بەلگىلى ەكونوميست، «قازمۇنايگاز ينجينيرينگ» كومپانياسى باس ديرەكتورىنىڭ كەڭەسشىسى جاقسىبەك قۇلەكەەۆپەن كەزدەسۋ كەزىندە ەلىمىزدىڭ الەۋمەتتىك-ەكونوميكالىق دامۋى جونىندە، مەملەكەتتىك بيۋدجەتتىڭ كىرىس بولىگىن قالىپتاستىرۋ، قازاقستان ەكونوميكاسىنىڭ ەنەرگيالىق رەسۋرستاردىڭ ەكسپورتىنا تاۋەلدىلىگىن تومەندەتۋ ماسەلەلەرى تالقىلاندى.

قاسىم-جومارت توقاەۆ ەكونوميكالىق ءوسىمدى ارتتىرۋ، فيسكالدى جانە مونەتالىق ساياساتتى جەتىلدىرۋ، كاسىپكەرلىكتى دامىتۋ، وتاندىق ءونىم وندىرۋشىلەردى قولداۋ باعىتتارىندا كەشەندى شارالار قابىلداۋدىڭ ماڭىزدىلىعىنا نازار اۋداردى.

مەملەكەت باسشىسى ۇلتتىق قوعامدىق سەنىم كەڭەسىنىڭ مۇشەسى، ەۋروپالىق قۇقىق جانە ادام قۇقىقتارى ينستيتۋتىنىڭ ديرەكتورى مارات باشيموۆپەن كەزدەسۋ بارىسىندا قۇقىق قورعاۋ جۇيەسىنە، زاڭ جوبالارىن جەتىلدىرۋگە جانە ازاماتتىق سەكتوردى دامىتۋعا قاتىستى ماسەلەلەر ءسوز بولدى.

قوعام قايراتكەرى مەملەكەت باسشىسىنىڭ بەيبىت جيىندار تۋرالى زاڭدا جيىن وتكىزۋ تۋرالى الدىن الا ەسكەرتۋ قاعيداتى بولۋى ءتيىس دەگەن ۇستانىمىن قولدايتىنىن ايتتى.

Abai.kz