Beysenbi, 13 Tamız 2020
COVID-19 QAZAQSTANDA. Jwqtırğandar — 101372. Jazılğandar — 76756. Qaytıs bolğandar — 1269
1218 3 pikir 9 Şilde, 2020 sağat 11:33

AQŞ prokuraturası Qazaqstan azamatına kiber qılmıs jasadı dep 5 ayıp taqtı

AQŞ prokuraturası Qazaqstan azamatı Andrey Turçinge kompaniyalardıñ, bilim beru instituttarınıñ jäne ükimet organdarınıñ komp'yuterlik jüyelerin bwzdı dep ayıp taqtı. Bwl turalı 7 şilde küni AQŞ prokuraturası habarladı.

Ayıptau aktisine säykes, “fxmsp” degen laqap atı bar 37 jastağı Andrey Turçin – Qazaqstanda twratın haker. Ol – qarjılay paydağa keneludi közdeytin kiberqılmıs tobınıñ müşesi. Top 2017 jıldıñ qazan ayınan beri altı qwrlıqtağı 40 elde ornalasqan 300-den astam korporaciyanıñ, bilim beru instituttarınıñ, ükimet organdarınıñ komp'yuter jüyelerin bwzıp, jüyege kiruge mümkindik beretin derekterdi internet-forumdarğa satılımğa qoyğan. Atalğan mekemelerdiñ 30-dan astamı AQŞ-ta ornalasqan. Derek qwnı birneşe mıñ dollardan ondağan mıñ dollarğa deyingi aralıqta bolğan. Keybir jağdaylarda jüyege zañsız kiru deregi 100 mıñnan astam dollarğa bağalanğan. Zardap şekken mekemeler jüyelerin rwqsatsız paydalanu saldarınan ondağan million dollarğa şığınğa batqan.

Forbes.com basılımı Group-IB kiberqauipsizdik kompaniyasına siltey otırıp, Turçinniñ hakerlikten 1,5 million dollar tapqanın jazdı.

Turçinge komp'yuter jüyesin bwzuğa sıbaylastıq boyınşa bir ayıp, komp'yuterlik alayaqtıq jäne qiyanat jasau boyınşa eki ayıp, jelilik alayaqtıq jasauğa sıbaylastıq jäne qwrılğını rwqsatsız paydalanu boyınşa eki ayıp, barlığı bes ayıp tağıldı. Komp'yuter jüyesin bwzuğa sıbaylastıq bes jılğa deyin, komp'yuterlik alayaqtıq pen qiyanat jasau 10 jäne bes jılğa deyin, jelilik alayaqtıq 20 jılğa deyin, qwrılğını rwqsatsız paydalanu 10 jılğa deyin bas bostandığınan ayıruğa äkelui mümkin.

Prokuratura küdikti tağılğan ayıp sotta däleldenbeyinşe kinäsiz ekenin eskertken. AQŞ prokuraturası tergeu isine Qazaqstan wlttıq qauipsizdik komiteti kömekteskenin mälimdedi.

Abai.kz

3 pikir