بەيسەنبى, 13 تامىز 2020
COVID-19 قازاقستاندا. جۇقتىرعاندار — 101372. جازىلعاندار — 76756. قايتىس بولعاندار — 1269
46 - ءسوز 2281 5 پىكىر 13 مامىر, 2020 ساعات 11:58

كولگىنوۆ ۇنەمدەگەن 32 ملرد تەڭگە قايدان شىققان؟

كولگىنوۆ ۇنەمدەگەن 32 يارد تەڭگە جايلى

ق.توقاەۆ پەن ونىڭ اينالاسى كوروناۆيرۋسپەن كۇرەس ءۇشىن بولىنگەن 6 000 000 000 000 (تريلليون) تەڭگەنىڭ ەسەبىن بەرە الماي قينالىپ جاتقاندا، بۇگىن نۇر-سۇلتاننىڭ اكىمى ا.كولگىنوۆتىڭ كورەگەندىگىنىڭ ارقاسىندا قالا بيۋدجەتى ءۇشىن 32 ملرد تەڭگە ۇنەمدەلدى دەگەن جاڭالىق شىقتى.

ەگەر اي سايىن 1000 پوزيتيۆ كوممەنت ءۇشىن بولىنگەن 125 ملن تەڭگەنى ەسەپتەيتىن بولساق، وندا ا.كولگىنوۆ مىرزا قالا بيۋدجەتى ءۇشىن 32 ملرد تەڭگە ەمەس، 31 ملرد 875 ملن تەڭگە ۇنەمدەگەن بولىپ شىعادى. بىراق اكىمشىلىك قىزمەتكەرلەرى 125 ملن تەڭگەنى شىعىن كورمەيتىن سەكىلدى. جارايدى، ميلليونداردى ەسەپتەپ “ۇساقتالماي-اق” قويايىق.

كولگىنوۆ مىرزانىڭ وپتيميزاتسيا ساياساتىنىڭ جەمىسى جايلى فەيسبۋكتە 2-3 كىسى ءسۇيىنشى سۇراپ بولىسكەن سوڭ، پوزيتيۆ جاڭالىقتان مەن دە قۋات الايىن دەپ “ەلوردا ينفو” سايتىنا كىرىپ كوردىم. جاڭالىقتى وقىپ شىعىپ  32 ملرد تەڭگەنىڭ قايدان ۇنەمدەلگەنىن تۇسىنە المادىم. شىنىمدى ايتسام، ءوزىمنىڭ قازاق ءتىلىن بىلەتىنىمە كۇماندانا باستادىم. جاڭالىقتىڭ مىنا سوڭعى ابزاتسىن وقىپ شىعىپ مۇلدەم باسىم قاتىپ كەتتى:

“…قالانىڭ بىرقاتار سپورت عيماراتى دا سەنىمدى باسقارۋعا بەرىلەدى. وسىلايشا، سەنىمدى باسقارۋ 10-15 جىل ىشىندە جەرگىلىكتى بيۋدجەت قارجىسىن 23 ملرد تەڭگەگە (جىل سايىن 1,5 ملرد تەڭگەگە) دەيىن ۇنەمدەۋگە مۇمكىندىك بەرەدى.“

سوندا ۇنەمدەلگەن 32 ملرد تەڭگەنىڭ ىشىنە “سەنىمدى باسقارۋ” ارقىلى 10-15 جىل ىشىندە ۇنەمدەلەتىن 23 ملرد تەڭگە كىرە مە، كىرمەي مە؟ ەگەر 32 ملرد تەڭگەگە 23 ميللياردتى قوسىپ ەسەپتەسە، وندا اكىمشىلىك 55 ملرد تەڭگە ۇنەمدەلەدى دەپ جازار ەدى عوي…

ۇنەمدەلگەن 32 ملرد تەڭگەنىڭ قايدان شىققانىن تۇسىنۋگە كومەكتەسىپ جىبەرىڭىزدەرشى، پليز.

شالقار نۇرسەيىتوۆتىڭ الەۋمەتتىك جەلىدەگى جازباسى

Abai.kz

5 پىكىر