ورگانداردىڭ بازار، كافە، شاشتارازداردىڭ جۇمىسىنا تىيىم سالعانىن سىنعا الدى جانە ولاردىڭ بۇل ارەكەتىن «سابوتاج» دەپ باعالادى. 

«اق جول» دەموكراتيالىق پارتياسىنىڭ كەشە ايماقتارداعى كاسىپكەرلەرمەن وتكىزگەن بەينە كونفەرەنتسياسى كەزىندە پارتيا توراعاسى ازات پەرۋاشەۆ مەيرامحانالاردى، بازارلاردى،  شاشتارازداردى جانە باسقا دا ساۋدا، قىزمەت كورسەتۋ نىساندارىنىڭ جۇمىسىنا تىيىم سالعان مەملەكەتتىك ورگانداردىڭ ارەكەتىن سىنعا الدى.

كارانتين – توتەنشە جاعداي ەمەس 

«دەنساۋلىق مينيسترلىگى كوروناۆيرۋستىڭ قارقىنى باسىلدى دەپ حابارلاۋدا. ءبىز دە اۋرۋ جۇقتىرعاندار ەداۋىر تومەندەگەنىن كورىپ وتىرمىز. اۋرۋحانالاردىڭ جۇمىسى جاقساردى. الايدا، ادام ءولىمى جالعاسۋدا، قايتىس بولعاندار اراسىندا ءبىزدىڭ دە تۋىستارىمىز بەن دوستارىمىز بار. كۇردەلى جاعداي قايتا ورالۋى مۇمكىن. تۇنەك ىشىندە الىستان سىعىرايىپ جارىق كورىنگەنىمەن، ءالى دە قىل ۇشىندا تۇرمىز. سوندىقتان دا ءبىز كارانتيندى قولدايمىز.

كارانتين – توتەنشە جاعداي ەمەس. كارانتين كەزىندە بيزنەسكە تىيىم سالعاننان گورى، ونىڭ جۇمىسىن رەتتەۋ كەرەك. كەيبىر اكىمدىكتەر پرەزيدەنت ق.توقاەۆتىڭ تاپسىرماسىنا كەرىتارتپا ارەكەتتەر جاساپ، ساۋدا نىساندارىن باقىلاۋ ورنىنا ولاردىڭ جۇمىسىنا تىيىم سالدى. مىڭداعان كاسىپكەرلەر قالاي كۇن كورەدى؟ ولار وليگارحتار ەمەس، ءبىزدىڭ قاراپايىم ازاماتتار عانا. ولاردىڭ كوپشىلىگىنە 42 500 تەڭگە تيمەدى، جۇمىس ىستەۋگە بولمايدى، ولار وزدەرىنىڭ وتباسىن قالاي اسىرايدى، بالالارىن مەكتەپكە قالاي ازىرلەيدى؟ ولاردىڭ كوپشىلىگى قيىن كۇن كۇندەردى باستان كەشۋدە. سوڭعى اپتادا كاسىپكەرلەر  اقتوبە، تاراز، وسكەمەن، كوكشەتاۋ،تالدىقورعان قالارىندا، نۇر-سۇلتاننىڭ وزىندە ميتينگىگە شىعۋدا.

ولاردى تىڭداڭىزدار! بيزنەستىڭ جۇمىسىنا تىيىم سالعاننان گورى، ولاردىڭ جۇمىسىن رەتكە كەلتىرىڭىزدەر. ولارعا جۇمىس جاساۋعا رۇقسات ەتىڭىزدەر. ءيا، ماسكا، قولعاپ كيىپ، الەۋمەتتىك قاشىقتىقتى قاتاڭ ساقتاي وتىرىپ، جۇمىس ىستەۋگە رۇقسات ەتىڭىزدەر. ساۋدا ورتالىقتارىندا، بازارلاردا، سالونداردا، بارلىق جەردە قاشىقتىق بەلگىلەرىن قويىپ جانە قاشىقتىقتى قاتاڭ ساقتاۋ، ۇنەمى دەزينفەكتسيا جۇرگىزىپ تۇرۋعا مىندەتتەۋ ارقىلى جۇمىس ىستەۋگە رۇقسات ەتىڭىزدەر.  ادامدارعا جۇمىس ىستەۋگە مۇمكىندىك بەرىڭىزدەر»، - دەدى ازات پەرۋاشەۆ.

بەينەكونفەرەنتسيا كەزىندە بارلىق وبلىستاردان شاعىن جانە ورتا بيزنەستىڭ جيىرمادان استام وكىلى ءسوز سويلەدى، جۇزدەن استام حابارلاما كەلىپ ءتۇستى، ەكى ساعاتتىق بەينەكونفەرەنەتسيا قورىتىندىسى بويىنشا «اق جول» دەموكراتيالىق پارتياسى ۇكىمەتكە ۇندەۋ حات ازىرلەپ جىبەرەتىن بولدى.

Abai.kz

9 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2261
عيبىرات

قايسار رۋحتى عازيز جان

مۇحتار قۇل-مۇحاممەد 3551