Beysenbi, 16 Şilde 2020
COVID-19 QAZAQSTANDA. Jwqtırğandar — 65188. Jazılğandar — 39066. Qaytıs bolğandar — 375
46 - söz 1332 2 pikir 14 Mamır, 2020 sağat 14:26

Ayaqastı qıluğa bolmaytın dünieler bar...

Onda twrğan ne bar eken? Äp-ädemi!

..dep öte şığuğa da bolar. Biraq, oylap körip edim, mınaday qorıtındılar tüydim:

Twskiizge nebir örnekter, suretter salatın qazaq onı jörge töseytin kilemge salmağan eken. Ayaqastı qıluğa bolmaytın dünieler bar. Äytpese, dizaynnıñ tübin tüsirgen qazaq emes pe edi, ejelden-aq? Dombıranı töseuişke örnektey almadı dep pe ediñizder? Irımğa, jönge qattı mäe bergendikten ondaydı ayaqastı qılmasa kerek!

"Nağız - qazaq dombıra" demeuşi me edik? Qazaqtıñ beynesin jerge salıp, üstinen halıqtı jürgizuden ne ayırmaşılığı qaldı? Wlı twlğalar beynelengen kilemşeler şığaru saltı bar ğoy. "Abay-150", "Jambıl-150" degen. Solardı bireuler bayqamay jerge tösegende şulağan edik. Dombıranıñ simvolikası - wlı twlğalardan kem emes bolsa kerek, qazaq üşin.

Biz wlttıñımızdan ajırasaq - "oda twrğan ne bar?" degen wğımnıñ kesirinen ajıraytın şığarmız, osı. Bwrın olay emes edi. Qazir qızı küyeuinen qaytsa da "eşteñe etpeydi, oda twrğan ne bar" deytin boldıq. Balanıñ tili orısşa şıqsa da küle qarap "oda twrğan ne bar" deytin boldıq. Erteñ sol dombıra beynelegen jerge töseletin kilemşeler şıqqanda da ündemey qoya salarmız. Orıstıñ bir fil'minde epizod bop edi. Altın orda hanınıñ üyine jalınıp kep, degenine jete almağan orıs şığıp bara jatıp bosağanı äbden taptap, taptap ketedi. "Bosağanı baspau" degen qwndılıqtıñ bar ekenin bilip, ädeyi jasağan qısastığı. Iä, oda twrğan tük te joq dermiz, qazir. Biraq, bäri sol qwndılıqtardı ayaqastı etip üyretuden bastaladı...

Türli pikirler aytılıp ta jatır eken. Öz pikirim osı. Salınıp qoyğan närse bolsa, mwnıñ bäri qwr ayğay bop ta köriner. Degenmen, qwmırsqa qwrlı bolsaq degen niet. Ibıray payğambardı otqa tastau üşin ğalamat ot dayındap jatqanda bir qwmırsqa twmsığına su toltırıp, otqa qaray jügirip baradı eken. Sondağısı "tım bolmasa nietimidi bildireyin" degeni eken..

Almas Almatov ağamızdıñ aytqanı bar edi: " biz töl önerimizdi özimiz qwnsızdandırıp aldıq. Toyımızğa änşi şaqıramız da, dombırasın arqalatıp, onı bosağada dayındalğan dastarhanğa otırğızıp qoyamız. Al, atam qazaq önerli adam kelgende birden törden orın beruşi edi..." dep. Bosağa bılay twrsın, ayaqastı qılğanday bop twrmız-au, degenmen...

P.S. Eskizdi jasağan kisilerdiñ öneri men eñbegine sın aytu oyda joq. Jaman nietpen istemegeni belgili ğoy. Ortaq toyğa şın ıqılaspen jasalğan dünie. Tek sol eskerilmey qalğanı - qwndılıqtıñ ayaqastı boluı bop twr, ätteñ...

Edige Qwnıpiyawlı

Abai.kz

2 pikir