Seysenbi, 22 Qırküyek 2020
COVID-19 QAZAQSTANDA. Jwqtırğandar — 107374. Jazılğandar — 102064. Qaytıs bolğandar — 1699
Bilik 894 0 pikir 12 Naurız, 2020 sağat 10:55

Memleket basşısı birqatar kezdesu ötkizdi

Belgili ekonomist, «Qazmwnaygaz Injiniring» kompaniyası bas direktorınıñ keñesşisi Jaqsıbek Qwlekeevpen kezdesu kezinde elimizdiñ äleumettik-ekonomikalıq damuı jöninde, memlekettik byudjettiñ kiris böligin qalıptastıru, Qazaqstan ekonomikasınıñ energiyalıq resurstardıñ eksportına täueldiligin tömendetu mäseleleri talqılandı.

Qasım-Jomart Toqaev ekonomikalıq ösimdi arttıru, fiskaldı jäne monetalıq sayasattı jetildiru, käsipkerlikti damıtu, otandıq önim öndiruşilerdi qoldau bağıttarında keşendi şaralar qabıldaudıñ mañızdılığına nazar audardı.

Memleket basşısı Wlttıq qoğamdıq senim keñesiniñ müşesi, Europalıq qwqıq jäne adam qwqıqtarı institutınıñ direktorı Marat Başimovpen kezdesu barısında qwqıq qorğau jüyesine, zañ jobaların jetildiruge jäne azamattıq sektordı damıtuğa qatıstı mäseleler söz boldı.

Qoğam qayratkeri Memleket basşısınıñ beybit jiındar turalı zañda jiın ötkizu turalı aldın ala eskertu qağidatı boluı tiis degen wstanımın qoldaytının ayttı.

Abai.kz

0 pikir