Düysenbi, 30 Naurız 2020
Jön-aq 1021 12 pikir 22 Naurız, 2020 sağat 14:51

«Jebeulikter» halıqtı qayırımdılıq şarağa at salısuğa şaqırdı

20 Naurız küni «Jebeu» Respublikalıq qoğamdıq birlestigi Elbası men Memleket basşısınıñ ündeuine ün qosıp, Almatıdağı densaulıq saqtau wyımdarına kömek körsetti.

«Jebeu» Respublikalıq qoğamdıq birlestiginiñ törağası Omaräli Ädilbekwlı, birlestiktiñ keñes müşesi, belgili käsipker Sabırjan Mwhamethanwlı, atqaruşı direktorı Qwrmet Qabılğazıwlı qwnı million teñgelik maska jäne antiseptikalıq däri-därmekti Almatı qalalıq № 12 emhana men qalalıq densaulıq saqtau basqarmasına tabıs etti.

«Jebeu» qayırımdılıq maqsattağı atalğan bwyımdardı QR İİM Almatı qalalıq tötenşe jağdaylar departamentiniñ Bas ştabına alıp barğan bolatın, ondağılar qalalıq №12 emhanağa jetkizuge nwsqadı. Bas däriger Almaz Bolatwlınıñ tapsırması boyınşa zattardı osı emhana qızmetkerleri men osındağı qalalıq densaulıq basqarmasınıñ ökilderi qabıldap aldı. Densaulıq basqarmasınıñ ökilderi jebeulikterge rizaşılıq bildirip, mınau qiın-qıstau şaqta densaulıq saqtau qızmetkerleri men mwqtaj jandardıñ igiligi üşin jasalıp jatqan riyasız kömekke alğıs ayttı.

index2.jpg

Birlestik törağası Omaräli Ädilbekwlı el basına kün tuğan sätterde qarap qalmau, el müddesine jwmıla qızmet jasaudıñ elimizdegi ärbir azamat pen ärqanday wyımınıñ, onıñ işinde ükimettik emes wyımdardıñ da bas tartpas borışı esepteletinin, özi basşılıq jasap otırğan birlestiktiñ qatarlas qoğamdıq wyımdardı osınday şaralarğa atalsalısuğa şaqıratının jetkizdi.

«Wltımızdıñ tağdırı, wrpağımızdıñ bolaşağı öz qolımızda. Uaqıt bizden eşqanday keranaulıqtı, salğırttıqtı kütpeydi. Jauapkerşilik pen tärtipti talap etedi. Barlıq azamattar, käsipkerler, mekemeler, qoğamdıq wyımdar Prezidenttiñ jäne Elbasımızdıñ ündeuine ün qosayıq. Bärin de özimizden bastayıq. Densaulıq saqtau wyımdarınıñ, qwqıq qorğau organdarınıñ  talabı men ötinişin orındap, otbasımızğa, aynalamızğa ülgi bolayıq. Sonımen birge şamamızdıñ kelisinşe osı qiındıqtan şığu üşin zattıq, ruhani kömegimizdi körsetip, qoldau bildireyik. Älemdik täjiribeden bayqap otırmız, bwl aurudı eñsergen elderdiñ bastı qaruı: qatañ tärtip, bereke-birlik, ğılımğa degen senim, jaqsı ädep-ğwrıp. Mısalı, Izrail'de birde-bir därigerge dert jwqpağan, äri dert jwqtırğan kisiler din aman. Japoniya, Koreya sındı damığan elder ğılım men tärtipke jügine otırıp, auru oşağın qatañ tizgindedi. Qazaqiyanıñ keşesi, bügini, erteñi bärimizge ortaq, El bolıp bir jağadan bas, bir jeñnen qol şığarıp koronavirus degen tajaldıñ tamırına balta şabayıq», - dep ündeu tastadı jebeulikter.

Abai.kz

12 pikir