Jeksenbi, 9 Tamız 2020
COVID-19 QAZAQSTANDA. Jwqtırğandar — 98701. Jazılğandar — 72273. Qaytıs bolğandar — 1058
46 - söz 8761 10 pikir 30 Mamır, 2020 sağat 11:59

Goloşekinniñ ölimi

Qazaqtıñ qas jauı, közine qan tolğan qanişer, genocid jasauşı jauız äri saytannıñ sıñarı Goloşekindi bilmeytin qazaq joq şığar. Köriñde ökirgir Filipp Isaeviç Goloşekin 1876 jılı Vitebskide ömirge kelgen edi. Ömiriniñ san jılın Reseydegi revolyuciyalıq qozğalıstarğa arnağan ol, 1924-1933 jıldar aralığında Qazaqstannıñ Kompartiyasınıñ bas hatşısı (bügingi tilmen aytqanda prezidenti) qızmetin atqaradı. Osı jıldar aralığında asa jauızdıq pen qatıgezdik sayasatın wstanğan ol, wjımdastıru sayasatın küşpen jürgizdi.

«Kişi qazan» ideyasın wsınıp, sol äreketin iske asıru jolında baylar men qarapayım halıqtı qanadı. 1928 jıldan bastap ol sayasatın qanmen asıra bastadı. Qarsı şıqqandı attı, astı, türmege japtı. Qazaqtıñ sayasi elitası men ziyalıların qudalap, quğın-sürgin sayasatın iske asırdı. A.Baytwrsınov, M.Dulatov, J.Aymauıtov, M.Jwmabaev, S.Säduaqasov, S.Qojanov, J.Mıñbaev, N.Nwrmaqov jäne özge de wlt ziyalılırınıñ artına şam alıp tüsip, qudaladı. 1931-1933 jıldar aralığında elimizde Goloşekin sayasatınıñ äserinen aşarşılıq ornap, Qazaq halqınıñ 75 payızı nemese 3 mln halıq qırılıp qaldı. Milliondağan halıq bosıp, Qıtay men Özbekstan, Monğoliya men Resey jäne özge de aymaqtarğa qonıs audardı. 1933 jılı Qazaqstandağı aştıqtıñ deñgeyi orasan zor jäne şığınınıñ alpauıt boluına baylanıstı, onı ornınan alıp tastap, KSRO-nıñ bas arbitri qızmetine tağayındadı. 1933-1937 jıldarı sol qızmetti atqarğan älgi Goloşekin qanişerdiñ özi sayasi quğın-sürginge wşıradı. Söytip wltımızdıñ wlandarın jalmağan sayasattıñ qwrbanına özi aynaldı. «Halıq jauı» atanıp, ol şın mäninde jalğız ädiletti ayıptalğan halıqtıñ şınayı jauı edi. Söytip, 1941 jılı 28 qazanda Kuybışevte atıldı. Solayşa köriñde ökirgir jalmauız ajal qwştı. Alayda qazaqtı qırğan qanipezerdi 1961 jılı KSRO aqtap şıqtı. Alayda ol qanişerge qazaq halqı ğasırlar boyı lağnet aytatın boladı.

Ashat Qasenğalidıñ jelidegi jazbası

Abai.kz

10 pikir