Týbegeyli jana zannan ong nәtiyje kýtemiz
Keshe Mәjilis ekinshi oqylymda beybit jiyndar turaly zang jobasyn maqúldady.
Búl eng kóp talqygha týsken, kóp adamnyng pikiri eskerilgen, әbden elekten ótken zang jobasy desek te bolatyn shyghar. Bir jaqtan zang jobasy talqylanyp jatqanda, ekinshi jaqtan әrtýrli qyzu pikirtalastar oryn alyp, syndar aitylyp jatty. Búl da dúrys shyghar, biraq ózim jurnalist bolghandyqtan kóp jaghdayda aqparattyng anyq-qanyghyna kóz jetkizip almay túryp, jarym-jartylay mәlimetti jalaulatyp әketuge, orta belden qanday da bir qorytyndy shygharugha qarsymyn, qúptamaymyn. Zang jobasyna qatysty kóptegen aqparattyng búrmalanyp aityluyn da kәsibiylik dep eseptemeymin.
Últtyq kenesting mýshesi retinde jana zang jobasy boyynsha júmys toptaryndaghy talqylaugha qatystym. Offlayn talqylaular eldegi tótenshe jaghday men karantinge baylanysty ayaqasty onlayn rejimge auysty. Búl orayda da múny keyinge qaldyru qajet edi degen pikirlerdi oqyp qaldym. Meninshe júmysty orta joldan tastap, belgisiz merzimge qaldyrudyng qajeti joq. Onlayn talqylaudyng offlayn talqylaudan asa bir artta qalyp qoyghan aiyrmashylyghy boldy dep aita almaymyn. Kýnde saghattap baylanysqa shyghyp otyrdyq. Azamattyq qogham ókilderi, zangerler, deputattar ózderining oilaryn, pikirlerin ashyq aitty. Kerek jerinde tipti qatty aitqan kezder de boldy. Biz de óz tarapymyzdan jurnalisterding júmysyn retteytin normalargha qatysty, piyketterding mәselesi, miting ótkiziletin arnayy oryndargha baylanysty jәne basqa da normalargha súraqtarymyz ben úsynystarymyzdy aittyq. Bәrimizge sóz berildi. Keybir pikirtalastar saghatqa sozyldy. Onyng barlyghy ong nәtiyje bergenin jәne osy sózderimdi Últtyq Kenestegi әriptester Erlan Sairov, Múhtar Tayjan, Marat Bashimov, Múrat Ábenov rastaydy dep oilaymyn. Júmys tobynyng tóraghasy, deputat Qanat Musin myrzanyng da kәsiby enbegin atap ótkim keledi. Qanshama jan-jaqty, keyde qarama-qayshy pikirlerding barlyghyn múqiyat, sabyrmen tyndap, bәrine uaqyt ýilestire bildi. Eng bastysy osy júmystyng nәtiyjesi.
Anyghyn aitayyq, jana zang jobasynyng kóptegen normalary alghashqy núsqasynan jetildirile týsti. Eskertu uaqyty qysqartyldy, zanmen tyiym salynbaghan (qauipti infraqúrylym nysandarynyng manynan ózge) kez-kelgen jerde piyket úiymdastyrugha rúqsat berilmek. Jurnalisterding júmysyn retteytin normalardyng bәri derlik alynyp tastaldy. Týbegeyli jana zannan ong nәtiyje kýtemiz.
Ashat Sadyrbay
Abai.kz
