Beysenbi, 16 Şilde 2020
COVID-19 QAZAQSTANDA. Jwqtırğandar — 65188. Jazılğandar — 39066. Qaytıs bolğandar — 375
46 - söz 2177 5 pikir 13 Mamır, 2020 sağat 11:58

Kölginov ünemdegen 32 mlrd teñge qaydan şıqqan?

Kölginov ünemdegen 32 yard teñge jaylı

Q.Toqaev pen onıñ aynalası koronaviruspen küres üşin bölingen 6 000 000 000 000 (TRILLION) teñgeniñ esebin bere almay qinalıp jatqanda, bügin Nwr-Swltannıñ äkimi A.Kölginovtiñ köregendiginiñ arqasında qala byudjeti üşin 32 mlrd teñge ünemdeldi degen jañalıq şıqtı.

Eger ay sayın 1000 pozitiv komment üşin bölingen 125 mln teñgeni esepteytin bolsaq, onda A.Kölginov mırza qala byudjeti üşin 32 mlrd teñge emes, 31 mlrd 875 mln teñge ünemdegen bolıp şığadı. Biraq äkimşilik qızmetkerleri 125 mln teñgeni şığın körmeytin sekildi. Jaraydı, milliondardı eseptep “wsaqtalmay-aq” qoyayıq.

Kölginov mırzanıñ optimizaciya sayasatınıñ jemisi jaylı Feysbukte 2-3 kisi süyinşi swrap bölisken soñ, pozitiv jañalıqtan men de quat alayın dep “Elorda Info” saytına kirip kördim. Jañalıqtı oqıp şığıp  32 mlrd teñgeniñ qaydan ünemdelgenin tüsine almadım. Şınımdı aytsam, özimniñ qazaq tilin biletinime kümändana bastadım. Jañalıqtıñ mına soñğı abzacın oqıp şığıp müldem basım qatıp ketti:

“…Qalanıñ birqatar sport ğimaratı da senimdi basqaruğa beriledi. Osılayşa, senimdi basqaru 10-15 jıl işinde jergilikti byudjet qarjısın 23 mlrd teñgege (jıl sayın 1,5 mlrd teñgege) deyin ünemdeuge mümkindik beredi.“

Sonda ünemdelgen 32 mlrd teñgeniñ işine “senimdi basqaru” arqılı 10-15 jıl işinde ünemdeletin 23 mlrd teñge kire me, kirmey me? Eger 32 mlrd teñgege 23 milliardtı qosıp eseptese, onda äkimşilik 55 mlrd teñge ünemdeledi dep jazar edi ğoy…

Ünemdelgen 32 mlrd teñgeniñ qaydan şıqqanın tüsinuge kömektesip jiberiñizderşi, pliz.

Şalqar Nwrseyitovtıñ äleumettik jelidegi jazbası

Abai.kz

5 pikir