Densaulyq saqtau ministri Eljan Birtanov ózge elderden keletin jolaushylardy Qazaqstangha kirgizudi shekteu sharalaryna baylanysty pikir bildirdi.

«Shekteu boluy tiyis. Kóptegen el shekteudi engizedi. 4 nauryzda birinshi sanattaghy elderden kelgen shetel azamattary ýshin shekteuler engizildi. Jolaushylar aghynyn qysqartu ýshin osynday normalar kýshine endi. Ókinishke qaray, bizding azamattarymyz eskertu men qauip-qaterge qaramay, basqa elderge, әsirese birinshi sanattaghy elderge shyghularyn qoyar emes. Ásirese, bizding azamattar kóp baratyn Ontýstik Koreyany erekshe atap ótkim keledi. Auru keng taralyp kele jatqandyqtan birtindep shekteu sharalaryn engizudemiz. Sondyqtan biz alghashqy kýnderden bastap azamattarymyzdy búl elderge barmaugha shaqyrdyq. Bizdi bizneske kedergi keltirdi degen synayda syngha aldy. Biraq búl úsynystar azamattarymyzdy qorghaugha baghyttalghan», - dedi Eljan Birtanov OKQ-da ótken baspasóz konferensiyasynda.

Ministrding aituynsha, eskertuge qaramastan ketip qalghan azamattar elge kelgen kezde shekteu sharalaryna dayyn boluy tiyis.

«Búl densaulyq saqtau kodeksine sәikes zandy qadam. Osy standarttardy búzghany ýshin jauapkershilik te qarastyrylghan. Shekteuler engizilgenimen biz әrdayym basqa elderding әue kompaniyalaryna yqpal ete almaymyz. Sondyqtan halyqty qorghau maqsatynda bizge kelip jatqan azamattardy deportasiyalaugha deyingi әreketti jasaugha, jer audarudy jýzege asyrugha qúqyghymyz bar. Atap aitqanda, 4-i kýni BAÁ-den bort keldi. Onda QHR-dyng eki azamaty bar bolyp shyqty. Biz olardy oqshaulap, baqylap, Qytaygha jiberdik. Basqa elder de osynday sharalardy qabyldauda. Búl ýilesimdi sayasat», - dedi ministr.

Osyghan baylanysty Densaulyq saqtau ministrligi qosymsha sharalardy qabyldamaq.

«Japoniyadan kelgen jolaushylardyng jaghdayy turaly bilesizder. Olardyng jaghdayy túraqty, jaqyn arada emhanadan shygharylady. Sonymen qatar býgin Ontýstik Koreyadan bort keledi. Biz olardy da karantinge ornalastyramyz. Bizding klinikalardyng dayyndyghy jaqsy. Ornalastyramyz, tekseremiz. Eger nauqastar bolsa, olardy mamandandyrylghan auruhanalargha jatqyzamyz. Bizde azamattar ýshin tamaqpen qamtamasyz etetin jәne sanitarlyq normalargha say keletin oryndar jetkilikti. Karantinge jatqyzghan azamattar auru adamdar emes. Olar deni sau adamdar», - dep sendirdi Eljan Birtanov.

Abai.kz